लेवी 21:9 - नेवाः बाइबल

⁹ “‘सुं पुजाहारीया म्‍ह्याय्‌नं ल्‍यवःसिं ज्‍या यानाः थःत अशुद्ध यात धाःसा, वं थः बौया अपमान याइ। वयात मिइ छ्वय्‌काः स्‍याना छ्वयेमाः।

लेवी 21:9 ပူးပေါင်းရင်းမြစ်များ

उत्‍पत्ति 38:24

स्‍वला लिपा यहूदां थः भौ तामार वेश्‍या थें जुयाजूगु व प्‍वाथय् दुगु खँ न्‍यन। अले वं, “वयात थन हयाः च्‍याकाः स्‍यानाब्‍यु” धकाः धाल।

प्रस्‍थान 31:14

“‘छिमिसं विश्रामबार हनेगु यायेमाः। व छिमिगु निंतिं पवित्र खः। सुनां थुकियात मानय् याइ मखु वयात स्‍याना छ्वयेमाः। सुनानं थुखुन्‍हु ज्‍या याइ वयात थः मनूतय् दथुं नाश यानाः छ्वयेमाः।

यशैया 33:14

सियोनय् च्‍वंपिं पापीत ग्‍याःगु दु। परमप्रभु मदु धकाः धयाजुइपिं थरथर खानाः ग्‍याःगु दु। इमिसं धाइ, “भस्‍म याइगु मिनापं झीपिं सु जक च्‍वने फइ? सदां च्‍यानाच्‍वनीगु मिनापं झीपिं सु जक च्‍वने फइ?”

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

लेवी 19:29

“‘छिमिसं थः म्‍ह्याय्‌पिन्‍त वेश्‍या दय्‌काः क्‍वह्यंके मते। मखुसा देशय् न्‍यंकं वेश्‍यावृतिं जायावनी। अले देश पापं जाइ।

लेवी 20:14

“‘सुनानं मां व म्‍ह्याय् निम्‍हसितं कलाः तल धाःसा थ्‍व क्‍वह्यंगु ज्‍या खः। इपिं स्‍वम्‍हय्‌सितं मिइ छ्वय्‌का छ्वयेमाः। छिमि दथुइ थज्‍याःगु क्‍वह्यंगु ज्‍या मजुइमाः।

मलाकी 2:3

“छिमिसं यानाः जिं छिमि सन्‍तानयात हक्‍के। अले छिमिसं नखःबलय् छाःपिं पशुतय्‌गु फोहर जिं छिमिगु ख्‍वालय् इलाबी। छिमित नं फोहरनापं पिने वांछ्वय् यंकी।

व्‍यवस्‍था 22:21

वयात थः बौयागु छेँया लुखाय् हयाः वया शहरयापिं मिजंतय्‌सं ल्‍वहँतं कय्‌काः स्‍यायेमाः। थः बौया छेँ दुबलय् हे स्‍यनाः वं इस्राएलय् छगू मछालापुस्‍से च्‍वंगु ज्‍या याःगु दु। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

तीतस 1:6

थकालि जुइम्‍ह मनू दोष मदुम्‍ह, छम्‍ह हे जक मिसालिसे ब्‍याहा याःम्‍ह जुइमाः, हानं वया मस्‍त नं विश्‍वासीत व यःयःथें सना मजुइपिं जुइमाः।

यहोशू 7:15

देछायेमाःगु धनमालनापं ज्‍वनीम्‍हय्‌सित व वयाके दुगु फुक्‍क मिइ छ्वय्‌काछ्व। छाय्‌धाःसा वं परमप्रभुयागु बाचा त्‍वाथूगु दु अले वं इस्राएलय् घच्‍चाइपुगु ज्‍या याःगु दु।’”

यहोशू 7:25

यहोशूं धाल, “छं छाय् जिमित दुःख बियागु? थौं परमप्रभुं छन्‍त दुःख बियादी।” अले फुक्‍क इस्राएलीतय्‌सं वयात ल्‍वहँतं कय्‌कल। वया छेँजः व सम्‍पत्तियात नं ल्‍वहँतं कय्‌काः छ्वय्‌काबिल।

१ शमूएल 2:17

उपिं ल्‍याय्‌म्‍हपिं मनूतय्‌गु पाप परमप्रभुया न्‍ह्यःने तसकं अप्‍वयावन छाय्‌धाःसा इमिसं परमप्रभुयात छायेहःगु बलितय्‌त तसकं क्‍वह्यंकल।

१ शमूएल 2:34

“‘छं निम्‍ह काय् होप्‍नी व पीनहासया बांमलाःगु अवस्‍था छंगु निंतिं छगू चिं जुइ। होप्‍नी व पीनहास निम्‍हं छन्‍हुं हे सी।