लेवी 18:24 - नेवाः बाइबल

²⁴ “‘थुकथंया ज्‍यापाखें छिमिसं थःत अशुद्ध याये मज्‍यू, छाय्‌धाःसा थ्‍व फुक्‍कं ज्‍याया हुनिं जिं पितिना छ्वयेत्‍यनापिं फुक्‍क जातित अशुद्ध जुइ धुंकूगु दु।

लेवी 18:24 ပူးပေါင်းရင်းမြစ်များ

उत्‍पत्ति 15:16

प्‍यंगू पुस्‍ता लिपा छिमि सन्‍तान थन लिहां वइ। उबलय्‌तक एमोरीतय्‌गु पाप जाइ मखुनि।”

१ राजा 9:7

जिं इस्राएलयात बियागु देशं इमित लिनाछ्वये अले जिं जिगु नांया इज्‍जतया निंतिं पवित्र यानागु थ्‍व देगः नं त्‍वःताबी। अले इस्राएलीत खनाः फुक्‍क मनूत न्‍हिली, अले फुक्‍क मनूतय्‌गु दथुइ इमित हेस्‍याइ अले क्‍वह्यंकी।

२ इतिहास 33:2

परमप्रभुं इस्राएलीतय्‌गु न्‍ह्यःनं लिनाछ्वःपिं जातितय्‌सं याःथें घच्‍चाइपुगु ज्‍याखं मनश्‍शें परमप्रभुया मिखाय् मभिंगु ज्‍या यात।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

भजनसंग्रहया सफू 106:39

थुकथं इपिं थःगु हे ज्‍यां यानाः अशुद्ध जुल। थःगु हे ज्‍यापाखें परमेश्‍वर प्रति विश्‍वास याये बहःमजूपिं जुल।

यर्मिया 44:4

अय्‌नं जिं जिम्‍ह दास अगमवक्तातय्‌त बारम्‍बार इमिथाय् थथे धाय्‌के छ्वया, ‘जितः तसकं मयःगु थज्‍याःगु घच्‍चाइपुगु ज्‍या याये मते।’

इजकिएल 36:17

“अय् सीमानिम्‍ह मनू, इस्राएलया मनूत थःगु देशय् च्‍वनाच्‍वंबलय् इमिसं थःगु पहःचहः व ज्‍यां उकियात अशुद्ध याःगु खः। इमिगु पहःचहः नं जिगु मिखाय् छम्‍ह मिसा थी मज्‍यूबलय्‌या अशुद्धता थें खः।

लेवी 18:3

छिपिं न्‍हापा च्‍वंच्‍वनागु मिश्र देशयापिं मनूतय्‌सं याइगु थें ज्‍या याये मते अले आः यंकेत्‍यनागु देश कनानयापिं मनूतय्‌सं याइगु थें ज्‍या नं याये मते इमिगु विधि नं मानय् याये मते।

लेवी 18:30

थुकथं छिमिसं जिगु उजंयात मानय् यानाः च्‍वँ। न्‍हापायापिन्‍सं याइगु घचाइपुगु ज्‍या यानाः थःत अशुद्ध याये मज्‍यू। जि छिमि परमप्रभु परमेश्‍वर खः।’”

गन्‍ती 35:34

छिपिं च्‍वंवनेत्‍यंगु देशय् जि थः हे नं च्‍वनेगु जूगुलिं व देशयात अशुद्ध याये मते। जि परमप्रभु इस्राएलीतय् दथुइ च्‍वनीम्‍ह खः।’”

१ कोरिन्‍थी 3:17

अय्‌जूगुलिं सुनानं परमेश्‍वरयागु देगः स्‍यंकल धाःसा वयात नं परमेश्‍वरं स्‍यंकादी। वय्‌कःयागु देगः पवित्र जुइमाः। अले परमेश्‍वरयागु देगः छिपिं हे खः।

व्‍यवस्‍था 12:31

छिमिसं परमप्रभु थः परमेश्‍वरया आराधना इमिसं इमि द्यःयात आराधना याःथें याये मते, छाय्‌धाःसा इमि द्यःतय्‌त पुजा याइबलय् इमिसं परमप्रभुयात मयःगु फुक्‍क कथंयागु घच्‍चाइपुसे च्‍वंगु ज्‍या याइ। इमिसं थःकाय् म्‍ह्याय्‌पिन्‍त तक नं थः द्यःतय् लागिं मिइ तयेगु याः।

व्‍यवस्‍था 18:12

थज्‍याःगु ज्‍या याइम्‍ह मनू परमप्रभुयात घच्‍चाइपुस्‍से च्‍वंम्‍ह खः। थुपिं घच्‍चाइपुस्‍से च्‍वंगु चलनं यानाः परमप्रभु छिमि परमेश्‍वरं उपिं जातितय्‌त छिमिगु न्‍ह्यःनेनं पितिना छ्वयादी।

व्‍यवस्‍था 9:4

परमप्रभु छिमि परमेश्‍वरं छिमिगु न्‍ह्यःने इमित पित छ्वयादी धुंकाः छिमिसं थःगु मनय् थथे धाये मते, “झीगु धार्मिकतां यानाः परमप्रभुं थ्‍व देशय् अधिकार यायेत झीत हयादीगु खः।” अथे मखु, इपिं जातितय्‌गु मभिंगु ज्‍यां यानाः परमप्रभुं इमित छिमिगु न्‍ह्यःनं लिनाछ्वयादी।

व्‍यवस्‍था 9:5

छिपिं भिंपिं व नुगः यचुपिं जूगुलिं इमिगु देश त्‍याका कायेत वनेत्‍यंगु मखु। अय्‌नं इमिसं याःगु मभिंगु ज्‍यां यानाः वय्‌कलं छिमि पुर्खा अब्राहाम, इसहाक व याकूबलिसें पाफयादीगु खँ पूवंकादीत परमप्रभु छिमि परमेश्‍वरं इमित छिमिगु न्‍ह्यःनं लिनाछ्वयादी।

न्‍यायकर्ता 20:10

झीसं इस्राएलया फुक्‍क कुलं झिम्‍हय् छम्‍ह मनूयात सिपाइँतय्‌गु निंतिं नयेगु सामान तयार यायेत काये। अले सेना बेन्‍यामीनया गिबाय् वये धुंकाः इमिसं इस्राएलय् याःगु फुक्‍क क्‍वह्यंगु ज्‍याया निंतिं गिबाय् च्‍वंपिन्‍त सजाँय बी।”

न्‍यायकर्ता 20:5

उखुन्‍हु चान्‍हय् गिबायापिं मनूतय्‌सं जितः स्‍यायेगु बिचालं जि च्‍वनागु छेँयात घेरय् यात। इमिसं जिमि मथ्‍याःम्‍ह कलाःयात जबरजस्‍ती यात अले व सित।

न्‍यायकर्ता 20:6

जिं थः मथ्‍याःम्‍ह कलाःयात कयाः वयागु सीम्‍हयात कुचा कुचा यानाबिया अले छकु छकु इस्राएलया झिंनिगू कुलयाथाय् छ्वयाः छाय्‌धाःसा इमिसं इस्राएलय् थज्‍याःगु क्‍वह्यंगु व इज्‍जत कायेगु ज्‍या यात।