लेवी 24:16 - नेवाः बाइबल

¹⁶ सुं मनुखं परमप्रभुया नांयात क्‍वह्यंकाः सराः बिल धाःसा वयात फुक्‍क खलकं ल्‍वहँतं कय्‌काः स्‍यायेमाः। स्‍वदेशी जुइमा वा परदेशी जुइमा सुनानं परमप्रभुया नांयात क्‍वह्यंकाः सराः बिल धाःसा वयात स्‍याना हे छ्वयेमाः।

लेवी 24:16 ပူးပေါင်းရင်းမြစ်များ

२ शमूएल 6:2

अले दाऊद उपिं मनूतनापं परमेश्‍वरया सनू हयेत यहूदाया बालां वन। व सनू करूबतय् दथुइ च्‍वनादीम्‍ह दक्‍व शक्ति दुम्‍ह परमप्रभुयागु खः।

भजनसंग्रहया सफू 139:20

इमिसं न्‍ह्याबलें छितः क्‍वह्यंकाः खँ ल्‍हाना जुइ। शत्रुतय्‌सं म्‍वाःमदुथाय् नं छिगु नां कयाजुइ।

भजनसंग्रहया सफू 74:10

हे परमेश्‍वर, शत्रुतय्‌त गुबलय् तक न्‍हीकातयेगु? इमित सदां छिगु नांयात क्‍वह्यंके बियातयेगु ला?

भजनसंग्रहया सफू 74:18

हे परमप्रभु, छकः लुमंकादिसँ, छिकपिनि शत्रुत छि खनाः गथे न्‍हिल। मूर्ख मनूतय्‌सं छिगु नांयात गुकथं क्‍वह्यंका जुल।

प्रस्‍थान 20:7

“जिगु नां कयाः मखुगु पाफयाः थः परमेश्‍वरया नां क्‍वह्यंके मते। म्‍वाय्‌कं म्‍वाय्‌कं वय्‌कःया नां काइम्‍हय्‌सित वय्‌कलं सजाँय बियादी।

प्रस्‍थान 22:28

“परमेश्‍वरयात क्‍वह्यंके मते, अले छिमि मनूतय् शासकतय्‌त नं सराः बी मते।

लेवी 20:2

“इस्राएलीतय्‌त धा, ‘सुं इस्राएली वा इपिं नापं च्‍वनाच्‍वंम्‍ह परदेशी मनुखं मोलेक द्यःयात थःपिनि मचा छाल धाःसा वयात खलःयापिं फुक्‍कसिनं ल्‍वहँतं कय्‌काः स्‍यायेमाः।

मत्ती 12:31

“मनूतय्‌सं न्‍ह्यागु हे मखुगु खँ ल्‍हाःसां न्‍ह्यागु हे पाप याःसां इमित क्षमा बी, पवित्र आत्‍मायात मभिंकाः खँ ल्‍हाइपिन्‍त धाःसा क्षमा बी मखु।

मत्ती 26:66

छिमिगु छु बिचाः दु?” इमिसं धाल – “थ्‍व दोषी हे खः, थ्‍वयात स्‍याये हे माः।”

मर्कूस 14:64

थ्‍वं परमेश्‍वरयात क्‍वह्यंकूगु छिमिसं ता हे ताल। छिमिगु छु बिचाः दु?” इमिसं “वयात स्‍याना हे छ्वयेमाः” धकाः धाल।

यूहन्‍ना 19:7

यहूदीतय्‌सं पिलातसयात लिसः बिल – “जिमिके नं व्‍यवस्‍था दु, थ्‍व व्‍यवस्‍थाकथं थ्‍वयात स्‍याये हे माः, छाय्‌धाःसा थ्‍वं थःत परमेश्‍वरया काय् धकाः धयाजुल।”

प्रेरित 26:11

धर्मशास्‍त्र स्‍यनिगु छेँय् छेँय् वनाः इमित ज्‍वनाहयाः सजाँय बिया, अले इमिगु हे म्‍हुतुं ख्रीष्‍टयात मभिंक धाय्‌के बिया। थुलि याना नं मगानाः तमं तातापाक मेमेगु शहरय् नापं वनाः जिं इमित दुःखकष्‍ट बिया।”

प्रेरित 7:58

इमिसं वयात सालाः शहरं पिने यंकाः ल्‍वहँतं कय्‌कल। शाऊल धाःम्‍ह ल्‍याय्‌म्‍हम्‍ह मनू धाःसा ल्‍वहँतं कय्‌कूपिनिगु वसः स्‍वयेत पिवाः च्‍वनाच्‍वन।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

याकूब 2:7

अले हानं छिमित सःतादीम्‍ह हनेमाःम्‍ह प्रभुयागु नां बेइज्‍जत यायेत स्‍वःपिं नं तःमिपिं हे मखु ला?