लेवी 20:18 - नेवाः बाइबल

¹⁸ “‘सुनानं थीमज्‍यू जुयाच्‍वंम्‍ह मिसानाप लसपस यात धाःसा वं हिबा वःगु मूलयात उलाक्‍यना ब्‍यूगु दु, अले व मिसां नं व उला ब्‍यूगु दु। इपिं निम्‍हय्‌सितं इमि थः मनूतपाखें पितिनाछ्वयेमाः।

लेवी 20:18 ပူးပေါင်းရင်းမြစ်များ

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

इजकिएल 18:6

वं डाँडाय् दुगु पुजा याइगु थासय् नःगु मदु, अथवा इस्राएलया घरानाया मूर्तितपाखे स्‍वःगु मदु। वं थः जःलाखःलाया कलाःयात स्‍यंकूगु मदु व थीमज्‍यू जुयाच्‍वंम्‍ह मिसानापं द्यंगु मदु।

इजकिएल 22:10

छंके थः बौया कलाःपिंनापं द्यनाः थः बौयात अपमान याइपिं दु, छंके थीमत्‍यः जूबलय् व विधिकथं अशुद्ध जुयाच्‍वंम्‍ह मिसालिसें लसपस याइपिं मनूत नं दु।

लेवी 12:2

“इस्राएलीतय्‌त धा – ‘प्‍वाथय् दयाः काय् बुइकूम्‍ह मिसा न्‍हय्‌न्‍हु तक अशुद्ध जुइ। थीमज्‍यू जूगु इलय् थें व अशुद्ध जुइ।

लेवी 15:24

“‘सुं नं मिजं व नापं द्यन धाःसा न्‍हय्‌न्‍हु तक व मिजं अशुद्ध जुइ। अले व द्यंगु लासा नं अशुद्ध जुइ।

लेवी 18:19

“‘सुं मिसाया थीमत्‍यः जुयाः अशुद्ध जुइबलय् छं व नाप लसपस याये मते।