लेवी 19:16 - नेवाः बाइबल

¹⁶ “‘मेपिं मनूतय्‌त क्‍वह्यंकाः खँ ल्‍हाना जुइ मते। “‘छिमिसं जःलाखःलापिनिगु जीवन आपतय् लाइगु छुं नं ज्‍या याये मते। जि परमप्रभु खः।

लेवी 19:16 ပူးပေါင်းရင်းမြစ်များ

अय्‍यूब 17:5

सिरपाःया निंतिं गुम्‍ह मनुखं थः पासापिन्‍त बदनाम याइ, वया काय्‌पिनिगु मिखा बुलुसे च्‍वनी।

भजनसंग्रहया सफू 101:5

थः जःलाखःलाया बारे मखुगु खँ ल्‍हाइम्‍हय्‌सित जिं नाश यानाबी। फुइँ यानाजुइपिं व घमण्‍डी मनूतय्‌त जिं सह याये मखु।

भजनसंग्रहया सफू 15:3

गुम्‍ह मेपिन्‍त मभिंकाः जुइ मखु, थः जःलाखःलायात नुगलय् स्‍याकाः जुइ मखु थः पासापिन्‍त मखुगु खँ ल्‍हाना जुइ मखु,

भजनसंग्रहया सफू 50:20

छं थः हे दाजुकिजाया विरोधय् खँ ल्‍हाइगु, छं थः हे मांया काय्‌या बारे मखुगु खँ ल्‍हाइगु।

प्रस्‍थान 20:16

“थः जःलाखःलाया विरोधय् मखुगु साक्षी बी मते।

प्रस्‍थान 23:1

“मखुगु खँ ल्‍हाये मते। मभिंम्‍ह मनूलिसे जानाः मखुगु साक्षी बी मते।

प्रस्‍थान 23:7

“मखुगु खँपाखें तापाक्‍क च्‍वँ। द्वं मदुम्‍ह व खःकथं जुइम्‍ह मनूयात स्‍याये मते, छाय्‌धाःसा द्वंयाःम्‍हय्‌सित जिं गुबलें नं द्वं मयाःम्‍ह ठहरे याये मखु।

हितोपदेश 10:18

थःगु नुगलय् घृणा सुचुकातइपिं फताहा खः। अले मखुगु खँ बय्‌बय् यानाजुइपिं मूर्ख खः।

हितोपदेश 11:13

खँसुवाःतय्‌सं कने मज्‍यूगु खँ नं कनाजुइ, विश्‍वास दुपिं मनूतय्‌सं खँ क्‍वातुका तइ।

हितोपदेश 20:19

अप्‍वः खँ ल्‍हाना जुइपिन्‍सं खँ कथुइ थाकातये फइ मखु। उकिं, अप्‍वः खँ ल्‍हानाजुइपिंलिसे तापाक हे च्‍वँ।

यर्मिया 6:28

इपिं सकलें जिराहा व विद्रोही खः। इमिसं मेपिनिगु बारे मखुगु खँ ल्‍हानाः जुइगु। इपिं सकलें स्‍यने धुंकल। इपिं कँय् व नँ थें छाः।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

इजकिएल 22:9

हि बाः वय्‌केत मखुगु खँ ल्‍हानाजुइपिं मनूत छंके तयार जुयाः च्‍वनाच्‍वंगु दु। अले डाँडाया पुजा याइगु थासय् प्रसाद नइपिं व मभिंगु ज्‍या याइपिं मनूत नं छंके दु।

मत्ती 27:4

अले धाल – “दोष मदुम्‍ह मनूयात स्‍याकेत ज्‍वंकाः जिं पाप याये लात।” अय्‌नं इमिसं वयात थथे धाल – “जिमित छु धया लय्? छं हे सीकि।”

व्‍यवस्‍था 27:25

“द्वं मदुम्‍ह मनूयात स्‍याय्‌त धिबा काःम्‍हय्‌सित सराः लायेमाः।” अले फुक्‍कसिनं “आमेन” धायेमाः।

१ तिमोथी 3:11

इमि कलाः नं अथे हे भिंपिं, दुग्‍यंपिं, मेपिन्‍त हेबाय्‌चबाय् याना मजुइपिं, थातं च्‍वने फुपिं व न्‍ह्यागु खँय् नं विश्‍वास यायेबहःपिं जुइमाः।

२ तिमोथी 3:3

दया माया याये मसःपिं, क्षमा याइमखुपिं, मेपिन्‍त मभिंकाः खँ ल्‍हानाजुइपिं, थःत कःघाये मफुपिं, नुगः छाःपिं, भिंगु खँ मयय्‌कीपिं,

तीतस 2:3

अथे हे बुरीतय्‌त नं परमेश्‍वरयात मानय् याना च्‍वँ, मेपिन्‍त मभिंकाः खँ ल्‍हाना जुइ मते, अय्‌लाः थ्‍वँ त्‍वनाजुइ मते, बरु दुग्‍यंगु खँ स्‍यनेकने या धकाः स्‍यना ब्‍यु।

१ पत्रुस 2:1

अय्‌जूगुलिं आवंनिसें छिपिं मभिंपिं मनूत जुइ मते। सुयातं थगय् याये मते, निपाः ख्‍वाःपाः दुपिं जुइ मते, कर्पिन्‍त डाहा याये मते, अले मेपिन्‍त मभिंकाः खँ ल्‍हाये मते।

१ शमूएल 24:10

थौं छपिन्‍सं हे खंगु दु गुफाय् दुने परमप्रभुं छितः जिगु ल्‍हातय् लःल्‍हानादीगु। जिमि गुलिखय् मनूतय्‌सं छितः स्‍यायेमाः धकाः धाःगु दु अय्‌नं जिं छितः मस्‍यासे त्‍वःताबिया। अले जिं धया, ‘जिं थःगु ल्‍हाः जिमि मालिकया विरोधय् ल्‍ह्वने मफु छाय्‌धाःसा वय्‌कः परमप्रभुया अभिषेक जूम्‍ह खः।’