लेवी 21:1 - नेवाः बाइबल

¹ परमप्रभुं मोशायात धयादिल, “हारूनया पुजाहारी काय्‌पिन्‍त थथे धा, ‘पुजाहारीं सुं थःथिति सित धाःसा वयात थीमज्‍यू। थुकिं वयात अशुद्ध याइ।

लेवी 21:1 ပူးပေါင်းရင်းမြစ်များ

इजकिएल 44:25

“‘सीम्‍ह मनूया न्‍ह्यःने वनाः सुं पुजाहारीं थःत अशुद्ध याये मज्‍यू। अय्‌नं मां बौ, काय्‌म्‍ह्याय्‌पिं दाजुकिजापिं अथवा ब्‍याहा मजूनिपिं तता केहेँयागु सीम्‍हया न्‍ह्यःने वनाः व अशुद्ध जुइफु।

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

लेवी 19:28

“‘छिमिसं दुखं च्‍वनीबलय् थःगु म्‍हया छेंगुलिइ घाः याये मते। अले उकी छुं नं च्‍वयेगु ज्‍या नं याये मते। जि परमप्रभु खः।

लेवी 21:11

सीम्‍ह दुथाय् वनाः वं थःत अशुद्ध याये मज्‍यू। वया थः मांबौ हे सीसां व वने मज्‍यू।

मलाकी 2:1

“हे पुजाहारीत, थ्‍व आज्ञा छिमिगु निंतिं खः!

मलाकी 2:4

लेवी व वया सन्‍तानलिसें जिं यानागु बाचा दयाच्‍वनेमा धकाः छिमित जिं थ्‍व आज्ञा बियागु खः धकाः छिमिसं अले तिनि सी,” दक्‍व शक्ति दुम्‍ह परमप्रभुं धयादी।

गन्‍ती 19:11

“सीम्‍ह थ्‍यूम्‍ह मनू न्‍हय्‌न्‍हु तक अशुद्ध जुइ।

गन्‍ती 19:14

“सुं मनू पालय् सित धाःसा उकियागु नियम थ्‍व हे खः, पालय् वइपिं व पाल दुने दुपिं मनूत न्‍हय्‌न्‍हु तक अशुद्ध जुइ।

गन्‍ती 19:16

“हानं सुं मनुखं पिने तरवारं स्‍याःम्‍ह मनू वा थःगु कालगतिं सीम्‍ह मनूयात थिल धाःसा वा सीम्‍हयागु क्‍वँय् वा सीगाः थिल धाःसा व न्‍हय्‌न्‍हु तक अशुद्ध जुइ।

गन्‍ती 5:2

“इस्राएलीतय्‌त छेंगूयागु पुनेयःगु ल्‍वय् दुपिं, धातुया ल्‍वय् दुपिं व सीम्‍ह थियाः अशुद्ध जूपिं दक्‍वसित छाउनीं पितिनाछ्व धकाः उजं ब्‍यु।

गन्‍ती 6:6

“‘ग्‍वःन्‍हु तक व परमप्रभुया निंतिं अलग च्‍वनी, वन्‍हु तक व गुगुं सीम्‍हया न्‍ह्यःने मवनेमाः।