लेवी 20:2 - नेवाः बाइबल

² “इस्राएलीतय्‌त धा, ‘सुं इस्राएली वा इपिं नापं च्‍वनाच्‍वंम्‍ह परदेशी मनुखं मोलेक द्यःयात थःपिनि मचा छाल धाःसा वयात खलःयापिं फुक्‍कसिनं ल्‍वहँतं कय्‌काः स्‍यायेमाः।

लेवी 20:2 ပူးပေါင်းရင်းမြစ်များ

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

२ राजा 17:17

इमिसं थः काय्‌म्‍ह्याय्‌पिं मिइ बलि बिल, इमिसं ज्‍वखना स्‍वल, तन्‍त्रमन्‍त्र यात, अले परमप्रभुयात मयःगु ज्‍या यायेत थःपिन्‍त मिल। थुकथं इमिसं वय्‌कःयात तंचाय्‌कल।

२ राजा 23:10

जुजु योशियाहं मोलोखया निंतिं सुनानं थःकाय् वा म्‍ह्याय्‌यात मिइ छाये मफयेमाः धकाः बेन-हिन्‍नोमया खोँचय् दुगु द्यःपुजा याइगु थाय् तोपेतयात अशुद्ध यानाबिल।

२ इतिहास 28:3

वं बेन-हिन्‍नोमया ब्‍यासिइ बलि बिल। इस्राएलीतय्‌त न्‍ह्यःनं गुगु जातियात परमप्रभुं देशं पितिनाछ्वःगु खः वं व हे जातियापिन्‍सं याइगु थें यानाः थः काय्‌पिन्‍त मिइ छ्वय्‌काः बलि बिल।

२ इतिहास 33:6

वं थः काय्‌पिन्‍त बेन-हिन्‍नोमया ब्‍यासिइ मिइ बलि बिल। वं जादु यात अले भिं मभिं स्‍वल। वं तन्‍त्रमन्‍त्र यात अले भुतप्रेत व आत्‍मातनापं स्‍वापु तइपिनिगु व झाक्रिततय्‌गु सल्‍लाह काल। वं परमप्रभुया मिखाय् तसकं मभिंगु ज्‍या यानाः वय्‌कःयात तंचाय्‌कल।

भजनसंग्रहया सफू 106:38

इमिसं द्वं मदुपिं काय् म्‍ह्याय्‌पिनिगु हि बाः वय्‌कल, इमिसं इमित कनान देशया मूर्तितय्‌गु निंतिं भोग बिल, थथे इमिगु हिं देश अपवित्र जुल।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

इजकिएल 20:26

इमित वातां यायेत जिं इमित उपिं हे बलिदानतपाखें अपवित्र याकेबिया, गुगु बलिदानय् इमिसं थः फुक्‍कं न्‍हापा बूपिन्‍त मिइ बलि छाल। इमिसं जि परमप्रभु इमि परमेश्‍वर खः धयागु सीमा धकाः थथे याना।’

इजकिएल 20:31

छिमिसं थः मस्‍तय्‌त कोसेलिकथं मिइ बलि छायाः थौं तक हे थःगु मूर्तितपाखें थःत अशुद्ध यानाच्‍वंगु दु। अय् इस्राएलया घराना, छु! जिं छिमित जिके सल्‍लाह काय्‌के बीगु ला? गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छिमिसं जिके न्‍यनेकने यायेदइ मखु।

इजकिएल 23:37

छाय्‌धाःसा इमिसं व्‍यभिचार याःगु दु, इमिगु ल्‍हातय् हि दु। इमिसं थःगु मूर्तितनापं व्‍यभिचार यात, जिगु लागि बुइकूपिं इमि काय् म्‍ह्याय्‌पिन्‍त इमिसं उपिं मूर्तितय्‌गु न्‍ह्यःने मिइ बलि छाल।

इजकिएल 23:39

इमिसं थःकाय् म्‍ह्याय्‌पिन्‍त इमिगु मूर्तितय्‌गु निंतिं बलि छाःगु दिनय् हे इपिं जिगु पवित्रथाय् दुने दुहां वल, अले उकियात अपवित्र यात। इमिसं जिगु देगलय् थज्‍याःगु हे ज्‍या यात।

लेवी 17:13

“‘अथे जूगुलिं सुं इस्राएली वा सुं परदेशीं शिकार म्‍हिताः नये ज्‍यूम्‍ह पशु वा झंगः ज्‍वन धाःसा दकलय् न्‍हापा वं वयागु फुक्‍क हि पिकयाः हिया द्यःने चा तयाः त्‍वपुयाबीमाः।

