लेवी 18:8 - नेवाः बाइबल

⁸ “‘छं थः बौया कलाः चिरिमांनाप लसपस याये मते। अथे यानाः छं थः बौयात लज्‍या चाय्‌के मज्‍यू।

लेवी 18:8 ပူးပေါင်းရင်းမြစ်များ

उत्‍पत्ति 35:22

याकूब अन हे च्‍वनाच्‍वंबलय् रूबेन थः बौया मथ्‍याःम्‍ह कलाः बिल्‍हालिसे द्यन। याकूबं थ्‍व खँ सिल। याकूबया झिंनिम्‍ह काय् दु –

उत्‍पत्ति 49:4

छ थातं मच्‍वंगु लः थें खः, छ न्‍हापांम्‍ह जुयाच्‍वनी मखु, छाय्‌धाःसा छ थः बौया लासाय् द्यन, अले जिगु लासायात क्‍वह्यंकल।

इजकिएल 22:10

छंके थः बौया कलाःपिंनापं द्यनाः थः बौयात अपमान याइपिं दु, छंके थीमत्‍यः जूबलय् व विधिकथं अशुद्ध जुयाच्‍वंम्‍ह मिसालिसें लसपस याइपिं मनूत नं दु।

लेवी 20:11

“‘थः बौया कलाःनापं लसपस याइम्‍हय्‌सिनं थः बौयात लज्‍या चाय्‌कूगु खः। इपिं निम्‍हय्‌सितं स्‍याना छ्वयेमाः। थज्‍याःम्‍ह मनू तःधंगु अपराधया दोषी खः।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

१ कोरिन्‍थी 5:1

छिमिगु दथुइ व्‍यभिचार जुयाच्‍वंगु दु धकाः जितः धाःगु दु। थज्‍याःगु व्‍यभिचार ला यहूदीमखुपिनि दथुइ नं जुइ मखु। छम्‍हय्‌सिनं ला थः हे चिरिमांयात कलाः तयाच्‍वंगु दु हं।

व्‍यवस्‍था 22:30

सुं मिजंनं थः बौया न्‍हापायाम्‍ह कलाःनापं ब्‍याहा मयायेमाः। अथे यानाः थः बौयात लज्‍या मचाय्‌केमाः।

व्‍यवस्‍था 23:1

मिजंतय् अण्‍डकोष तज्‍याःम्‍ह वा च्‍वफायेगु चब्‍बूम्‍ह मनू परमप्रभुया मुँज्‍याय् दुहां वने दइ मखु।

व्‍यवस्‍था 27:20

“थः बौया कलाःनापं द्यंम्‍ह मनूयात सराः लायेमाः छाय्‌धाःसा वं थः बौयात लज्‍या चाय्‌कल।” अले फुक्‍कसिनं “आमेन” धायेमाः।