लेवी 2:4 - नेवाः बाइबल

⁴ “‘भुतुलिइ दय्‌कूगु अन्‍नबलि छायेगु इच्‍छा दुसा, चिकनय् बुलातःगु सोडा मतःगु भिंगु छुचुंया ग्‍वारमरि वा चिकनं इलातःगु सोडा मतःगु मरि जुइमाः।

लेवी 2:4 ပူးပေါင်းရင်းမြစ်များ

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

प्रस्‍थान 12:8

उखुन्‍हु हे चान्‍हय् छिमिसं चिधिकःम्‍ह भ्‍याःचाया ला मिइ छुयाः खायुगु वाउँचा व सोडा मतःगु मरिनापं नयेमाः।

प्रस्‍थान 16:31

इस्राएलीतय्‌सं व नसाया नां “मन्‍न” तल। व धन्‍यापु थें च्‍वं। उकियागु सवाः धाःसा कस्‍तिइ दय्‌कातःगु मरि थें च्‍वं।

प्रस्‍थान 29:2

सोडा मतःगु भिंगु छुचुं कयाः चिकं ल्‍वाकछ्यानातःगु मरि व चिकनं बुलातःगु सालुगु मरि दय्‌कि।

यशैया 42:1

“थ्‍व जिमि दास खः, गुम्‍हय्‌सित जिं तिबः बी, थ्‍व जिं ल्‍ययाम्‍ह मनू खः, थ्‍व खनाः जि लय्‌ता। वयाके जिं जिगु आत्‍मा तयाबियागु दु, वं जात जातिया निंतिं न्‍याय हइ।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

इजकिएल 46:20

“थ्‍व थाय् पुजाहारीतय्‌सं दोषबलि व शुद्ध जुइगु बलियागु ला दय्‌कीगु व अन्‍नबलि छाःगु छुचुनं मरि दय्‌कीगु थाय् खः। थथे पुजाहारीतय्‌गु थासय् याये हे माः। मखुसा थ्‍व पबित्र नसा चुकय् यंकीगुलिं अन च्‍वंपिन्‍त पवित्रतां सी हे माःगु खः।”

लेवी 1:11

वं परमप्रभुया न्‍ह्यःने वेदीया उत्तरपाखे छाःम्‍ह पशुयात पालाः स्‍यायेमाः, अले हारूनया पुजाहारी काय्‌पिन्‍सं वयागु हि वेदीइ जःखः छ्वाकेमाः।

लेवी 10:12

मोशां हारून व वया ल्‍यंदुपिं काय्‌पिं एलाजार व ईतामारयात धाल, “परमप्रभुयात विशेष देछा छाये धुंकाः ल्‍यं दुगु अन्‍नबलि यंकाः वेदी लिक्‍क सोडा ल्‍वाकमछ्यासे दय्‌काः न, छाय्‌धाःसा थ्‍व तसकं पवित्र जू।

लेवी 6:17

थुकी सोडा ल्‍वाकछ्यानाः मदय्‌केमाः। जितः छाःगु विशेष बलिया ब्‍व जिं इमित बियागु दु। अले थ्‍व पापबलि व दोषबलि थें हे पवित्र खः।

लेवी 7:12

“‘सुनानं परमप्रभुयात सुभाय् देछायेत मेलबलि छायेगु खःसा बलि बीत हःम्‍ह पशुनापं सोडा ल्‍वाकमछ्याःगु चिकनय् बुलातःगु ल्‍वहंचा मरि छपा, सालुगु मरि छपा अले सोडा मतःगु चिकनय् न्‍हायातःगु घः मरि छपा कयाः

गन्‍ती 6:15

सोडा मतःगु ग्‍वारमरि व चिकं ल्‍वाकछ्यानातःगु सालुगु मरि छ दाला, माःकथंयागु अन्‍नबलि व त्‍वँसाबलि नं हयेमाः।

मत्ती 26:38

वय्‌कलं इमित धयादिल – “नुगः मछिनाः जिगु छाति हे तज्‍याइ थें च्‍वनाच्‍वन। छिपिं मद्यंसे थन हे च्‍वनाच्‍वँ।”

यूहन्‍ना 12:27

“जिगु नुगलय् तसकं दुःख जुयाच्‍वंगु दु। उकिं जिं छु धाये? ‘बाः, थ्‍व इलं जितः बचय् यानादिसँ’ धायेगु ला? मखु, थुलि हे जुइकेत जि वयाच्‍वनागु खः।

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

हिब्रू 7:26

झीत मालाच्‍वंम्‍ह दकलय् तःधंम्‍ह पुजाहारी येशू हे खः। वय्‌कः पवित्रम्‍ह व दोष मदुम्‍ह खः। वय्‌कःयात पापीतय्‌गु पुचलं अलग तयादीगु दु, अले स्‍वर्गय् नं दकलय् तःधंम्‍ह यानादीगु दु।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”