लेवी 19:32 - नेवाः बाइबल

³² “‘बुराबुरी मनूतय्‌गु न्‍ह्यःने दनाः इमिगु हनाबना तयेमाः। अले थः परमेश्‍वरया भय कायेगु। जि परमप्रभु छिमि परमेश्‍वर खः।

लेवी 19:32 ပူးပေါင်းရင်းမြစ်များ

उत्‍पत्ति 31:35

राहेलं थः बौयात धाल, “जिमि प्रभु, जि खनाः तंम्‍वयादी मते, बाः। जि थीमज्‍यू जूगुलिं जि छिगु न्‍ह्यःने दने मछिं।” उकिं वं न्‍ह्याक्‍व माःसां छेँया मूर्ति लुइके मफुत।

उत्‍पत्ति 48:12

योसेफं थः काय्‌पिन्‍त इस्राएलया पुलिं क्‍वकाल, अले बँय् भ्‍वपुलाः इस्राएलयात भागि यात।

१ राजा 2:19

उकिं अदोनियाहया निंतिं खँ ल्‍हानाबीत बतशेबा जुजुयाथाय् वन। जुजु वयात लसकुस यायेत दन, अले वयात भागियानाः सिंहासनय् च्‍वन। थः मांया निंतिं छगू सिंहासन काय्‌के छ्वल, अले व जुजुया जवपाखे च्‍वन।

२ राजा 17:36

तर थःगु बल्‍लाःगु शक्तिं व चकंगु लपुं छिमित मिश्र देशं पित हयादीम्‍ह परमप्रभुयागु जक आराधना या। वय्‌कःया न्‍ह्यःने थःगु छ्यं क्‍वछुकि व वय्‌कःयात हे छिमिसं बलि ब्‍यु।

अय्‍यूब 32:4

इपिं अय्‍यूबलिसें खँ ल्‍हानाच्‍वंतले एलीहू सुम्‍क च्‍वनाच्‍वंगु खः। छाय्‌धाःसा इपिं व स्‍वयाः थकालिपिं खः।

अय्‍यूब 32:6

अले बुजी, बारकेलया काय् एलीहूं थथे धाल, “जि ला चिधिकःनि, अले छिकपिं बुरा जुइ धुंकल। उकिं जिं भय कयागु खः। छिकपिन्‍त जिगु बिचाः कनेत ग्‍यानागु खः।

हितोपदेश 16:31

तुयुगु सँ तःजिगु हनाबनाया मुकुट खः, भिंगु ज्‍यां जक थ्‍व चूलाइ।

हितोपदेश 20:29

मनूतय्‌सं ल्‍याय्‌म्‍हतय्‌गु तागतयात च्‍वछाइ, अले बुराबुरितय्‌गु तुयुसँयात हनाबना तइ।

हितोपदेश 23:22

थःत दय्‌कूम्‍ह थः बौया खँ न्‍यँ। अले बुरी जूम्‍ह थः मांयात हेला याये मते।

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

विलाप 5:12

शासकतय्‌त थथःगु ल्‍हातं यख्‍खाःगु दु, थकालिपिन्‍त भचा नं हनाबना याःगु मदु।

लेवी 19:14

“‘न्‍हाय्‌पं ख्‍वाँय्‌यात क्‍वह्यंके मते। कांया न्‍ह्यःने लुफिं हाइगु वस्‍तु तये मते। तर छिमिसं परमेश्‍वरया भय कायेमाः। जि परमप्रभु छिमि परमेश्‍वर खः।

रोमी 13:7

उकिं इमित पुलेमाःगु फुक्‍कं पुलाब्‍यु, कर पुलेमाःपिन्‍त कर पु, भन्‍सार पुलेमाःपिन्‍त भन्‍सार पु। अथे हे मानय् याये माःपिन्‍त मानय् या।

१ तिमोथी 5:1

थः स्‍वयाः थकालिपिन्‍त ब्‍वःबी मते। इमित छुं धाये माःसा थः बौयात थें धा। थः स्‍वयाः क्‍वकालिपिन्‍त किजापिन्‍त थें व्‍यवहार या।

१ पत्रुस 2:17

फुक्‍कसित हनाबना तयेगु या। दाजुकिजापिन्‍त माया या। परमेश्‍वरयागु ग्‍याःभय का। जुजुयात हनेगु या।