लेवी 24:11 - नेवाः बाइबल

¹¹ व इस्राएली मिसाया काय्‌नं उबले परमप्रभुया नांयात क्‍वह्यंकाः सराः बिल। अले मनूतय्‌सं वयात ज्‍वनाः मोशायाथाय् हल। वया मांया नां शलोमीत खः। व दानया कुलया दिब्रीया म्‍ह्याय् खः।

लेवी 24:11 ပူးပေါင်းရင်းမြစ်များ

२ शमूएल 12:14

तर थ्‍व ज्‍या यानाः छिं परमप्रभुया शत्रुतय्‌त हेस्‍यायेगु मौका ब्‍यूगु दु, अथे जुयाः छिपाखें दुम्‍ह काय् सी।”

१ राजा 21:10

मेखेपाखे निम्‍ह लुच्‍चापिं मनूतय्‌त फेतुकाः वं परमेश्‍वर व जुजुयात सराः ब्‍यूगु दु धकाः धाय्‌की। अनंलि वयात पिने यंकाः ल्‍वहँतं कय्‌काः स्‍यानाब्‍यु।”

१ राजा 21:13

अले निम्‍ह लुच्‍चापिं मनूत वया वयागु चुलिंचू च्‍वन, इमिसं मनूतय् न्‍ह्यःने नाबोतयात थथे पाः यात, “वं जुजु व परमेश्‍वरयात सराः बिल।” उकिं वयात शहरं पिने यंकाः ल्‍वहँतं कय्‌काः स्‍यानाबिल।

२ राजा 18:30

हिजकियां हेय्‌काः छिमित थथे धया परमप्रभुयाके भलसा याके नं मबीमा, ‘परमप्रभुं धात्‍थें हे झीत छुत्‍कारा यानादी। वय्‌कलं थ्‍व शहर अश्‍शूरया जुजुया ल्‍हातय् लःल्‍हानादी मखु।’

२ राजा 18:35

छु! थुपिं देशयापिं द्यःत मध्‍ये सुनानं थःगु देशयात जिगु ल्‍हातं बचय् याये फुगु दु ला? परमप्रभुं यरूशलेमयात गथे यानाः बचय् याये फइ?”

२ राजा 18:37

अनंलि दरबारया प्रशासक हिल्‍कियाहया काय् एल्‍याकीम, दरबारया छ्यान्‍जे शेब्‍ना व ल्‍याःचाः तइम्‍ह आसापया काय् योआं थःगु वसः खुत, अले हिजकियायाथाय् वयाः अश्‍शूरयाम्‍ह लडाइँया सेनापतिं धाःगु खँ कन।

२ राजा 19:10

“यहूदायाम्‍ह जुजु हिजकियायात धा– छं भलसा याःम्‍ह द्यवं ‘यरूशलेम अश्‍शूरयाम्‍ह जुजुया ल्‍हातय् लाइ मखु’ धयाः छन्‍त ध्‍वंमलायेमा।

२ राजा 19:22

छं सुयात क्‍वह्यंका व ब्‍वः बिया? अले सुयागु विरोधय् छं न्‍ववानागु व तःधंछुयागु दु? इस्राएलया पवित्र परमेश्‍वरया विरोधय् मखु ला?

२ राजा 19:6

यशैयां इमित धाल, “छिमि मालिकयात धा, ‘परमप्रभुं थथे धयादी, थुपिं अश्‍शूरयाम्‍ह जुजुया च्‍यःतय्‌सं जितः क्‍वह्यंकाः धाःगु खँ न्‍यनाः छ ग्‍याये मते।

अय्‍यूब 1:11

तर थःगु ल्‍हाः ताहाकः यानाः वयाके दुगु फुक्‍क धन-सम्‍पत्ति लाकाकयादिसँ सा, वं छितः छिगु ख्‍वाःया न्‍ह्यःने हे सराः बी।

अय्‍यूब 1:22

थ्‍व फुक्‍क खँय् अय्‍यूबं परमेश्‍वरयात पाः यानाः पाप मयाः।

अय्‍यूब 1:5

भ्‍वय्‌या कन्‍हय् खुन्‍हु अय्‍यूब सुथ न्‍हापां दनाः इमिगु ल्‍याःकथं होमबलि छाइगु। थुकथं वं थःकाय् म्‍ह्याय्‌पिन्‍त च्‍वख याइगु, छाय्‌धाःसा वं थथे मतिइ तइगु, “जिमि काय् म्‍ह्याय्‌पिन्‍सं पाप याःगु जुइफु अले मनं मनं परमेश्‍वरयात सराः ब्‍यूगु जुइफु।” अय्‍यूबं न्‍ह्याबलें थथे याइगु।

अय्‍यूब 2:5

थःगु ल्‍हाः ताहाः यानाः वयागु म्‍हय् घाःपाः यानादिसँ सा, वं छिगु न्‍ह्यःने हे छितः सराः बी।”

