लेवी 23:3 - नेवाः बाइबल

³ “‘खुन्‍हु तक छिमिसं ज्‍या या, न्‍हय्‌न्‍हु दुखुन्‍हु धाःसा झासु लनेगु विश्रामबार व पवित्र मुंज्‍या जुइ। उखुन्‍हु छिमिसं छुं नं ज्‍या याये मते। छिपिं न्‍ह्याथाय् च्‍वनाच्‍वंसां उखुन्‍हु छिमिसं परमप्रभुयात तःधंकेमाः।

लेवी 23:3 ပူးပေါင်းရင်းမြစ်များ

प्रस्‍थान 16:23

अले वं इमित धाल, “परमप्रभुं थथे हे धयादीगु खः, ‘कन्‍हय् विश्रामबार खः। थ्‍व परमप्रभुया निंतिं पवित्र विश्रामबार खः। उकिं मनूतय् छु छुइ यः, व हे छु, छु दय्‌के यः, व हे दय्‌कि। ल्‍यंदुगु कन्‍हय् सुथय् तक तयाति।’”

प्रस्‍थान 16:29

स्‍व, परमप्रभुं छिमित विश्रामबार बियादीगु दु। उकिं परमप्रभुं छिमिगु निंतिं खुन्‍हु दुखुन्‍हु निन्‍हुयात नयेगु नसा बियादी। न्‍हय्‌न्‍हु खुन्‍हु छिपिं सकलें थथःगु थासय् हे च्‍वनाच्‍वनेमाः सुं नं थःगु थासं पिहां वने मज्‍यू।”

प्रस्‍थान 16:30

अथे जुयाः मनूतय्‌सं न्‍हय्‌न्‍हु दुखुन्‍हु झासु लन।

प्रस्‍थान 23:12

“खुन्‍हु तक थःगु ज्‍या या, न्‍हय्‌न्‍हु खुन्‍हु झासु लँ। थुकिं छिमि द्वहं, गधा, थःथाय् छेँय् बूपिं दासतय्‌सं व परदेशीतय्‌सं नं झासु लनेदइ।

प्रस्‍थान 34:21

“खुन्‍हु तक ज्‍या या, तर न्‍हय्‌न्‍हु खुन्‍हु आराम का। बुँ पुलेगु व छ्व लयेगु इलय् नं आराम का।

यशैया 56:2

व मनू धन्‍य खः गुम्‍हय्‌सिनं थ्‍व याइ, व मनू धन्‍य खः गुम्‍ह थ्‍व खँय् बलाक्‍क च्‍वनाच्‍वनी। गुम्‍हय्‌सिनं विश्रामबार अशुद्ध मयासें मानय् याइ, अले थःगु ल्‍हाःयात छुं नं मभिंगु ज्‍या यायेगुपाखें अलग तइ।”

यशैया 56:6

परमप्रभुया सेवा यायेत, परमप्रभुया नांयात माया यायेत व वय्‌कःया आराधना यायेत, विश्रामबार सदां मानय् यायेत अले जि व जि मनूतय्‌गु दथुइया बाचायात विश्‍वास यायेबहः जुयाः पालन यायेत परमप्रभुलिसें थःत मिलय् याःपिं परदेशीतय्‌त धाःसा,

यशैया 58:13

“छिमिसं विश्रामबारयात मत्‍वःतल अले जिगु पवित्र दिंयात थः यःथें मयात धाःसा व परमप्रभुया विश्रामबारय् खुशी जुल धाःसा व थःगु इच्‍छा कथं मयासें थ्‍व दिंयात हनाबना यात धाःसा व थुखुन्‍हु थः यःथें मयासें यय्‌थें खँ मल्‍हात धाःसा,

लेवी 19:3

“‘छिपिं फुक्‍कसिनं थः मांबौया हनाबना ति। अले जिगु विश्रामबार मानय् या। जि परमप्रभु छिमि परमेश्‍वर खः।

लूका 13:14

अथे वय्‌कलं विश्रामबार खुन्‍हु हे ल्‍वय् लाय्‌कादिल धकाः धर्मशास्‍त्र स्‍यनीगु छेँयाम्‍ह कजी तसकं तंम्‍वय्‌कल। अले वं मनूतय्‌त धाल – “ज्‍या याये ज्‍यूगु दिं ला खुन्‍हु मछि द हे दु नि। सुयां ल्‍वय् लाय्‌के माःसा उबलय् वःसां ज्‍यूनि। विश्रामबार खुन्‍हु हे लाय्‌केमाः धयागु छु दु?”

लूका 23:56

अले इमिसं लिहां वनाः सीम्‍हय् तयेत माःगु अत्तर व मलम दय्‌काः थिक्‍क याना तल। अय्‌नं व्‍यवस्‍थाय् च्‍वया तः थें शबाथ खुन्‍हु आराम यात।

प्रेरित 15:21

न्‍हापांनिसें शहर पतिकं धर्मशास्‍त्र स्‍यनीगु छेँय् विश्रामबार पतिकं मोशायागु व्‍यवस्‍था ब्‍वनाः न्‍यंका वयाच्‍वंगु दु।”

प्रकाश 1:10

प्रभुयागु दिनय् जि आत्‍मां जाल। जिगु ल्‍युने तुरही पुया हः थें तस्‍सलं थथे धयाहःगु सः जिं ताल –