लेवी 21:5 - नेवाः बाइबल

⁵ “‘दुःखं च्‍वनीबलय् थःगु सँ खाये मते, दाह्रीया कुन्‍चा कुन्‍चा नं चाये मते, अले म्‍हय् घाः याये मते।

लेवी 21:5 ပူးပေါင်းရင်းမြစ်များ

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यर्मिया 16:6

“अथे जुयाः तःधंपिं व चिधंपिं निखलः हे थ्‍व देशय् सी। इमित सुनानं थुनी मखु। सुं नं इमिगु निंतिं ख्‍वइ मखु, सुनानं थःगु म्‍हय् घाः याइ मखु, सुनानं छ्यंयागु सँ खाइ मखु।

यर्मिया 48:37

इपिं सकसिनं सँ खाःगु दु, दारी खाःगु दु। सकसिगु ल्‍हाः चिरिबाःगु दु। सकसिनं भांग्रां जँ त्‍वपूगु दु।

इजकिएल 44:20

“‘इमिसं थःगु छेनय् सँ खाये मज्‍यू अथवा ताहाक जुइके बी मज्‍यू, तर इमिसं थःगु सँ चिहाकः यानाः चायेमाः।

इजकिएल 5:1

“आः, अय् सीमानिम्‍ह मनू, छपु ज्‍वःगु तरवार का, उकियात नौयागु ख्‍वःचा थें छ्यलाः उकिं थःगु सँ व दाह्री खा! अले लनेगु तराजु कयाः सँयात ब्‍वथ!

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

लेवी 21:4

ब्‍याहापाखें स्‍वापु दुपिं सुयागुं निंतिं नं इमिसं थःपिन्‍त अशुद्ध याये मज्‍यू।

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

मीका 1:16

थःयःपिं मस्‍तय्‌गु लागि दुखं च्‍वनाः थःगु छेनय् च्‍वंगु सँ खा। थःत गिद्ध थें पाचु छ्यं दय्‌की। छाय्‌धाःसा छिमि मस्‍तय्‌त ज्‍वनाः छिमिगुपाखें तापाक यंकी

व्‍यवस्‍था 14:1

छिपिं परमप्रभु छिमि परमेश्‍वरया मनूत खः। सिनावंम्‍ह मनूया लागि दुखं च्‍वनीबलय् छिमिसं थःगु म्‍हय् घाः याये मते अथवा मेपिंन्‍सं याःथें छ्यंया न्‍ह्यःने च्‍वंगु सँ खाये मते।