लेवी 19:12 - नेवाः बाइबल

¹² “‘जिगु नां कयाः मखुगु पाफयाः थः परमेश्‍वरया नां क्‍वह्यंके मते। जि परमप्रभु छिमि परमेश्‍वर खः।

लेवी 19:12 ပူးပေါင်းရင်းမြစ်များ

भजनसंग्रहया सफू 15:4

गुम्‍हय्‌सिनं मभिंपिं मनूतय्‌त इज्‍जत याइ मखु, परमप्रभुया ग्‍याःभय काइपिन्‍त धाःसा हनाबना तइ, थःत न्‍ह्याक्‍व हे थाकुसां थःगु बचं पूवंकी।

प्रस्‍थान 20:7

“जिगु नां कयाः मखुगु पाफयाः थः परमेश्‍वरया नां क्‍वह्यंके मते। म्‍वाय्‌कं म्‍वाय्‌कं वय्‌कःया नां काइम्‍हय्‌सित वय्‌कलं सजाँय बियादी।

यशैया 48:1

“हे याकूबया घराना न्‍यँ! छिमित इस्राएलया नामं सःतूगु खः। अले छिपिं यहूदाया वंशपाखें वःगु खः। छिमिसं परमप्रभुया नामं पाफःगु दु, अले छिमिसं इस्राएलया परमेश्‍वरया नामं प्रार्थना याइ, तर सत्‍यता व धार्मिकतां मखु।

यर्मिया 34:16

तर आः छिमिसं मन हीकाः जिगु नांयात अशुद्ध याःगु दु। छिपिं सकसिनं थःपिन्‍सं इमिगु इच्‍छा कथं त्‍वःताः स्‍वतन्‍त्र यानाब्‍यूपिं थः दासदासीतय्‌त हाकनं जबरजस्‍ती थः दास दासी दय्‌कल।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

यर्मिया 5:2

अनच्‍वंपिं मनूतय्‌सं ‘धात्‍थें परमप्रभु म्‍वाःम्‍ह खः’ धया पाफःसां इमिसं मखुगु खँ ल्‍हानाच्‍वंगु दु।”

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

लेवी 20:3

वं थः मचा मोलोखयात छाइबलय् जिगु पवित्र पालयात अशुद्ध याइ अले जिगु पवित्र नांयात क्‍वह्यंकी, अथे जुयाः जि थः हे वयागु विरोधय् वनाः वयात थः मनूतपाखें पितिनाछ्वये।

लेवी 24:11

व इस्राएली मिसाया काय्‌नं उबले परमप्रभुया नांयात क्‍वह्यंकाः सराः बिल। अले मनूतय्‌सं वयात ज्‍वनाः मोशायाथाय् हल। वया मांया नां शलोमीत खः। व दानया कुलया दिब्रीया म्‍ह्याय् खः।

लेवी 6:3

सुयागुं तंगु वस्‍तु लुइकाः उकिया बारे मखुगु खँ ल्‍हानाः, मखुगु पाः फयाः परमप्रभुया विरोधय् पापयात धाःसा

जकरिया 5:3

अले वं जितः धाल, “देशया दक्‍व थासय् लाये त्‍यंगु सराःया बारे उकी च्‍वयातःगु दु। उकिया छखेपाखे फुक्‍क खुँतय्‌त देशं पितिनाछ्वइ धकाः च्‍वयातःगु दु। अले मेखेपाखे मखुगु पाफइपिन्‍त नं पितिनाछ्वइ धकाः च्‍वयातःगु दु।

जकरिया 5:4

दक्‍व शक्ति दुम्‍ह परमप्रभुं धयादी, ‘जिं सराः छ्वयाहये, अले खुँयागु छेँ व जिगु नामय् पाफयाः मखुगु खँ ल्‍हाइम्‍हय्‌सिगु छेँ व दुहां वनी अले दुने च्‍वनाः उकियात नाश यानाबी, सिँ व ल्‍वहंयात तक नं नाश यानाबी।’”

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

व्‍यवस्‍था 5:11

“म्‍वायेकं म्‍वायेकं परमप्रभु छिमि परमेश्‍वरयागु नां काये मते। म्‍वायेकं म्‍वायेकं वय्‌कःया नां काइम्‍हय्‌सित वय्‌कलं सजाँय बियादी।”

याकूब 5:12

दाजुकिजापिं, सुंनाप छुं कालबिल यायेत बाचा चिनेबलय् छिमिसं स्‍वर्ग व पृथ्‍वी, अथवा मेमेगु छुं नं नां कयाः पाफये मते। खःसा खः, अले मखुसा मखु जक धा। उकिं छिमित परमेश्‍वरं दोष बियादी मखु।