लेवी 2:3 - नेवाः बाइबल

³ अन्‍नबलिया ल्‍यं दुगु हारून व वया काय्‌पिनिगु जुइ। परमप्रभुया निंतिं मेमेगु विशेष देछा स्‍वयाः थ्‍व तसकं पवित्रगु खः।

लेवी 2:3 ပူးပေါင်းရင်းမြစ်များ

एज्रा 2:63

अले राज्‍यपालं दकलय् तःधंम्‍ह पुजाहारीं “ऊरीम” व “तुम्‍मीम” छ्यलाः परमप्रभुयाके छु यायेगु धकाः मन्‍यंतले इमित तसकं पवित्र नसां छुं नं नये मते धकाः धाल।

प्रस्‍थान 29:37

न्‍हय्‌न्‍हु तक छं वेदीया निंतिं प्रायश्‍चित यानाः उकिं व शुद्ध जुइ। अले वेदी तच्‍वकं पवित्र जुइ। व उकियात थ्‍यूगु न्‍ह्यागु नं पवित्र जुइ।

इजकिएल 44:29

इमिसं अन्‍नबलि, शुद्ध जुइगु बलि व दोषबलि नइ। इस्राएलय् परमप्रभुयात देछाय्‌माःगु फुक्‍क चिज इमिगु हे जुइ।

इजकिएल 46:20

“थ्‍व थाय् पुजाहारीतय्‌सं दोषबलि व शुद्ध जुइगु बलियागु ला दय्‌कीगु व अन्‍नबलि छाःगु छुचुनं मरि दय्‌कीगु थाय् खः। थथे पुजाहारीतय्‌गु थासय् याये हे माः। मखुसा थ्‍व पबित्र नसा चुकय् यंकीगुलिं अन च्‍वंपिन्‍त पवित्रतां सी हे माःगु खः।”

लेवी 10:15

नये न्‍ह्यः धाःसा पुजाहारीं ह्याकुला व खम्‍पाया व द्यःने तयातःगु विशेष भेटीया दाः वेदी न्‍ह्यःने हयाः परमप्रभुया निंतिं संकाबीगु बलिकथं छाये हयेमाः। उबलय् जक परमप्रभुया उजंकथं थ्‍व सदांया निंतिं छ व छिमि काय् म्‍ह्याय्‌पिनिगु ब्‍व जुइ।”

लेवी 14:13

अले वं पापबलि व होमबलि स्‍याइगु पवित्र इलाकाय् चिधिकःम्‍ह भ्‍याःचायात स्‍यायेमाः। छाय्‌धाःसा पापबलि पुजाहारीया जू थें दोषबलि नं वयागु हे जुइ। अले व तसकं पवित्र खः।

लेवी 2:10

अन्‍नबलिं ल्‍यंगु ब्‍व हारून व वया काय्‌पिनिगु जुइमाः। परमप्रभुया निंतिं मेमेगु विशेष देछा स्‍वयाः थ्‍व तसकं पवित्र खः।

लेवी 21:22

पुजाहारीया सन्‍तान जूगुलिं वं थः परमेश्‍वरयात छायेहःगु विशेष देछा नये फइ।

लेवी 5:13

थुकथं पुजाहारीं वयागु पापया निंतिं प्रायश्‍चित यायेमाः, अले वयात क्षमा दइ। ल्‍यं दुगु छुचुं धाःसा अन्‍नबलि बीबलय् थें पुजाहारीयागु हे जुइ।’”

लेवी 6:26

बलि छाइम्‍ह पुजाहारीं हे थुकिया ला नइ। नापलायेगु पालया चुकय् च्‍वनाः हे थ्‍व नयेमाः।

लेवी 6:9

“हारून व वया काय्‌पिन्‍त थथे आज्ञा ब्‍यु, ‘होमबलि बीगु विधि थथे खः – होमबलि चच्‍छि व सुथय् तक वेदीइ तयेमाः। वेदीइ मि च्‍यानाच्‍वनेमाः।

लेवी 7:7

“‘पापबलि थें हे दोषबलिइ नं अथे हे यायेगु खः। गुम्‍ह पुजाहारीं बलि छानाः इमिगु लागिं प्रायश्‍चित याइ, ला व हे पुजाहारीयागु जुइ।

लेवी 7:9

भुतलिइ, द्वालय् व ताप्‍केचाय् दय्‌कूगु अन्‍नबलि छाःम्‍ह पुजाहारीयागु हे जुइ।

गन्‍ती 18:9

मिपाखें अलग यानातःगु तसकं पवित्रगु देछात छंगु हे जुइ। मनूतय्‌सं जितः छाय्‌हःगु तसकं पवित्रगु देछात अर्थात फुक्‍क अन्‍नबलि, पापबलि, व दोषबलिया व हे ब्‍व छ व छिमि काय्‌पिनिगु निंतिं जुइ।

१ शमूएल 2:28

जिं इस्राएलया फुक्‍क कुल मध्‍ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्‍ह्यःने पुजाहारीया भिंगु सूती कापःया वसः फिनाः वयेत ल्‍ययागु खः। इस्राएलया फुक्‍क विशेष देछा छिमि पुर्खातय्‌गु निंतिं अलग तयाबिया।