लेवी 19:34 - नेवाः बाइबल

³⁴ छिपिंनापं च्‍वनाच्‍वंम्‍ह परदेशीयात थःगु देशयाम्‍ह मनूयात थें हे व्‍यवहार यायेमाः। छिमिसं वयात थःत थें हे माया या, छाय्‌धाःसा छिपिं नं न्‍हापा मिश्रय् परदेशी जुयाच्‍वंगु खः। जि परमप्रभु छिमि परमेश्‍वर खः।

लेवी 19:34 ပူးပေါင်းရင်းမြစ်များ

भजनसंग्रहया सफू 146:9

परमप्रभुं झीगु देशय् दुपिं परदेशीतय्‌त रक्षा यानादी, वय्‌कलं मां-बौ मदुपिं व भाःत मदुपिं मिस्‍तय्‌त वास्‍ता यानादी। तर मभिंपिं मनूतय्‌गु ग्‍वसाःयात ताःलाकादी मखु।

प्रस्‍थान 22:21

“पिनेंवःपिन्‍त बांमलाःगु व्‍यवहार याये मते, इमित क्‍वत्‍यले मते, छाय्‌धाःसा छिपिं नं मिश्र देशय् अथे हे जुयाः च्‍वनेधुंकूपिं खः।

इजकिएल 47:22

छिमिसं थ्‍व देश न्‍ह्याबलेंया सर्बयकथं थःगु हे निंतिं व छिपिंनापं च्‍वनाच्‍वंपिं, काय्‌म्‍ह्याय् दुपिं विदेशीतय्‌गु निंतिं नं इनाब्‍यु। छिमिसं इमित इस्राएलय् हे बूपिं इस्राएलीत थें ताय्‌कि। छिपिंनापं हे इस्राएलया कुलतय्‌गु दथुइ इमित सर्बय दयेमाः।

लेवी 19:18

“‘थः मनूतलिसे बदला कायेगु स्‍वये मते, अले इबि नं तये मते, तर थः जलाःखलाःतय्‌त थःत थें हे माया या। जि परमप्रभु खः।

लेवी 19:3

“‘छिपिं फुक्‍कसिनं थः मांबौया हनाबना ति। अले जिगु विश्रामबार मानय् या। जि परमप्रभु छिमि परमेश्‍वर खः।

गन्‍ती 10:32

छि जिपिंनापं झाल धाःसा परमप्रभुं जिमित छु आशिष बियादी व जिमिसं छिनापं इनाकाये।”

मत्ती 5:43

“थथे धयातःगु नं छिमिसं न्‍यनातःगु दु – ‘जःलाखःलायात माया या, शत्रुयात हेला या।’

व्‍यवस्‍था 10:19

छिमिसं नं परदेशीतय्‌त माया यायेमाः, छाय्‌धाःसा मिश्र देशय् छिपिं नं परदेशी जुयाच्‍वंगु खः।

व्‍यवस्‍था 23:7

एदोमीतय्‌त धाःसा क्‍वह्यंके मते। इपिं छिमि दाजुकिजा खः। सुं मिश्रीयात नं क्‍वह्यंके मते। छाय्‌धाःसा छिपिं परदेशी जुयाः इमिगु देशय् न्‍हापा च्‍वनाच्‍वंगु खः।

व्‍यवस्‍था 23:8

इमि स्‍वंगूगु पुस्‍ताया सन्‍तान परमप्रभुया मुँज्‍याय् दुहां वने दइ।

रुथया सफू 2:10

अले रुथं क्‍वछुनाः भागियानाः बोअजयात धाल, “जि छम्‍ह परदेशी धकाः सीकाः नं छाय् छिं जितः थुलिमछि दया यानादियागु?”