लेवी 2:12 - नेवाः बाइबल

¹² व धाःसा न्‍हापांयागु फलया देछाकथं परमप्रभुया न्‍ह्यःने छाःसां ज्‍यू। नस्‍वाःया लागिं धाःसा उकियात वेदीइ छ्वय्‌के मते।

लेवी 2:12 ပူးပေါင်းရင်းမြစ်များ

उत्‍पत्ति 23:17

थुकथं एप्रोनं मक्‍पेलाया मम्रे लिक्‍क च्‍वंगु थःगु बुँ व अन च्‍वंगु गुफा व सिमात फुक्‍कं

२ इतिहास 31:5

अथे आज्ञा जुइवं इस्राएलयापिं मनूतय्‌सं थःगु अन्‍न, न्‍हूगु दाखमद्य, जैतूनया चिकं, कस्‍ति व बुँइया फुक्‍क कथंया न्‍हापां सःगु बिल। इमिसं थःके दुगु फुक्‍क खँया झिब्‍वय् छब्‍व नं हल।

प्रस्‍थान 22:29

“जितः थःगु बुँयागु बाली व दाखरस छायेत लिबाके मते। “छिमिसं थःपिनि न्‍हापां बूपिं काय्‌पिं जिगु निंतिं फ्‍यायेमाः।

प्रस्‍थान 23:19

“छिमिगु बुँइ सःगु दक्‍वसिबय् भिंगु न्‍हापांगु फल परमप्रभु थः परमेश्‍वरया छेँय् हजि। “च्‍वलय्‌चिया मचायात वया मांयागु दुरुइ दय्‌के मते।”

प्रस्‍थान 34:22

“छिमिसं बुँइ न्‍हापां सःगु छ्व नापं सामाज्‍याया नखः हनेगु या। हानं न्‍हय्‌गूगु लाय् थथःगु फल खाये धुंकाः मुनेगु नखः हनेगु या।

लेवी 23:10

“इस्राएलीतय्‌त धा, ‘जिं छिमित बीत्‍यनागु देशय् वने धुंकाः छिमिसं बालीया न्‍हापांगु ब्‍वया छथू लयाः पुजाहारीयाथाय् हति।

लेवी 23:17

छिपिं न्‍ह्याथाय् जूसां छिमिसं न्‍हापांगु बालीया छगू एपाया झिब्‍वय् निब्‍व भिंगु छुचुंया सोडा ल्‍वाकछ्यानातःगु निपा मरि परमप्रभुया निंतिं संकाः बीगु बलिकथं छाये हयेमाः।

लेवी 7:13

सुभाय् बीत छायेहःगु मेलबलि नापं वं सोडा ल्‍वाकछ्यानातःगु मरि नं छायेमाः।

गन्‍ती 15:20

छिमिसं न्‍हापां लःगु बालिं दक्‍वसिबय् न्‍हापां मरि छुइबलय् न्‍हापां छूगु मरियात खलां हःगु बाली थें परमप्रभुयात छायेमाः।

गन्‍ती 18:12

“इस्राएलीतय्‌सं दँय्‌दसं जितः छायेहइगु न्‍हापांगु बालीया भिंगु भिंगु फुक्‍कं जिं छन्‍त हे बियागु दु, गथेकि, जैतूनया चिकं, न्‍हूगु दाखमद्य व अन्‍न।

१ कोरिन्‍थी 15:20

सीम्‍ह ख्रीष्‍ट हानं म्‍वानावःगु खँ सत्‍य खः। अय्‌जूगुलिं सीपिं हानं म्‍वाकीतिनि धयागु खँ नं सत्‍य खः धकाः थुकिं हे सीदत।

व्‍यवस्‍था 26:10

हे परमप्रभु, छिं जितः बियादीगु बुँयागु न्‍हापांगु फल जिं छिथाय् हयागु दु” धाये धुंकाः परमप्रभु छिमि परमेश्‍वरया न्‍ह्यःने व दाला तयाः वय्‌कःयात छ्यं क्‍वछुकाः आराधना या।

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।