लेवी 22:3 - नेवाः बाइबल

³ “इमित धा, ‘छिमि पुस्‍तौं पुस्‍ताय् सुं अशुद्धम्‍ह मनू इस्राएलीतय्‌सं अर्पण याःगु पवित्र वस्‍तुया न्‍ह्यःने वन धाःसा वयात जिं जिगु न्‍ह्यःनं नाश यानाबी। जि परमप्रभु खः।

लेवी 22:3 ပူးပေါင်းရင်းမြစ်များ

एज्रा 8:28

जिं इमित धया, “छिपिं परमप्रभु झी पुर्खाया परमेश्‍वरया निंतिं पवित्रपिं खः। अथे हे वय्‌कःयात थःगु इच्‍छां देछाःगु लुँ व वहःयागु थलबल नं पवित्र खः।

भजनसंग्रहया सफू 16:11

छिं जितः जीवनया लँपु क्‍यनादी छिनापं च्‍वनाः जितः लय्‌ताय्‌केबी। अले थ्‍व लसता जितः सदां सदां बियादी।

भजनसंग्रहया सफू 51:11

जितः छिगु न्‍ह्यःनं तापाक तयादी मते, अले थःगु पवित्र आत्‍मायात जिपाखें लित यंकादी मते।

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

लेवी 22:2

“हारून व वया काय्‌पिन्‍त धा, इस्राएलीतय्‌सं जितः छायेहःगु पवित्र वस्‍तुया बारे होसियार जु, अले जिगु नांयात क्‍वह्यंकेगु याये मते। जि परमप्रभु खः।

गन्‍ती 19:13

सुनां सीम्‍ह थियाः थःत शुद्ध याइ मखु वं परमप्रभुया पवित्र पालयात अशुद्ध याइ। व मनूयात इस्राएलीतपाखें नाश याना छ्वयेमाः। शुद्ध यायेगु लखं वयात मछ्वाकूगुलिं व अशुद्धम्‍ह हे खः। वयागु अशुद्धता वयाके दया हे च्‍वनी।

मत्ती 25:41

“अले वं थःगु खव ल्‍हाःपाखे च्‍वंपिन्‍त थथे धाइ – ‘सराः बियातःपिं, छिपिं जिथाय् वये मते। शैतान व वया दूततय्‌त धकाः च्‍याकातःगु गुबलें मसीगु मिइ क्‍वब्‍वाः हुँ।

२ थेसलोनिकी 1:9

थुपिं प्रभुयागु तसकं बल्‍लाःगु जलं तापाक व प्रभुयागु ख्‍वाः तकं स्‍वये मखंक च्‍वनाच्‍वने माली। अले थुपिं सदांयात नाश जुयावनी।