लेवी 19:10 - नेवाः बाइबल

¹⁰ छिमिसं थःगु दाखक्‍यबं दाख खाइबलय् फुक्‍कं दाख खाये मते अले बँय् कुतुं वंगु दाख नं काये मते। व नये मखंपिं व परदेशीतय्‌गु निंतिं त्‍वःताब्‍यु। जि परमप्रभु छिमि परमेश्‍वर खः।

लेवी 19:10 ပူးပေါင်းရင်းမြစ်များ

यशैया 17:6

अय्‌नं जैतूनया फल हाय्‌के धुंकाः उकिया सिमाया निगः वा स्‍वंगः फल च्‍वय्‌यागु कचालय् व प्‍यंगः वा न्‍यागः फल क्‍वय्‌यागु कचालय् जक ल्‍यं थें इस्राएल नांगा जूगु जैतूनया सिमा थें जुइ, अले थनच्‍वंपिं छुं मनूत जक ल्‍यनाच्‍वनी,” परमप्रभु, इस्राएलया परमेश्‍वरं थथे धयादी।

यशैया 24:13

बाली लयेगु इलय् फुक्‍क फल हायेकाः जैतूनया सिमा व दाखमा खालि जुयाः भचा जक फल ल्‍यं दु थें जाति जातितय्‌गु दशा नं अथे हे जुइ।

यर्मिया 49:9

छन्‍थाय् दाख खाइपिं वःसा इमिसं छुं दाख त्‍वःतामथकी ला? चान्‍हय् खुँत वःसा छु! इमिसं थःत गुलि यल उलि धन खुयाः मयंकी ला?

लेवी 11:44

जि परमप्रभु छिमि परमेश्‍वर खः। छिमिसं थःपिन्‍त अर्पण यानाः पवित्र याना तयेमाः, छाय्‌धाःसा जि पवित्र खः। बँय् घिसय् जुया जुइपिं छुं नं कथंयाम्‍ह जन्‍तुपाखें छिपिं अशुद्ध जुइ मते।

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

लेवी 19:25

तर न्‍यागूगु दँय् उकियागु फल छिमिसं नये ज्‍यू। अले अप्‍वः फल सयावइ। जि परमप्रभु छिमि परमेश्‍वर खः।

लेवी 19:9

“‘छिमिसं थःगु बाली लइबलय् बुँया सिथ तक लये मज्‍यू। अले बुँइ कुतुं वंगु अन्‍न नं मुने मते।

लेवी 23:22

“‘छिमिसं बाली लयेबलय् बुँ सिथय् सिथय् थ्‍यंक लये मते। अले बाली लयेबलय् बँय् लाःगु नं मुने मते। छिमिसं उकियात नये मखंपिन्‍त व विदेशीपिन्‍त त्‍वःताब्‍यु। जि परमप्रभु छिमि परमेश्‍वर खः।’”

लेवी 25:6

उगु दँय् छिमिगु बुँइ थःथम्‍हं सःगु अन्‍न हे छिमिगु, छिमि च्‍यःभ्‍वातिं, ज्‍यामि व पिनें वयाः छिमिथाय् च्‍वनाच्‍वंपिं परदेशीतय्‌गु नसा जुइ।

ओबदिया 1:5

“खुँत चान्‍हय् वयाः खूवल धाःसा हाय, छंगु गज्‍याःगु गति जुइ! छु इमिसं थःत माःगु जक खुयायंकी ला? अथे हे दाख खानाः यंकीपिं दाख खाःवन धाःसा इमिसं चीमिया लागि भतिचा त्‍वःताः वनी, तर छिमि शत्रुतय्‌सं छन्‍त सर्वनाश याइ!

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

व्‍यवस्‍था 24:19

छिमिसं बुँइ बाली लइबलय् छथू त्‍वःफित धाःसा उकियात कायेत लिहां वने मते। उकियात परदेशी, मांबौ मदुपिं व भाःत सी धुंकूपिं मिसातय्‌गु लागि त्‍वःताब्‍यु। अले परमप्रभु छिमि परमेश्‍वरं छिमिगु ल्‍हाःया फुक्‍क ज्‍याय् सुवाः बियादी।

व्‍यवस्‍था 24:20

छिमिसं जैतूनया फल छकः खाये धुंकाः त्‍वःफ्‍यूगु फल खायेत हानं वने मते। व परदेशी, मांबौ मदुपिं व भाःत सी धुंकूपिं मिसातय्‌गु लागि दयाच्‍वनेमाः।

व्‍यवस्‍था 24:21

छिमिसं दाखया क्‍यबं दाख खाये धुंकाः लिपा हानं अन फल खायेत वने मते। व परदेशी, मांबौ मदुपिं व भाःत सी धुंकूपिं मिसातय्‌गु लागि जुइमाः।

न्‍यायकर्ता 8:2

वं इमित धाल, “छिमिसं याःगु थें जिं आः छु यानागु दु धकाः? छु एफ्राइमयात त्‍वताःथकूगु दाख, अबीएजेरया फुक्‍क बाली स्‍वयाः मभिं ला?

रुथया सफू 2:2

मोआबी रुथं नाओमीयात धाल, “जितः बुँइ वनेबियादिसँ, सुनां जितः दया याइ वयागु ल्‍यूल्‍यू वनाः तछ्वगुँइँ मुना हये।” अले वं धाल, “हुँ जिमि म्‍ह्याय्।”