लेवी 21:8 - नेवाः बाइबल

⁸ मनूतय्‌सं इमित पवित्र भाःपीमाः, छाय्‌धाःसा इमिसं छिमि परमेश्‍वरयात अन्‍नबलि छाइ। मनूतय्‌सं इमित पवित्र भाःपीमाः, छाय्‌धाःसा जि छिमित पवित्र याइम्‍ह परमप्रभु पवित्र खः।

लेवी 21:8 ပူးပေါင်းရင်းမြစ်များ

नहेम्‍याह 13:29

हे जिमि परमेश्‍वर, इमित लुमंकादिसँ छाय्‌धाःसा पुजाहारीया ज्‍या यात व पुजाहारीतय् व लेवीतय्‌गु बाचायात अशुद्ध याःगु दु।

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

प्रस्‍थान 19:14

मोशां पर्वतं कुहां वल। अले परमेश्‍वरयात आराधना यायेत मनूतय्‌त तयार जुइत आज्ञा बिल। अले इमिसं थःपिनिगु वसः हिल।

प्रस्‍थान 28:41

छं थ्‍व वसः थः दाजु हारून व वया काय्‌पिन्‍त फिकाः इमित अभिषेक या। इमित पवित्र या। थथे इमित पलिस्‍था याये धुंकाः इमिसं पुजाहारी जुयाः जिगु सेवा याये फइ।

प्रस्‍थान 29:1

“हारून व वया काय्‌पिन्‍त जिगु सेवा यायेत पलिस्‍था यायेबलय् छं यायेमाःगु ज्‍या थ्‍व हे खः, छम्‍ह खू मदुम्‍ह द्वहंचा व निम्‍ह खू मदुपिं भ्‍याःचा हजि।

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।

लेवी 22:16

थथे देछां छुं कयाः नके मत्‍यःपिं मनूतय्‌त नकेगु मयायेमाः। मखुसा इमिसं सजाँय फयेमाली। जि इमित पवित्र याइम्‍ह परमप्रभु खः।’”

लेवी 3:11

पुजाहारीं व परमप्रभुया निंतिं विशेष देछा वेदीइ नसाकथं छ्वय्‌केमाः।

मलाकी 1:7

“छिमिसं अशुद्धगु नसा जिगु वेदीइ छानाः जितः अशुद्ध याःगु दु। “अय्‌नं छिमिसं न्‍यनी, ‘जिमिसं छितः गुकथं अशुद्ध यानागु दु?’ “परमप्रभुया टेबिल हनाबना यायेबहः मजू” धकाः धया।

गन्‍ती 28:2

“इस्राएलीतय्‌त थथे धकाः उजं ब्‍यु, ‘जितः लय्‌ताय्‌कीगु नस्‍वाःगु विशेष देछा क्‍वःछीगु इलय् छायेत छिमिसं लुमंकि।’

यूहन्‍ना 10:36

बाःनं ल्‍ययाः थःम्‍ह हे यानाः संसारय् छ्वया हयादीम्‍हय्‌सित परमेश्‍वरयात क्‍वह्यंकल धकाः छिकपिन्‍सं धयादीया ला, छाय्‌धाःसा जिं ‘जि परमेश्‍वरया काय् खः’ धकाः धया?

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।