लेवी 23:2 - नेवाः बाइबल

² “इस्राएलीतय्‌त जिं ल्‍ययागु परमप्रभुया पवित्र नखःचखः थ्‍व हे खः धकाः धयाब्‍यु। ‘थुकियात छिमिसं पवित्र मुंज्‍या धकाः घोषणा या।

लेवी 23:2 ပူးပေါင်းရင်းမြစ်များ

२ राजा 10:20

येहूं धाल, “बालद्यःया निंतिं छगू तःधंगु सभा या।” अले इमिसं सभाया घोषणा यात।

१ इतिहास 23:31

परमप्रभुयात विश्रामया न्‍हिइ, अमाइया नखबलय् व फुक्‍क मेगु क्‍वःछिनातःगु नखःचखःबलय् ल्‍यायाः नियमकथं फुक्‍क होमबलि न्‍हियान्‍हिथं छायेगु जिम्‍मा नं लेवीतय्‌गु खः।

२ इतिहास 2:3

अले सोलोमनं टुरोसयाम्‍ह जुजु हीरामयाथाय् थ्‍व खबर छ्वत, “यक्‍व दँ न्‍ह्यः, छिं जिमि बाः दाऊदयात वय्‌कःया दरबार दनेत देवदारुया सिँ बियाः ग्‍वाहालि ब्‍यूगु थें आः जितः नं देवदारुया सिँ बियाः ग्‍वाहालि बियादिसँ।

२ इतिहास 30:5

अले इमिसं बेर्शेबांनिसें दान तक हे इस्राएलया फुक्‍क थासं मनूत परमप्रभु इस्राएलया परमेश्‍वरया निंतिं छुत्‍काराया नखः हनेत यरूशलेमय् वये हे माः धकाः घोषणा यायेगु क्‍वःछित। थ्‍व स्‍वयां न्‍ह्यः व्‍यवस्‍थाय् च्‍वया तः थें यक्‍व मनूत वयाः थ्‍व नखः हंगु मदुनि।

एज्रा 3:5

थुपिं बाहेक न्‍हियान्‍हिथंया होमबलि, अमाइ-बलि व परमप्रभुं क्‍वःछिनादीगु दँय्‌दसं मानय् यायेमाःगु फुक्‍क पवित्र नखःचखःया निंतिं देछा छाल। थुपिंनापं परमप्रभुया निंतिं थथःगु इच्‍छां हःगु फुक्‍क भेटी छाल।

भजनसंग्रहया सफू 81:3

अमै व पुन्‍हिखुन्‍हु चान्‍हय् झीगु नखः हनेत तुरही पु।

प्रस्‍थान 32:5

थ्‍व खनाः हारूनं द्वहंचाया न्‍ह्यःने छगू वेदी दय्‌कल। वं थथे धकाः च्‍वय्‌कल, “कन्‍हय् परमप्रभुया निंतिं छगू नखः जुइ।”

यशैया 33:20

झीगु निंतिं क्‍वःछिनातःगु नखःतय्‌गु शहर सियोनयात स्‍व, छिमिगु मिखां यरूशलेमयात खनीतिनि, छगू शान्‍ति जूगु थाय्, छगू पाल, गुबलें नं चीकाछ्वइ मखु, सुयागु कीत गुबलें नं लेहेंथना छ्वइ मखु, न त उकिया खिपः हे चफुनाछ्वइ।

विलाप 1:4

सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

इजकिएल 44:24

“‘छुं ल्‍वापुख्‍यापु जुइबलय् पुजाहारीतय्‌सं हे न्‍यायाधीशं थें ज्‍या यायेमाः अले जिगु विधिकथं इमिसं मुद्दा फैसला यायेमाः। इमिसं जिगु नियमत व जिगु क्‍वःछिनातःगु फुक्‍क नखःचखःयागु विधित पालन यायेमाः। इमिसं जिगु विश्रामबारयात पवित्र तयाति!

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

योएल 1:14

पवित्र अपसं घोषणा या, पवित्र मुँज्‍या सःति। परमप्रभु छिमि परमेश्‍वरयागु देगलय् देशय् च्‍वंपिं सकल मनूत अले थकालितय्‌त मुंकाः परमप्रभुयात पुकारा या।

योएल 2:15

सियोनय् तुरही पु! पवित्र अपसंया दिं घोषणा या, पवित्र मुँज्‍या सःति!

लेवी 23:1

परमप्रभुं मोशायात धयादिल,

लेवी 23:21

उखुन्‍हु छिमिसं छुं नं न्‍हिज्‍या याये मते। छिमिगु छगू पवित्र मुंज्‍या जुइमाः। छिमि लिपाया पुस्‍तां पुस्‍ता तकया लागि छिपिं न्‍ह्याथाय् च्‍वंसां थ्‍व न्‍ह्याबलेंया नियम खः।

लेवी 23:37

“‘जिं ल्‍ययागु नखःचखः थुपिं हे खः। अले थुपिं नखतय् छिमिगु मुंज्‍याय् परमप्रभुयात तःधंकेगु निंतिं नखःकथं विशेष देछा होमबलि, अन्‍नबलि, व त्‍वँसाबलि छायेमाः।

लेवी 23:4

“‘परमप्रभुं क्‍वःछिनातःगु जितः तःधंकेत छिमिसं थःथवय् मुनाः हनेमाःगु नखःचखः थ्‍व हे खः।

लेवी 23:44

थुकथं मोशां इस्राएलीतय्‌त परमप्रभुं क्‍वःछिनातःगु नखः हनेगु विधि बिल।

नहूम 1:15

स्‍व, पहाड पहाडय् भिंगु खँ न्‍यंकीम्‍ह व शान्‍तिया खँ घोषणा याइम्‍हय्‌सिगु पलाः दु। हे यहूदा, छं थःगु नखःचखः हँ, थःगु भाकल पूवंकि। छाय्‌धाःसा आः गुबलें दुष्‍टतय्‌सं हमला याइ मखुत, इपिं भज्‍यंक नाश जुइ।

गन्‍ती 10:10

छिमिसं लसताया ज्‍याखँय्, क्‍वःछिनातःगु नखःचखः व अमाइ पतिकं थःगु होमबलि व मेलबलि छायेबलय् नं तुरही पु। अले छिमि परमेश्‍वरयात छिपिं लुमनावइ। जि परमप्रभु छिमि परमेश्‍वर खः।”

गन्‍ती 29:39

“‘छिमिगु थःयसेंया बलि व भाकल बाहेक छिमिसं होमबलि, अन्‍नबलि, त्‍वँसाबलि व मेलबलित छिमिगु क्‍वछिनातःगु नखःबलय् परमप्रभुयात छायेमाः।’”

यूहन्‍ना 5:1

अनंलि यहूदीतय्‌गु छगू नखः वःगुलिं येशू यरूशलेमय् झाल।

कलस्‍सी 2:1

अय्‌जूगुलिं छिमिगु निंतिं, लाउडिकियाय् च्‍वंपिनिगु निंतिं व जिगु ख्‍वाः तकं मखंनिपिनिगु निंतिं जिं गुलि दुःखकष्‍ट सियाः ज्‍या यानाच्‍वनागु दु धकाः छिमित कने।

कलस्‍सी 2:16

उकिं आः सुनानं नयेत्‍वनेगु खँय्, नखःचखः मानय् यायेगु खँय्, अले अमै, पुन्‍हि व विश्रामबार मानय् यायेगु ला कि मयायेगु धयागु खँय् नियम दय्‌के मते।