लेवी 24:7 - नेवाः बाइबल

⁷ अले थ्‍व मरिया निंतिं लुमन्‍तिकथं ब्‍व जुयाः परमप्रभुया निंतिं विशेष देछा जुइत छं पँपतिकं भिंगु धुपाँय् ति।

लेवी 24:7 ပူးပေါင်းရင်းမြစ်များ

उत्‍पत्ति 9:16

आकाशय् गुबलय् इन्‍द्रेणी खनेदइ, उकियात स्‍वयाः जिं पृथ्‍वीइ च्‍वंपिं फुक्‍क प्राणीलिसे सदांया लागि चिनागु बाचा लुमंके।”

प्रस्‍थान 12:14

“थ्‍व दिं छिमिगु निंतिं लुमन्‍तिया दिं जुइ। थ्‍वखुन्‍हु छिमिसं परमप्रभुया नखः हनेमाः। थ्‍व छिमित पुस्‍तां पुस्‍ता तकया निंतिं नियम जुल।

प्रस्‍थान 13:9

परमप्रभुया व्‍यवस्‍था छिमिगु म्‍हुतुइ दयेमा धकाः थ्‍व छिमिगु ल्‍हातिइ व कपालय् लुमंकाबीगु चिं थें जुइ, छाय्‌धाःसा परमप्रभुं थःगु शक्तिं जाःगु ल्‍हातिं छिमित मिश्र देशं पित हयादीगु खः।

प्रस्‍थान 17:14

अमालेकीतय्‌त बुके धकाः परमप्रभुं मोशायात धयादिल, “थ्‍व खँयात लुमंका तयेत छगू सफुलिइ च्‍व। अले जिं अमालेकीतय्‌त पृथ्‍वीं भज्‍यंक नाश यानाबी धकाः यहोशूयात धा।”

प्रस्‍थान 28:12

इस्राएलया झिंनिगू कुलया लुमन्‍ति कथं हारूनं थ्‍व निकुतिं ल्‍वहंयात ब्‍वहलय् तयाब्‍यु। थुकथं वं पवित्र पालय् वनीबलय् इमिगु नां घानावनी। उकिं जि परमप्रभुं थः मनूतय्‌त न्‍ह्याबलें लुमंकी।

यशैया 43:23

छं होमबलिया निंतिं जिथाय् फै हःगु मदु, न छं थःगु बलिदानं जितः हनाबना याःगु दु। जिं छन्‍त यक्‍व बलिदानत फ्‍वनाः झ्‍यातुगु कु क्‍वबिकागु मदु, न यक्‍व धुपाँय् फ्‍वनाः छन्‍त त्‍यानुचाय्‌कागु दु।

लेवी 2:1

“‘सुनानं परमप्रभुया निंतिं अन्‍नबलि छाःसा भिंगु छुचुं हयेमाः। उकी जैतूनया चिकं प्‍वंकाः धुपाँय्‌ तयेमाः।

लेवी 2:2

अले वं हारूनया पुजाहारी काय्‌पिन्‍थाय् हयेमाः। उकिं पुजाहारीं थःगु ल्‍हाःया छम्‍हू भिंगु छुचुं व चिकं, अले फुक्‍क धुपाँय्‌ नाप लिकायेमाः। अले वं परमप्रभुयात यःगु नस्‍वाः वःगु विशेष देछा लुमन्‍तिकथं वेदीइ छ्वय्‌केमाः।

लेवी 2:9

पुजाहारीं अन्‍नबलिं लुमन्‍तिकथं छम्‍हु लिकयाः व परमप्रभुयात यःगु नस्‍वाः वःगु विशेष देछा वेदीइ छ्वय्‌केमाः।

यूहन्‍ना 6:35

वय्‌कलं धयादिल – “जीवन बीगु मरि जि हे खः। जिथाय् वइम्‍ह मनूयात गुबलें हे नयेपित्‍याइ मखु। अथे हे जितः विश्‍वास याइम्‍ह मनूयात गुबलें हे प्‍याः चाइ मखु।

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

प्रेरित 10:31

थथे धाल – ‘कर्नेलियस, छं याःगु प्रार्थना व मेपिन्‍त ग्‍वाहालि याना जूगु परमेश्‍वरयात तसकं यल।

प्रेरित 10:4

वं स्‍वःगु स्‍वलं तुं यानाः ग्‍याग्‍यां धाल – “प्रभु, छु याये माल, धयादिसँ?” अले दूतं वयात धाल – “छं मेपिन्‍त याःगु ग्‍वाहालि व प्रार्थना खनाः परमेश्‍वर तसकं लय्‌तायादिल।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।