लेवी 2:13 - नेवाः बाइबल

¹³ छिमिसं छाःगु फुक्‍क अन्‍नबलिइ चि तयेमाः। परमप्रभुं छिपिंनाप सदांया लागिं चिनादीगु बाचाया चिं चि हे खः। थथे जूगुलिं न्‍ह्यागु हे बलिइ चि तये हे माः।

लेवी 2:13 ပူးပေါင်းရင်းမြစ်များ

२ इतिहास 13:5

परमप्रभु, इस्राएलयाम्‍ह परमेश्‍वरं दाऊदनापं चि दुगु छगू बाचा चिनाः वयात व वया सन्‍तानतय्‌त इस्राएलया राज्‍य न्‍ह्याबलेंया लागि बियादीगु दु धकाः छिमिसं मस्‍यू ला?

एज्रा 7:22

वहः ३,४०० किलोग्राम तक, छ्व १०,००० किलोग्राम तक, दाखमद्य २,००० लिटर तक, जैतूनया चिकं २,००० लिटर तक अले माक्‍व चि वयात ब्‍यु।

प्रस्‍थान 30:35

उकियागु नस्‍वाःगु ल्‍वाकछ्यानातःगु गुँगूया अत्तर दय्‌के सःम्‍हय्‌सिनं थें हे दय्‌कि। उकी चि नं तयेमाः। थ्‍व फुक्‍क भिंगु व पवित्र जुइमाः।

इजकिएल 43:24

छिमिसं इमित परमप्रभुया न्‍ह्यःने छा। पुजाहारीतय्‌सं इमिगु म्‍हय् चि ह्वलाः परमप्रभुया न्‍ह्यःने होमबलिकथं उपिं छायेमाः।

गन्‍ती 18:19

इस्राएलीतय्‌सं परमप्रभुयात देछाइगु पवित्र बलिपाखें अलग तयातःगु फुक्‍क ब्‍व जिं छ व छिमि काय् म्‍ह्याय्‌पिन्‍त दया हे च्‍वनीगु भागकथं बियागु दु। परमप्रभुया न्‍ह्यःने छ व छिमि सन्‍तानया लागिं थ्‍व लिपाथ्‍यंक दयाच्‍वनीगु चियागु बाचा खः।”

मत्ती 5:13

“छिपिं पृथ्‍वीया चि खः। चिया सवाः हे तन धाःसा थ्‍व चियात गथे यानाः हानं चि सवाः वय्‌केगु? थथे सवाः तने धुंकूगु चि छुकियात नं ज्‍यालगय् मजू, उकिं थज्‍याःगु चियात मनूतय्‌सं वांछ्वइ, अले न्‍हुया जुइ।

कलस्‍सी 4:6

चिं सवा ब्‍यू थें खँ ल्‍हायेबलय् नाइक व यइपुसे च्‍वंक नवा। अले कथंहंक लिसः बीगु या।