लेवी 18:4 - नेवाः बाइबल

⁴ जि परमप्रभु छिमि परमेश्‍वर खः। छिमिसं जिगु नियम व विधित पालन यानाः वकथं न्‍ह्यज्‍याहुँ।

लेवी 18:4 ပူးပေါင်းရင်းမြစ်များ

भजनसंग्रहया सफू 105:45

थः मनूतय्‌सं थःगु व्‍यवस्‍था पालन यायेमा धकाः व थःगु फुक्‍क खँ इमिसं न्‍यनेमा धकाः परमेश्‍वरं थथे यानादिल। हल्‍लेलूया!

भजनसंग्रहया सफू 119:4

छिं जिमित छिगु उपदेश बांलाक पालन यायेमाः धकाः उजं बियादीगु दु।

इजकिएल 20:19

जि परमप्रभु छिमि परमेश्‍वर खः। जिगु विधिकथं जु! होसियार जुयाः जिगु नियम पालन या!

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

लेवी 18:2

“इस्राएलीतय्‌त धा, ‘जि परमप्रभु छिमि परमेश्‍वर खः।

लेवी 18:26

अथे जूगुलिं छिमिसं जिगु नियम व विधियात मानय् यायेमाः अले इस्राएलीत जूसां वा इपिं नापं च्‍वनाच्‍वंपिं परदेशीत जूसां सुनानं थज्‍याःगु घचाइपुगु ज्‍या याये मते।

लेवी 18:5

छिमिसं जिगु थ्‍व विधि व नियम मानय् यायेमाः छाय्‌धाःसा व मानय् याःपिं मनूत उकिं हे म्‍वानाच्‍वनी। जि परमप्रभु खः।

लेवी 19:19

“‘छिमिसं जिगु नियम मानय् यायेमाः। “‘अले निगू जातियापिं पशुत छथाय् हयाः ज्‍वःचिंके मते। “‘छगू हे बुँइ निथी किसिमयागु पुसा ह्वले मते। “‘छिमिसं निगू किसिमयागु सुका दुगु वसः पुने मते।

लेवी 19:37

“‘अथे जुयाः छिमिसं जिगु नियम व विधि मानय् यायेमाः। जि परमप्रभु खः।’”

लेवी 20:22

“‘परमप्रभुं धयादिल, जिगु नियम व आज्ञा पालन या। मखुसा जिं छिमित यंके धयागु देशं छिमित ल्‍ह्वयाः वांछ्वइ।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

यूहन्‍ना 15:14

जिगु आज्ञा मानय् याःसा छिपिं धात्‍थें हे जिमि पासापिं खत।

व्‍यवस्‍था 6:1

छिमिसं यर्दन छिनावनाः अधिकार यायेत्‍यंगु देशय् मानय् यायेमाः धकाः छिमित स्‍यनेत परमप्रभु छिमि परमेश्‍वरं जितः धयादीगु आज्ञा, विधि व नियम थुपिं हे खः।