लेवी 22:6 - नेवाः बाइबल

⁶ थज्‍याःम्‍ह मनू सन्‍ध्‍याकाः ईतक अशुद्ध जुइमाः। व म्‍वःमल्‍हुतले छाःगु पवित्र वस्‍तुं छुं नं नये मज्‍यू।

लेवी 22:6 ပူးပေါင်းရင်းမြစ်များ

लेवी 11:27

प्‍यपां चुयाः जुइपिं मध्‍ये पन्‍जांया बलं जुइपिं फुक्‍क पशु छिमिगु निंतिं अशुद्ध खः। सुनांनं इमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:28

इमिगु सीम्‍ह क्‍वबीपिन्‍सं थःगु वसः हीमाः, अले सन्‍ध्‍याः ईतक अशुद्ध जुइ। इपिं फुक्‍क छिमिगु निंतिं अशुद्ध खः।

लेवी 11:31

बँय् घिसय् जुया जुइपिं मध्‍ये थुपिं फुक्‍कं छिमिगु निंतिं अशुद्ध खः। सुनां थुमित व थुमिगु सीम्‍ह थी, व सन्‍ध्‍या ईतक अशुद्ध जुइ।

लेवी 11:32

उपिं मध्‍ये सुं सीबलय् थुमिगु सीम्‍ह छुं चीजया लात धाःसा व अशुद्ध जुइ। सिँ, कापः, छेंगू, भांग्रा वा न्‍ह्यागुयागु दय्‌कातःगु जूसां सन्‍ध्‍या ईतक व अशुद्ध जुइ। उकियात लखय् थुना तयेमाः अले तिनि व शुद्ध जुइ।

लेवी 11:39

“‘छिमिसं ला नये ज्‍यूम्‍ह पशु सित धाःसा, वयागु सीम्‍ह सुनां थी व सन्‍ध्‍या ईतक अशुद्ध जुइ।

लेवी 11:40

सीम्‍ह पशुया ला नइम्‍ह व सीम्‍ह क्‍वब्यूम्‍हं थःगु वसः हीमाः, अले व सन्‍ध्‍या ईतक अशुद्ध जुइ।

लेवी 15:5

सुनां वयागु लासा थी, वं थःगु वसः हीमाः, अले थःम्‍हं नं म्‍वःल्‍हुइमाः। सन्‍ध्‍याकाः ईतक व मनू अशुद्ध जुइ।

लेवी 22:5

घिसय् जुया जुइपिं जीवजन्‍तुतय्‌त थ्‍यूम्‍ह, गुगुं कथंयागु अशुद्ध दुम्‍ह मनू थ्‍यूम्‍ह,

लेवी 22:7

तर सन्‍ध्‍याकाः ई धुंकाः जक व शुद्ध थहरय् जुइ। अनंलि वं छाःगु पवित्र वस्‍तुं नःसा ज्‍यू छाय्‌धाःसा व वयागु नयेगु नसा खः।

हाग्‍गै 2:13

अले हाग्‍गैनं न्‍यन, “सीम्‍ह थियाः अशुद्ध जूम्‍ह मनुखं थ्‍व नसात्‍वँसा थिल धाःसा अशुद्ध जुइ ला?” पुजाहारीतय्‌सं लिसः बिल, “जुइ, व अशुद्ध जुइ।”

गन्‍ती 19:22

अशुद्धम्‍ह मनुखं न्‍ह्यागु हे थ्‍यूसां व अशुद्ध जुइ। अले व थ्‍यूगु खँ मेम्‍हय्‌सिनं थिल धाःसा व नं सन्‍ध्‍याकाः इलय् तक अशुद्ध जुइ।”

१ कोरिन्‍थी 6:11

छिपिं मध्‍ये नं गुम्‍हं गुम्‍हं न्‍हापा थथे हे याना जुइ धुंकूपिं खः। आः ला छिमिगु पाप सिले धुंकूगु दु। छिपिं परमेश्‍वरयात देछाये धुंकूपिं मनूत खः। झी परमेश्‍वरया आत्‍मां प्रभु येशू ख्रीष्‍टयागु नामं छिमित परमेश्‍वर नाप मिलय् यानादीगु दु।

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।