लेवी 2:14 - नेवाः बाइबल

¹⁴ “‘परमप्रभुया निंतिं न्‍हापांगु फलयागु अन्‍नबलि छायेगु इच्‍छा दुसा छिमिसं मिं छूगु व क्‍यलातःगु ताजा अन्‍न छायेमाः।

लेवी 2:14 ပူးပေါင်းရင်းမြစ်များ

उत्‍पत्ति 4:3

छुं ई लिपा कयिनं परमप्रभुयात थःगु बुँइ सय्‌कूगु छायेहल।

२ राजा 4:42

बाल-शलीशायाम्‍ह छम्‍ह मनुखं परमेश्‍वरया मनूया निंतिं उगु दँया बालीया न्‍हापां सःगु तछ्वया निइपा मरि व थःगु बोराय् न्‍हूगु अन्‍नया धेत भचा ज्‍वनावल। एलीशां धाल, “उपिं मनूतय्‌त थ्‍व नयेत ब्‍यु।”

लेवी 2:15

उकी चिकं व धुपाँय्‌ तयेमाः। व अन्‍नबलि जुइ।

लेवी 2:16

अले पुजाहारीं अन्‍नबलिं चिकं तयातःगु क्‍यलातःगु अन्‍न छुं ब्‍व व धुपाँय्‌ फुक्‍क कयाः लुमन्‍तिकथं छ्वय्‌केमा। परमप्रभुया निंतिं थ्‍व विशेष देछा खः।

लेवी 22:29

“छिमिसं परमप्रभुया निंतिं सुभाय् बलि छाइबलय् छिपिं नालेबहः जुइकथं व छायेगु यायेमाः।

लेवी 23:10

“इस्राएलीतय्‌त धा, ‘जिं छिमित बीत्‍यनागु देशय् वने धुंकाः छिमिसं बालीया न्‍हापांगु ब्‍वया छथू लयाः पुजाहारीयाथाय् हति।

लेवी 23:13

थुकिया नापं परमप्रभुया निंतिं अन्‍नबलिकथं छिमिसं चिकनय् न्‍हायातःगु छगू एपाया झिब्‍वय् निब्‍व भिंगु छुचुं नस्‍वाःया लागिं परमप्रभुया निंतिं विशेष देछाकथं छाये हयेमाः। थ्‍व नापं छगू लिटर दाखमद्य नं छायेमाः।

लेवी 23:20

पुजाहारीं परमप्रभुया न्‍ह्यःने, न्‍हापांगु फलया मरिनापं संकाः बीगु बलिकथं निम्‍ह चिधिकःपिं भ्‍याःचायात संकाः छायेमाः। थ्‍व पुजाहारीया निंतिं परमप्रभुयात छाःगु पवित्र बलि जुइ।

मलाकी 1:11

“सूर्य लुया वइगु थासंनिसें सूर्य बिनावनीगु थाय् तक जात जातितय्‌गु दथुइ जिगु नां तःधनी। फुक्‍क थासय् जिगु नामय् धुपाँय् च्‍याकी अले नाले बहःगु देछा छाइ, छाय्‌धाःसा जाति जातितय् दथुइ जिगु नां तःधनी,” दक्‍व शक्ति दुम्‍ह परमप्रभुं धयादी।

गन्‍ती 28:2

“इस्राएलीतय्‌त थथे धकाः उजं ब्‍यु, ‘जितः लय्‌ताय्‌कीगु नस्‍वाःगु विशेष देछा क्‍वःछीगु इलय् छायेत छिमिसं लुमंकि।’

१ कोरिन्‍थी 15:20

सीम्‍ह ख्रीष्‍ट हानं म्‍वानावःगु खँ सत्‍य खः। अय्‌जूगुलिं सीपिं हानं म्‍वाकीतिनि धयागु खँ नं सत्‍य खः धकाः थुकिं हे सीदत।

व्‍यवस्‍था 26:2

परमप्रभु छिमि परमेश्‍वरं छिमित बियादीगु देशय् सःगु न्‍हापांगु बालीया छुं फल छगः दालाय् तयाः परमप्रभु छिमि परमेश्‍वरं थःगु निंतिं ल्‍ययादीगु विशेष थासय् यंकि।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।