लेवी 22:20 - नेवाः बाइबल

²⁰ खू दुम्‍हय्‌सित छिमिसं छाये मते, छाय्‌धाःसा व नालेबहः जुइ मखु।

लेवी 22:20 ပူးပေါင်းရင်းမြစ်များ

इजकिएल 45:18

“‘परमप्रभु परमेश्‍वरं थथे धयादी – न्‍हापांगु लाया न्‍हापांगु दिनय् छिमिसं छम्‍ह खू मदुम्‍ह द्वहंचा कयाः पवित्र थाय्‌यात शुद्ध यायेगु या।

लेवी 1:3

“‘वं होमबलि सा द्वहंया बथांपाखें छायेगु खःसा व खू मदुम्‍ह मिजंम्‍ह जुइमा, वं व पशु नापलायेगु पालया ध्‍वाखाय् छाये हयेमाः अले व पशु परमप्रभुया न्‍ह्यःने वयागु लागिं नालेबहः जुइ।

लेवी 22:24

पशुयागु अण्‍ड तज्‍याःगु वा ध्‍यनाछ्वःगु, अले काचाकुचु जूगु दुसा वयात परमप्रभुया निंतिं छाये मज्‍यू। छिमिगु देशय् गन नं थज्‍याःगु ज्‍या याये मज्‍यू।

लेवी 22:25

सुं परदेशीयाके कयाः नं थज्‍याःम्‍ह पशु परमेश्‍वरया निंतिं छाये मज्‍यू। वयागु म्‍हय् स्‍यंगु ब्‍व दु, वयाके खू दु। अथे जुयाः व छिमिगु पलेसा नालेबहः जुइ मखु।’”

लेवी 3:1

“‘सुनानं परमप्रभुयात सा वा द्वहं मेलबलि छाल धाःसा व पशु खू मदुम्‍ह जुइमाः।

लेवी 3:6

“‘सुनानं परमप्रभुयात मेलबलिया बथांपाखें फैचा वा दुगुचा छाल धाःसा मिजंम्‍ह जूसां मिसाम्‍ह जूसां खू मदुम्‍ह पशुयात छायेमाः।

मलाकी 1:8

दक्‍व शक्ति दुम्‍ह परमप्रभुं थथे धयादी – “छिमिसं कांपिं पशुत बां बीत हइ, छु व मज्‍यूगु ज्‍या, मखु ला? अले छिमिसं तुति खुत्‍यां काःपिं व ल्‍वगिपिं पशुत बां बीत हइ, छु व याये ज्‍यूगु ज्‍या खः ला? अज्‍याःम्‍ह पशु छिमि राज्‍यपालयात बिया स्‍व। छु व छिपिं खनाः लय्‌ताइ ला? छु वं व नाला काइ ला?”

गन्‍ती 19:2

“परमप्रभुं बियादीगु व्‍यवस्‍थाया छगू नियम थ्‍व हे खः। ककुइ जुवा मलानिम्‍ह, खू मदुम्‍ह ह्याउँम्‍ह साचा छन्‍थाय् हजि धकाः इस्राएलीतय्‌त धा।

गन्‍ती 29:8

छिमिसं परमप्रभुयात लय्‌ताय्‌कीगु नस्‍वाःगु होमबलिकथं छम्‍ह द्वहंचा, छम्‍ह भ्‍याःचा व दच्‍छि दच्‍छि दुपिं न्‍हय्‌म्‍ह चिधिकःपिं भ्‍याःचायात देछायेमाः। थुपिं फुक्‍क खू मदुपिं जुइमाः।

व्‍यवस्‍था 15:21

सुं पशु लंग्रा वा मिखा मखंम्‍ह जूसा वा मेगु छुं कथंया ख्‍वं वयाके दुसा वयात परमप्रभु छिमि परमेश्‍वरया लागि बां बी मते।

व्‍यवस्‍था 17:1

छिमिसं परमप्रभु छिमि परमेश्‍वरयात छुं खू दुम्‍ह वा ख्‍वं दुम्‍ह द्वहं वा फै बां बी मते। छाय्‌धाःसा वय्‌कःयात थ्‍व घच्‍चाइपुगु खँ खः।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

१ पत्रुस 1:19

बरु छुं हे खू मदुम्‍ह चीधिकःम्‍ह भ्‍याःचा जुयादीम्‍ह ख्रीष्‍टयागु तसकं मू वंगु हिं न्‍यानादीगु खः।