लेवी 19:18 - नेवाः बाइबल

¹⁸ “‘थः मनूतलिसे बदला कायेगु स्‍वये मते, अले इबि नं तये मते, तर थः जलाःखलाःतय्‌त थःत थें हे माया या। जि परमप्रभु खः।

लेवी 19:18 ပူးပေါင်းရင်းမြစ်များ

उत्‍पत्ति 4:23

लेमेखं तःधंछुयाः थः कलाःपिन्‍त धाल, “आदा व सिल्‍ला, जिगु खँ न्‍यँ, लेमेखया कलाःपिं, जिं धयागु खँ न्‍यँ, जिं छम्‍ह मनूयात जितः ल्‍हाः वाःगुलिं स्‍यानाबियागु दु। जितः घाः याःम्‍ह छम्‍ह ल्‍याय्‌म्‍हम्‍ह मनूयात।

२ शमूएल 13:22

अब्‍शालोमं अमनोनयात भिं व मभिं छुं मधाल। थः केहेँ तामारयात बेइज्‍जत याःगुलिं अब्‍शालोमं अमनोनयात तसकं मय्‌कल।

२ शमूएल 13:28

अब्‍शालोमं थः मनूतय्‌त थथे उजं बिल, “मौका स्‍वयाच्‍वँ, अले अमनोन त्‍वनाः धेधे चुइबलय् जिं ‘अमनोनयात स्‍या!’ धकाः धाये। अले छिमिसं वयात स्‍या। ग्‍याये माःगु मदु। साहस यानाः धिसिलाक्‍क च्‍वँ। थ्‍व जिगु छिमित आज्ञा खः।”

भजनसंग्रहया सफू 103:9

वय्‌कलं न्‍ह्याबलें दोष बियाच्‍वनादी मखु, वय्‌कः न्‍ह्याबलें तंचाया च्‍वनादी मखु।

प्रस्‍थान 20:16

“थः जःलाखःलाया विरोधय् मखुगु साक्षी बी मते।

हितोपदेश 20:22

मभिंया पलेसा मभिं हे याये धाये मते। परमप्रभुयाके भलसा ति। वय्‌कलं फुक्‍कं ज्‍यंकाबी।

लेवी 19:34

छिपिंनापं च्‍वनाच्‍वंम्‍ह परदेशीयात थःगु देशयाम्‍ह मनूयात थें हे व्‍यवहार यायेमाः। छिमिसं वयात थःत थें हे माया या, छाय्‌धाःसा छिपिं नं न्‍हापा मिश्रय् परदेशी जुयाच्‍वंगु खः। जि परमप्रभु छिमि परमेश्‍वर खः।

मत्ती 19:16

छन्‍हु छम्‍ह मनुखं येशूयाथाय् वयाः धाल – “गुरुजु, भिंगु छु ज्‍या याःसा जितः अनन्‍त जीवन दइ?”

मत्ती 19:19

थः मां बौयात हनाबना ति, थः जःलाखःलायात थःत थें माया या।”

यूहन्‍ना 13:34

छगू न्‍हूगु आज्ञा जिं छिमित बीत्‍यना। छिपिं थःथवय् माया याना च्‍वँ। गथे जिं छिमित माया यानागु खः, अथे हे छिमिसं थःथवय् माया यानाच्‍वनेमाः।

प्रेरित 16:28

थ्‍व खनाः पावल तसकं चिल्‍लाय् दनाः हाल – “अथे यानादी मते, जिपिं फुक्‍कं थन हे दु।”

रोमी 12:17

मभिंगुया पलेसा मभिंगु हे याये मते, बरु फुक्‍क मनूतय्‌त यइपुसे च्‍वंगु व भिंगु जक याना जु।

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

रोमी 13:4

इपिं छिमित भिंगु यायेत तयातःपिं परमेश्‍वरया सेवकत खः। अय्‌नं छिमिसं मभिंगु ज्‍या याना जुल धाःसा इपिं खनाः छिपिं ग्‍याये माली, छाय्‌धाःसा सुनानं म्‍वाय्‌कं तरवार घाना वइ मखु। इपिं मभिंगु ज्‍याखँ यानाजुइपिन्‍त सजाँय बीत तयातःपिं परमेश्‍वरया सेवकत खः।

रोमी 13:9

व्‍यवस्‍थाय् थुकथं धयातःगु दु – व्‍यभिचार याये मते, सुयातं स्‍याये मते, खुयाकाये मते, लोभ याये मते। अले मेगु आज्ञा फुक्‍कं थुकी दुने हे लाः – “थः जःलाखःलापिन्‍त थःत थें हे माया या।”

गलाती 5:14

फुक्‍क व्‍यवस्‍था थ्‍व हे छगू आज्ञाया दुने लाः – “थः जःलाखःलायात थःत थें माया या।”

गलाती 5:20

मूर्ति पुजा यायेगु, झाँक्री ज्‍या यायेगु, ल्‍वाना जुइगु, मेपिन्‍त मभिंकेगु, नुगः मुइकेगु, तंम्‍वयेगु, थःगु जक भिं स्‍वयेगु, मेपिन्‍त ल्‍वाका जुइगु, अले पुचः पुचः मुनाः बाया जुइगु,

एफिसी 4:31

बांमलाःगु खँ मतिइ तये मते, तं व ल्‍वापुख्‍यापु त्‍वःताछ्व। ईख यायेगु व मेपिन्‍त क्‍वह्यंका जुइगु त्‍वःताछ्व। मेपिन्‍त स्‍यंका जुइगु नं त्‍वःताछ्व।

व्‍यवस्‍था 32:25

तरवारं इमित लँय् लँय् मस्‍त मदुपिं यानाबी, छेँय् छेँय् इपिं ग्‍यानाः च्‍वनेमाली, ल्‍याय्‌म्‍ह-ल्‍यासे, अले दुरु त्‍वनीम्‍ह मचांनिसें बुरा बुरीपिं तकं न्‍हनावनी।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

कलस्‍सी 3:8

आवंनिसें छिमिसं तं व ल्‍वापुख्‍यापु त्‍वःताछ्व – कर्पिन्‍त स्‍यंका जुइगु, कर्पिन्‍त मभिंकाः खँ ल्‍हायेगु, अस्‍यः खँ ल्‍हायेगु – थज्‍याःगु ज्‍याखँ नं त्‍वःताछ्व।

हिब्रू 10:30

“बदला कायेगु ज्‍या जिगु खः, जिं हे बदला काये,” धयादीम्‍हय्‌सित झीसं म्‍हस्‍यू। थथे नं धयातःगु दु – “परमप्रभुं हे वय्‌कःया मनूतय्‌त न्‍याय यानादी।”

याकूब 2:8

जःलाखःलातय्‌त नं थःत थें माया यायेमाः धकाः धर्मशास्‍त्रय् च्‍वयातःगु परमेश्‍वरया राज्‍ययागु व्‍यवस्‍था छिमिसं मानय् याना च्‍वंसा बां हे लात।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ यूहन्‍ना 4:21

अय्‌जूगुलिं ख्रीष्‍टं झीत थथे याना च्‍वँ धकाः धयाथकूगु खः – “परमेश्‍वरयात माया याइम्‍ह मनुखं थः दाजुकिजापिन्‍त नं माया यायेमाः।”