लेवी 22:23 - नेवाः बाइबल

²³ तर म्‍हय् छुं खू दुम्‍ह सा वा द्वहं, फै धाःसा वयात थः यःछि बलिकथं छाये फु, तर भाकल पूवंकेत व नालेबहः जुइ मखु।

लेवी 22:23 ပူးပေါင်းရင်းမြစ်များ

प्रस्‍थान 35:29

मनदुपिं इस्राएली मिसा व मिजंतय्‌सं परमप्रभुं मोशापाखें बियादीगु उजंकथं फुक्‍क ज्‍याया निंतिं परमप्रभुयाथाय् थः यःछि देछा हल।

लेवी 21:18

खू दुम्‍ह सुं नं न्‍ह्यःने वये दइ मखु। कां, खुत्‍यां काःम्‍ह, अंगभंग जूम्‍ह

लेवी 22:22

कांम्‍ह, म्‍हया छुं ब्‍व स्‍यंम्‍ह, अले खुत्‍यां काःम्‍ह, चासुइगु वा छेंगूया ल्‍वय् दुम्‍ह पशुयात छिमिसं वेदीइ छाये मज्‍यू, अले विशेष देछाकथं नं परमप्रभुयात छाये मज्‍यू।

लेवी 22:24

पशुयागु अण्‍ड तज्‍याःगु वा ध्‍यनाछ्वःगु, अले काचाकुचु जूगु दुसा वयात परमप्रभुया निंतिं छाये मज्‍यू। छिमिगु देशय् गन नं थज्‍याःगु ज्‍या याये मज्‍यू।

मलाकी 1:8

दक्‍व शक्ति दुम्‍ह परमप्रभुं थथे धयादी – “छिमिसं कांपिं पशुत बां बीत हइ, छु व मज्‍यूगु ज्‍या, मखु ला? अले छिमिसं तुति खुत्‍यां काःपिं व ल्‍वगिपिं पशुत बां बीत हइ, छु व याये ज्‍यूगु ज्‍या खः ला? अज्‍याःम्‍ह पशु छिमि राज्‍यपालयात बिया स्‍व। छु व छिपिं खनाः लय्‌ताइ ला? छु वं व नाला काइ ला?”

व्‍यवस्‍था 15:21

सुं पशु लंग्रा वा मिखा मखंम्‍ह जूसा वा मेगु छुं कथंया ख्‍वं वयाके दुसा वयात परमप्रभु छिमि परमेश्‍वरया लागि बां बी मते।

व्‍यवस्‍था 17:1

छिमिसं परमप्रभु छिमि परमेश्‍वरयात छुं खू दुम्‍ह वा ख्‍वं दुम्‍ह द्वहं वा फै बां बी मते। छाय्‌धाःसा वय्‌कःयात थ्‍व घच्‍चाइपुगु खँ खः।