लेवी 22:8 - नेवाः बाइबल

⁸ सुं पुजाहारीं थःगु कालं स्‍यूम्‍ह अले गुँपशुं स्‍याःम्‍ह जन्‍तु नयाः थःत अशुद्ध याये मज्‍यू। जि परमप्रभु खः।

लेवी 22:8 ပူးပေါင်းရင်းမြစ်များ

प्रस्‍थान 22:30

“छिमिसं थःपिनि सा व फैच्‍वलय्‌या न्‍हापां बूपिं मस्‍तय्‌त नं अथे हे या। न्‍हय्‌न्‍हु तक इपिं थः मांलिसे च्‍वनी, च्‍यान्‍हु खुन्‍हु जितः छा।

प्रस्‍थान 22:31

“छिपिं जिमि पवित्र मनू जुइ। उकिं छिमिसं जंगली पशुतय्‌सं स्‍याःम्‍ह पशुयागु ला नये मते, वयात छिमिसं खिचातय्‌त वान्‍छ्वया ब्‍यु।”

इजकिएल 4:14

अले जिं धया, “हे परमप्रभु परमेश्‍वर थथे मजुइमा, जिं थःत गुबलें अशुद्ध यानागु मदु। जिं ल्‍याय्‌म्‍हबलय्‌निसें थौं तक गुबलें थः हे सीम्‍ह वा पशुतय्‌सं स्‍याःम्‍ह पशुया ला नयागु मदु। जिगु म्‍हुतुया दुने छुं नं अशुद्ध ला दुहां वंगु नं मदुनि।”

इजकिएल 44:31

अथें सीम्‍ह अथवा मेम्‍ह पशुं स्‍याःम्‍ह झंगःपन्छि वा पशुया ला पुजाहारीतय्‌सं नये मज्‍यू।’”

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

लेवी 7:24

अथे सीम्‍ह व जंगली पशुतय्‌सं स्‍याःम्‍ह पशुया दाः मेगु ज्‍याय् छ्योसां ज्‍यू तर छिमिसं व नये मज्‍यू।

व्‍यवस्‍था 14:21

थःगु कालं सीम्‍ह पशुयात छिमिसं नये मते, छिमिसं छिमिगु शहरय् च्‍वंम्‍ह सुं परदेशीयात व नयेत बी ज्‍यू वा सुं मेपिं परदेशीतय्‌गु ल्‍हातय् मी फु। छिपिं धाःसा परमप्रभु छिमि परमेश्‍वरया लागिं छगू पवित्र जाति खः। च्‍वलय्‌या मचायात वया मांया दुरुइ दय्‌के मते।