लेवी 19:3 - नेवाः बाइबल

³ “‘छिपिं फुक्‍कसिनं थः मांबौया हनाबना ति। अले जिगु विश्रामबार मानय् या। जि परमप्रभु छिमि परमेश्‍वर खः।

लेवी 19:3 ပူးပေါင်းရင်းမြစ်များ

उत्‍पत्ति 48:12

योसेफं थः काय्‌पिन्‍त इस्राएलया पुलिं क्‍वकाल, अले बँय् भ्‍वपुलाः इस्राएलयात भागि यात।

नहेम्‍याह 9:14

इमित थःगु पवित्र शबाथ सीके बियादिल। अले इमित थः दास मोशापाखें आज्ञा, विधि व नियम बियादिल।

प्रस्‍थान 16:29

स्‍व, परमप्रभुं छिमित विश्रामबार बियादीगु दु। उकिं परमप्रभुं छिमिगु निंतिं खुन्‍हु दुखुन्‍हु निन्‍हुयात नयेगु नसा बियादी। न्‍हय्‌न्‍हु खुन्‍हु छिपिं सकलें थथःगु थासय् हे च्‍वनाच्‍वनेमाः सुं नं थःगु थासं पिहां वने मज्‍यू।”

प्रस्‍थान 20:12

“छिमिसं थः मां-बौयात हनाबना या। अले परमेश्‍वरं छिमित बीत्‍यंगु देशय् छिपिं ताःईतक म्‍वाइ।

प्रस्‍थान 20:8

“विश्रामबारयात पवित्रगु धकाः मानय् यायेत लुमंका ति।

प्रस्‍थान 21:15

“सुनानं थः मां बौयात दाल धाःसा वयात स्‍याना छ्वयेमाः।

प्रस्‍थान 21:17

“सुनानं थः मां बौयात सराः बिल धाःसा वयात स्‍याना छ्वयेमाः।

हितोपदेश 1:8

हे जिकाय्! मांअबुं धाःगु खँ न्‍यँ!

हितोपदेश 23:22

थःत दय्‌कूम्‍ह थः बौया खँ न्‍यँ। अले बुरी जूम्‍ह थः मांयात हेला याये मते।

हितोपदेश 30:11

छथ्‍वः मनूत थज्‍याःपिं नं दु, सुनां थः बौयात सराः बियाजुइ, अले थः मांयात गुबलें तःधंकी मखु।

हितोपदेश 30:17

सुनां थः बौयात हेला याइ, अले मांयागु खँयात हेपय् याइ, वयागु मिखा क्‍वखं क्‍वानाबी, अले गिद्धं वयात नइ।

यशैया 58:13

“छिमिसं विश्रामबारयात मत्‍वःतल अले जिगु पवित्र दिंयात थः यःथें मयात धाःसा व परमप्रभुया विश्रामबारय् खुशी जुल धाःसा व थःगु इच्‍छा कथं मयासें थ्‍व दिंयात हनाबना यात धाःसा व थुखुन्‍हु थः यःथें मयासें यय्‌थें खँ मल्‍हात धाःसा,

इजकिएल 20:12

हाकनं इमित पवित्र याइम्‍ह जि परमप्रभु हे खः धइगु खँ इमिसं सीमा धकाः इमिगु व जिगु दथुइ चिंया लागि जिं इमित विश्रामबारत नं बिया।

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 19:25

तर न्‍यागूगु दँय् उकियागु फल छिमिसं नये ज्‍यू। अले अप्‍वः फल सयावइ। जि परमप्रभु छिमि परमेश्‍वर खः।

लेवी 19:30

“‘छिमिसं जिगु विश्रामबार मानय् यायेमाः, अले जिगु पवित्र पालयागु हनाबना तयेमाः। जि परमप्रभु खः।

लेवी 19:31

“‘छिपिं तन्‍त्रमन्‍त्र ज्‍या याइपिं बोक्‍सियाथाय् वने मते। इमिगु सल्‍लाह कयाः थःत अशुद्ध याये मते। जि परमप्रभु छिमि परमेश्‍वर खः।

लेवी 19:34

छिपिंनापं च्‍वनाच्‍वंम्‍ह परदेशीयात थःगु देशयाम्‍ह मनूयात थें हे व्‍यवहार यायेमाः। छिमिसं वयात थःत थें हे माया या, छाय्‌धाःसा छिपिं नं न्‍हापा मिश्रय् परदेशी जुयाच्‍वंगु खः। जि परमप्रभु छिमि परमेश्‍वर खः।

लेवी 23:3

“‘खुन्‍हु तक छिमिसं ज्‍या या, न्‍हय्‌न्‍हु दुखुन्‍हु धाःसा झासु लनेगु विश्रामबार व पवित्र मुंज्‍या जुइ। उखुन्‍हु छिमिसं छुं नं ज्‍या याये मते। छिपिं न्‍ह्याथाय् च्‍वनाच्‍वंसां उखुन्‍हु छिमिसं परमप्रभुयात तःधंकेमाः।

लेवी 26:2

“‘छिमिसं विश्रामबार हनेमाः, अले जिगु नापलायेगु पालयागु हनाबना तयेमाः। जि परमप्रभु खः।

मलाकी 1:6

“काय्‌नं बौयात व दासं थः मालिकयात इज्‍जत याइ। जि छिमि बौ खःसा छिमिसं छाय् जितः इज्‍जत मयानागु? जि छिमि मालिक खःसा छाय् जितः हनाबना मयानागु?” दक्‍व शक्ति दुम्‍ह परमप्रभुं छिमित थ्‍व खँ धयादी, “हे पुजाहारीत, छिमिसं जिगु नांयात क्‍वह्यंकूगु दु। “छिमिसं धाःसा थथे धाइ, ‘जिमिसं गुकथं छिगु नांयात क्‍वह्यंकागु दु?’

व्‍यवस्‍था 27:16

“थः मां बौयात बेइज्‍जत याःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 5:16

“परमप्रभु छिमि परमेश्‍वरं आज्ञा बियादीगु थें छिमिसं थः मां-बौयात हनाबना या, अले परमेश्‍वरं बीत्‍यंगु देशय् छिपिं ताःई तक म्‍वाइ। अले अन छिमित भिं जुइ।”

हिब्रू 12:9

झीत बुइका तःम्‍ह अबुं न्‍वाःथें झीपिं च्‍वना, उकिं झीसं वय्‌कःयात मानय् याना। छु झीसं झीत आत्‍माय् बुइकादीम्‍ह बाःयागु खँ झन अप्‍वः न्‍यने म्‍वाः ला?