लेवी 22:22 - नेवाः बाइबल

²² कांम्‍ह, म्‍हया छुं ब्‍व स्‍यंम्‍ह, अले खुत्‍यां काःम्‍ह, चासुइगु वा छेंगूया ल्‍वय् दुम्‍ह पशुयात छिमिसं वेदीइ छाये मज्‍यू, अले विशेष देछाकथं नं परमप्रभुयात छाये मज्‍यू।

लेवी 22:22 ပူးပေါင်းရင်းမြစ်များ

लेवी 1:13

वं बलि बीहःम्‍ह पशुयागु आतापुति भ्‍वरि व तुतियात लखं सिलेमाः। अले पुजाहारीं फुक्‍क यंकाः वेदीइ छ्वय्‌केमाः। थ्‍व परमप्रभुयात यःगु नस्‍वाः वःगु होमबलि, विशेष देछा खः।

लेवी 1:9

आतापुति भ्‍वरि व तुति धाःसा लखं सिलेमाः अले व फुक्‍कयात पुजाहारीं वेदीइ छ्वाकेमाः। थ्‍व परमप्रभुयात यःगु नस्‍वाः वःगु विशेष देछा, होमबलि खः।

लेवी 22:20

खू दुम्‍हय्‌सित छिमिसं छाये मते, छाय्‌धाःसा व नालेबहः जुइ मखु।

लेवी 22:21

“‘सुनानं मेलबलि वा थः यःछिया बलि फैच्‍वलय्‌या बथां वा सा द्वहंया बथांपाखें थःगु भाकल पूवंकेत छाल धाःसा नालेबहः जुइत व पशुयागु म्‍हय् छुं नं खू मदयेमाः।

लेवी 22:23

तर म्‍हय् छुं खू दुम्‍ह सा वा द्वहं, फै धाःसा वयात थः यःछि बलिकथं छाये फु, तर भाकल पूवंकेत व नालेबहः जुइ मखु।

लेवी 3:3

मेलबलिं विशेष देछाः परमप्रभुया निंतिं आतापुति भ्‍वरि त्‍वपुइगु दाः व उकिया च्‍वय्‌च्‍वंगु दाः फुक्‍क छायेमाः।

लेवी 3:5

व फुक्‍कयात हारूनया काय्‌पिन्‍सं वेदीइ मि च्‍वय् दुगु सिँइ तयाः छ्वय्‌केमाः। थ्‍व परमप्रभुयात यःगु नस्‍वाः वःगु विशेष देछा खः।

मलाकी 1:8

दक्‍व शक्ति दुम्‍ह परमप्रभुं थथे धयादी – “छिमिसं कांपिं पशुत बां बीत हइ, छु व मज्‍यूगु ज्‍या, मखु ला? अले छिमिसं तुति खुत्‍यां काःपिं व ल्‍वगिपिं पशुत बां बीत हइ, छु व याये ज्‍यूगु ज्‍या खः ला? अज्‍याःम्‍ह पशु छिमि राज्‍यपालयात बिया स्‍व। छु व छिपिं खनाः लय्‌ताइ ला? छु वं व नाला काइ ला?”