लेवी 18:9 - नेवाः बाइबल

⁹ “‘छं थः हे मांबौपाखें बूम्‍ह तताकेहेँ अले थः मां वा बौया न्‍ह्यसु म्‍ह्याय्‌नापं लसपस याये मज्‍यू। व थःगु हे छेँ बूम्‍ह जुइमा वा पिने बुयाः तःधीम्‍ह जूसां अथे याये मते।

लेवी 18:9 ပူးပေါင်းရင်းမြစ်များ

इजकिएल 22:11

छंके गुलिसिनं थः जःलाखःलाया कलाःलिसें घच्‍चाइपुगु ज्‍या याइगु। गुलिसिनं थः भौयात स्‍यंकीगु, अले गुलिसिनं थः हे बौया म्‍ह्याय्, थः केहेँयात बलात्‍कार याइगु।

लेवी 18:10

“‘छं थः काय्‌पाखें वा म्‍ह्याय्‌पाखें बूम्‍ह मिसामचानाप लसपस याये मते थथे यानाः छं थःत लज्‍या चाय्‌की।

लेवी 18:11

“‘छं थः चिरिमांपाखें बूम्‍ह म्‍ह्याय् नाप लसपस याये मते व छिमि केहेँ खः।

लेवी 20:17

“‘सुनानं थः तःकेहेँपिं, थः बौ वा मांया पाखेंयाम्‍ह म्‍ह्याय्‌यात ब्‍याहा यानाः लसपस यात धाःसा व लज्‍या चायापुगु ज्‍या खः। इमित इमि थः मनूतपाखें पितिनाछ्वयेमाः। वं थः केहेँयात लज्‍या चायापुगु ज्‍या खः। अले व उकिया दोषी जुइ।

व्‍यवस्‍था 27:22

“थः तताकेहेँ अले थः बौ वा मांया मेगु ब्‍याहापाखें दुम्‍ह तता वा केहेँ नापं द्यंम्‍ह मनूयात सराः लायेमाः।” अले फुक्‍कसिनं “आमेन” धायेमाः।