लेवी 19:4 - नेवाः बाइबल

⁴ “‘मूर्तिपाखे छिपिं वने मते, अले छिमिसं थःगु निंतिं धातु नाय्‌काः द्यःत नं दय्‌के मते।

लेवी 19:4 ပူးပေါင်းရင်းမြစ်များ

१ राजा 14:9

छंगु न्‍हापा शासन याःपिं जुजुपिन्‍सं स्‍वयाः छं यक्‍व अप्‍वः मभिंगु ज्‍या याःगु दु। छं जितः हेला याःगु दु अले पुजा यायेत धातुया मूर्तित दय्‌काः जितः तंचाय्‌कूगु दु। छं थःगु जँ जिपाखे फहीकूगु दु।

१ इतिहास 16:26

जाति जाति याःपिं द्यःत ला मूर्ति जक खः, तर परमप्रभुं ला स्‍वर्ग दय्‌कादिल।

२ इतिहास 28:2

व उत्तरी इस्राएलया जुजुपिं जूगु थें जुल अले बाल-द्यःतय्‌त पुजा यायेत ढलोटया मूर्तित नं दय्‌कल।

भजनसंग्रहया सफू 96:5

जाति जातियापिं द्यःत ला मूर्ति जक खः, तर परमप्रभुं ला स्‍वर्ग दय्‌कादिल।

प्रस्‍थान 20:23

जि त्‍वःताः छुकिंयागु नं मूर्ति दय्‌के मते। थःगु निंतिं छिमिसं लुँ वहःया मूर्ति दय्‌के मते।

प्रस्‍थान 32:4

वं उकियात इमिगु ल्‍हातं कयाः नाय्‌काः कतां कियाः उकिं छम्‍ह द्वहंचाया मूर्ति दय्‌कल। अले मनूतय्‌सं थःथवय् धाल, “हे इस्राएलीत, छिमित मिश्रं पितहःम्‍ह छिमि द्यः थ्‍व हे खः।”

प्रस्‍थान 34:17

“छिमिसं थःगु निंतिं नाय्‌काः मूर्तित दय्‌के मते।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 19:25

तर न्‍यागूगु दँय् उकियागु फल छिमिसं नये ज्‍यू। अले अप्‍वः फल सयावइ। जि परमप्रभु छिमि परमेश्‍वर खः।

लेवी 19:5

“‘छिमिसं परमप्रभुयात मेलबलि छायेबलय् परमेश्‍वरपाखें थः नालेबहः जुइकथं छा।

लेवी 26:1

“‘जि छिमि परमप्रभु परमेश्‍वर खः, अथे जुयाः छिमिसं थःगु लागि मूर्तित दय्‌के मज्‍यू। अले थःगु निंतिं पुजा यायेत गुगु नं झ्‍वाता, कियातःगु सिँया झ्‍वाता, ल्‍वहंया थां वा कियातःगु ल्‍वहं थने मज्‍यू।

हाग्‍गै 2:18

‘थनिनिसें बांलाक बिचाः या! थौं गुंगूगु लाया निइप्‍यंगूगु दिं खः। थौं परमप्रभुया देगःया जग तये सिधःगु दिं खः। बांलाक बिचाः या!

१ कोरिन्‍थी 10:14

अथे जूगुलिं यःपिं दाजुकिजापिं, मूर्ति पुजा यायेगुपाखें तापाक च्‍वँ।

व्‍यवस्‍था 27:15

“कारिगरं कियाः दय्‌कातःगु धातुयागु मूर्ति दय्‌काः वयात सुनां मसीकं थापं याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 4:16

छिपिं मस्‍यनेमा धकाः, छिमिसं थःपिनि लागिं मिजंया जुइमा वा मिसाया जुइमा,

व्‍यवस्‍था 7:25

इमि द्यःतय्‌गु मूर्ति छिमिसं मिइ छ्वय्‌काब्‍यु। छिमिसं मूर्तिइ दुगु लुँ व वहः ल्‍वःवंकाः काये मते। छाय्‌धाःसा व हे छिमिगु निंतिं तक्‍यंकीगु जाः जुइ। थ्‍व परमप्रभु छिमि परमेश्‍वरयात घच्‍चाइपुगु खँ खः।

१ यूहन्‍ना 5:21

उकिं अय् जि यःपिं मस्‍त, मूर्ति पुजापाखें तापाक च्‍वँ।