लेवी 20:7 - नेवाः बाइबल

⁷ “‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

लेवी 20:7 ပူးပေါင်းရင်းမြစ်များ

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 11:45

छाय्‌धाःसा जि छिमि परमेश्‍वर जुइत छिमित मिश्रंनिसें हयाम्‍ह परमप्रभु जि हे खः। उकिं छिपिं पवित्र जुइमाः, छाय्‌धाःसा जि पवित्र खः।

लेवी 19:2

“सकलें इस्राएलयापिं मनूतय्‌त धा, ‘जि परमप्रभु छि परमेश्‍वर पवित्रम्‍ह जूगुलिं छिपिं नं पवित्रपिं जुयाच्‍वँ।

लेवी 21:15

मखुसा वया काय्‌म्‍ह्याय्‌पिं अशुद्ध जुइ। जि वयात पवित्र याइम्‍ह परमप्रभु खः।’”

लेवी 21:23

तर वयाके खू दुगुलिं वं पर्दा व वेदीया लिक्‍क वयाः जिगु पवित्र पालयात अशुद्ध यायेदइ मखु। छाय्‌धाःसा जि उकियात पवित्र याइम्‍ह परमप्रभु खः।’”

लेवी 21:8

मनूतय्‌सं इमित पवित्र भाःपीमाः, छाय्‌धाःसा इमिसं छिमि परमेश्‍वरयात अन्‍नबलि छाइ। मनूतय्‌सं इमित पवित्र भाःपीमाः, छाय्‌धाःसा जि छिमित पवित्र याइम्‍ह परमप्रभु पवित्र खः।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

कलस्‍सी 3:12

छिपिं परमेश्‍वरं ल्‍ययातःपिं पवित्रपिं व वय्‌कःया यःपिं मनूत खः। उकिं छिमिसं दया माया यायेगु, क्‍वमिलु जुइगु, स्‍वजा जुइगु, सह यानाच्‍वनेगु यायेमाः।

१ थेसलोनिकी 4:3

छिपिं पवित्र जुयाच्‍वनेमा धयागु हे परमेश्‍वरया इच्‍छा खः, उकिं छिपिं व्‍यभिचारं तापाक च्‍वँ।

१ थेसलोनिकी 4:7

परमेश्‍वरं झीत अशुद्ध जुइत मखु, बरु पवित्र जुइत सःतादीगु खः।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।

यहोशू 3:5

यहोशूं मनूतय्‌त थथे धाल, “छिमिसं थःत शुद्ध या, छाय्‌धाःसा कन्‍हय् परमप्रभुं छिमिगु दथुइ अजू चाइपुगु ज्‍या यानादी।”