भजनसंग्रहया सफू 74:18

हे परमप्रभु, छकः लुमंकादिसँ, छिकपिनि शत्रुत छि खनाः गथे न्‍हिल। मूर्ख मनूतय्‌सं छिगु नांयात गुकथं क्‍वह्यंका जुल।

भजनसंग्रहया सफू 74:22

हे परमेश्‍वर, दनादिसँ, थःगु खँयात कयाः नवानादिसँ छकः लुमंकादिसँ, मूर्खतय्‌सं छितः न्‍हिन्‍हिं हेस्‍यानाच्‍वंगु दु।

प्रस्‍थान 18:22

इमिसं हे न्‍ह्याबलें मनूतय्‌गु न्‍याय यायेगु यायेमाः। थाकुगु मुद्दा जक छिथाय् हय्‌केबियादिसँ। चिचीधंगु मुद्दा इपिं थःपिन्‍सं हे क्‍वःछीमाः। थुकथं छिगु ज्‍या इमिसं इनाकाइगुलिं छितः अपुइ।

प्रस्‍थान 18:26

उबलय्‌निसें इमिसं मनूतय्‌गु न्‍याय यायेगु यात। थाकुगु थाकुगु मुद्दा इमिसं मोशायाथाय् हयेगु यात। चिचीधंगु खँय् इमिसं थःपिन्‍सं हे क्‍वःछिना छ्वइगु जुल।

प्रस्‍थान 20:7

“जिगु नां कयाः मखुगु पाफयाः थः परमेश्‍वरया नां क्‍वह्यंके मते। म्‍वाय्‌कं म्‍वाय्‌कं वय्‌कःया नां काइम्‍हय्‌सित वय्‌कलं सजाँय बियादी।

प्रस्‍थान 22:28

“परमेश्‍वरयात क्‍वह्यंके मते, अले छिमि मनूतय् शासकतय्‌त नं सराः बी मते।

प्रस्‍थान 3:15

परमेश्‍वरं हानं मोशायात धयादिल, “इस्राएलीतय्‌त धा, ‘परमप्रभु छिमि पुर्खाया परमेश्‍वर आर्थात अब्राहाम, इसहाक, याकूबया परमेश्‍वरं जितः छिमिथाय् छ्वयाहःगु खः।’ “न्‍ह्याबलेंया निंतिं जिगु नां थ्‍व हे खः। जिगु थ्‍व हे नामं जितः छिमिसं पुस्‍तां पुस्‍ता तक लुमंकेगु याइ।

यशैया 8:21

इपिं तसकं कष्‍टय् लाना नयेपित्‍याकाः देशय् चाचाःहिलाजुइ। उबलय् इमित तसकं नयेपित्‍याइ, इपिं तसकं तंम्‍वइ अले च्‍वय् स्‍वयाः थः जुजु व थः परमेश्‍वरयात सराः बी।

लेवी 24:10

छम्‍ह इस्राएली मिसाया काय् दु। वया अबु मिश्री खः। इस्राएली मिसाया व काय् इस्राएलीतनापं च्‍वनाच्‍वंगु खः। व छम्‍ह इस्राएली मनूनापं ल्‍वात।

मत्ती 26:65

थ्‍व न्‍यनाः दकलय् तःधंम्‍ह पुजाहारीं थःम्‍हं फिनातःगु लं खुनाः थथे धाल – “थ्‍वं परमेश्‍वरयात क्‍वह्यंकाः खँ ल्‍हात। थ्‍वयां अप्‍वः मेगु दसि हे छु माल? थ्‍वं परमेश्‍वरयात क्‍वह्यंकूगु छिमिसं ता हे ताल।

रोमी 2:24

धर्मशास्‍त्रय् नं थ्‍व खँ थथे च्‍वयातःगु दु – “छिपिं थें ज्‍याःपिं मनूतय्‌सं यानाः हे खः, यहूदीमखुपिन्‍सं परमेश्‍वरयागु नां बांमलाकूगु।”

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

प्रकाश 16:11

थुकथं कै वय्‌काः सास्‍ती नका तःगुलिं इमिसं स्‍वर्गय् च्‍वंम्‍ह परमेश्‍वरयात सराः बिल। इमिसं थःपिन्‍सं याना जूगु मभिंगु ज्‍यायागु पश्‍चाताप मयाः।

प्रकाश 16:21

पिइगु पिइगु किलो ति दुगु ततःग्‍वःगु प्‍वँ आकाशं कुतुं वयाः मनूतय्‌त लात। थज्‍याःगु प्‍वँ वयाः तसकं महामारी लाःगुलिं मनूतय्‌सं परमेश्‍वरयात सराः बिल, छाय्‌धाःसा थ्‍व तसकं हे तःधंगु ग्‍यानापुगु महामारी खः।