लेवी 23:41 - नेवाः बाइबल

⁴¹ दँय्‌दसं छिमिसं थुकियात परमप्रभुया निंतिं न्‍हय्‌न्‍हु तक नखःकथं हनेमाः। लिपा वइपिं छिमि पुस्‍तौं पुस्‍तातय्‌सं नं न्‍हय्‌गूगु लाय् थ्‍व नखः हनेमाः। थ्‍व न्‍ह्याबलेंया लागिं नियम खः।

लेवी 23:41 ပူးပေါင်းရင်းမြစ်များ

नहेम्‍याह 8:18

न्‍हियान्‍हिथं न्‍हापांगु दिनंनिसें लिपांगु दिं तक एज्रां परमेश्‍वरया व्‍यवस्‍थाया सफुतिं ब्‍वनाः न्‍यंकल। इमिसं न्‍हय्‌न्‍हु तक नखः हन अले च्‍यान्‍हु खुन्‍हु नियमकथं सभा जुल।

लेवी 23:14

छिमिसं थः परमेश्‍वरयात थथे छाये महतले छिमिसं न्‍हूगु बालीया गुगुं नं कथंया मरि, सियातःगु, छुयातःगु अन्‍न नये मते। छिमिसं न्‍ह्याथाय् वंसां छिमि पुस्‍तौं पुस्‍ता तकं यायेमाःगु न्‍ह्याबलेंया नियम थ्‍व खः।

लेवी 23:40

न्‍हापांगु दिं छिमिसं थःथाय् सःगु भिंभिंगु फल, बल्‍चा दय्‌केत ताय्‌गः सिमाया कचा, ततःमागु सिमाया कचा, लहरे पिपलया कचा ज्‍वनाः न्‍हय्‌न्‍हु तक परमप्रभु छिमि परमेश्‍वरया न्‍ह्यःने लय्‌ताया च्‍वँ।

लेवी 23:42

न्‍हय्‌न्‍हु तक फुक्‍क इस्राएलीत बल्‍चाय् च्‍वनेमाः।

गन्‍ती 29:12

“‘न्‍हय्‌गूगु लाया झिंन्‍यान्‍हु खुन्‍हु छिमिगु छगू पवित्र मुँज्‍या जुइमाः। उखुन्‍हु छिमिसं छुं हे न्‍हिज्‍या याये मते। छिमिसं परमप्रभुया निंतिं न्‍हय्‌न्‍हु तक नखः हनेमाः।