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

लेवी 17:8

“अले छं इमित थथे धा, ‘इस्राएलीत व इपिं नापं च्‍वनाच्‍वंपिं परदेशीत मध्‍ये सुनानं होमबलि वा मेगु न्‍ह्यागुं बलि छायेबलय्,

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

लेवी 20:1

परमप्रभुं मोशायात धयादिल,

लेवी 20:27

“‘सुनानं मिजं वा मिसां तन्‍त्रमन्‍त्रया ज्‍या यात धाःसा वयात स्‍याना छ्वयेमाः। वयात ल्‍वहँतं कय्‌काः स्‍यायेमाः। थज्‍याःम्‍ह मनू तःधंगु अपराधया दोषी खः।’”

लेवी 24:14

“व सराः ब्‍यूम्‍हय्‌सित छाउनी पिने यंकि अले वं धाःगु खँ न्‍यंपिं फुक्‍कसिनं थथःगु ल्‍हाः वयागु छेनय् तयेमाः, अनंलि फुक्‍क खलकं वयात ल्‍वहँतं कय्‌काः स्‍यायेमाः।

लेवी 24:16

सुं मनुखं परमप्रभुया नांयात क्‍वह्यंकाः सराः बिल धाःसा वयात फुक्‍क खलकं ल्‍वहँतं कय्‌काः स्‍यायेमाः। स्‍वदेशी जुइमा वा परदेशी जुइमा सुनानं परमप्रभुया नांयात क्‍वह्यंकाः सराः बिल धाःसा वयात स्‍याना हे छ्वयेमाः।

लेवी 24:23

मोशां इस्राएलीतय्‌त थ्‍व खँ धाल। अले इमिसं व सराः ब्‍यूम्‍हय्‌सित छाउनी पिने हयाः ल्‍वहँतं कय्‌काः स्‍यानाबिल। थथे परमप्रभुं मोशायात उजं बियादी थें इस्राएलीतय्‌सं यात।

प्रेरित 7:43

मखु, छिमिसं मोलोख द्यःयागु खः व रेफन द्यः धाःम्‍ह नगुयागु मूर्ति क्‍वबिया जुल। थ्‍व मूर्तित छिमिसं हे पुजा यायेत दय्‌कूगु खः। अथे जूगुलिं जिं छिमित सजाँय बीत बेबिलोनं नं उखे छ्वये।’”

व्‍यवस्‍था 12:31

छिमिसं परमप्रभु थः परमेश्‍वरया आराधना इमिसं इमि द्यःयात आराधना याःथें याये मते, छाय्‌धाःसा इमि द्यःतय्‌त पुजा याइबलय् इमिसं परमप्रभुयात मयःगु फुक्‍क कथंयागु घच्‍चाइपुसे च्‍वंगु ज्‍या याइ। इमिसं थःकाय् म्‍ह्याय्‌पिन्‍त तक नं थः द्यःतय् लागिं मिइ तयेगु याः।

व्‍यवस्‍था 17:2

परमप्रभु छिमि परमेश्‍वरं छिमित बियादीगु शहरय् छिमिगु दथुइ च्‍वनीम्‍ह सुं मिसा वा मिजंनं परमप्रभु छिमि परमेश्‍वरयागु मिखाय् मभिंगु ज्‍या यानाः बाचायात त्‍वाथुलाः

व्‍यवस्‍था 18:10

थःकाय् वा म्‍ह्याय्‌यात मिइ बलि छाइम्‍ह, साइत स्‍वइम्‍ह, जादु क्‍यनीम्‍ह, छुक विछुक धाइम्‍ह, बोक्‍सी ज्‍या याइम्‍ह,

व्‍यवस्‍था 21:21

अले व शहरया फुक्‍क मिजंतय्‌सं वयात ल्‍वहँतं कय्‌काः स्‍यायेमाः। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः। अले सकलें इस्राएलीत थ्‍व खँ न्‍यनाः ग्‍याइ।

व्‍यवस्‍था 22:21

वयात थः बौयागु छेँया लुखाय् हयाः वया शहरयापिं मिजंतय्‌सं ल्‍वहँतं कय्‌काः स्‍यायेमाः। थः बौया छेँ दुबलय् हे स्‍यनाः वं इस्राएलय् छगू मछालापुस्‍से च्‍वंगु ज्‍या याःगु दु। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।