लेवी 18:21 - नेवाः बाइबल

²¹ “‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

लेवी 18:21 ပူးပေါင်းရင်းမြစ်များ

१ राजा 11:33

जिं थथे याये, छाय्‌धाःसा इमिसं जितः त्‍वःताः सीदोनीतय् अश्‍तोरेत द्यःमय्‌जु, मोआबीतय् द्यः कमोश व अम्‍मोनीतय् द्यः मोलोखयात पुजा यात। इपिं जिगु लँपुइ जूगु मदु, जितः यःगु ज्‍या याःगु मदु, सोलोमनया अबु दाऊदं मानय् याःथें जिगु विधि व नियम इमिसं मानय् याःगु मदु।

१ राजा 11:7

यरूशलेमया पुर्बपाखेया पहाडय् वं घच्‍चाइपूम्‍ह मोआबी द्यः कमोश व अम्‍मोनीतय् घच्‍चाइपूम्‍ह द्यः मोलोखयात पुजा याइगु पुजा यायेगुथाय् दय्‌कल।

२ राजा 16:3

व इस्राएलया जुजुपिं जूगु थें जुल। परमप्रभुं इस्राएलीतय्‌गु न्‍ह्यःनं पितिनाछ्वःपिं जातितय्‌सं थें घच्‍चाइपुसे च्‍वंगु ज्‍या यानाः वं थः हे काय्‌यात तकं मिइ बलि बिल।

२ राजा 17:31

अव्‍वायापिं मनूतय्‌सं नेभज व तर्ताकया मूर्तित दय्‌कल। सपर्बेमीतय्‌सं थः द्यः अद्रम्‍मलेक व अनम्‍मलेकया निंतिं थःकाय् म्‍ह्याय्‌पिन्‍त मिइ बलि बिइगु।

२ राजा 21:6

वं थःकाय्‌यात मिइ बलि बिल। वं तन्‍त्रमन्‍त्र यात, छुक बिछुक मानय् यात। सीकं दुबिना वइम्‍ह मनू व झाँक्री ज्‍या याइम्‍हय्‌सिके सल्‍लाह काल। वं परमप्रभुयात मयःगु व वय्‌कःयात तंचाय्‌कीगु यक्‍व मभिंगु ज्‍या यात।

२ राजा 23:10

जुजु योशियाहं मोलोखया निंतिं सुनानं थःकाय् वा म्‍ह्याय्‌यात मिइ छाये मफयेमाः धकाः बेन-हिन्‍नोमया खोँचय् दुगु द्यःपुजा याइगु थाय् तोपेतयात अशुद्ध यानाबिल।

२ इतिहास 28:3

वं बेन-हिन्‍नोमया ब्‍यासिइ बलि बिल। इस्राएलीतय्‌त न्‍ह्यःनं गुगु जातियात परमप्रभुं देशं पितिनाछ्वःगु खः वं व हे जातियापिन्‍सं याइगु थें यानाः थः काय्‌पिन्‍त मिइ छ्वय्‌काः बलि बिल।

यर्मिया 19:5

इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

यर्मिया 7:31

इमिसं थः काय्‌म्‍ह्याय्‌पिं मेपिं द्यःतय्‌गु निंतिं मिइ भोग बीत हिन्‍नोमया ब्‍यासिइ दुगु तोपेतय् पुजा यायेगुथाय् दय्‌कूगु दु। जिं अथे यायेगु आज्ञा बियागु मखु, अज्‍याःगु खँ जिं मतिइ नं तयागु मदु।

इजकिएल 20:26

इमित वातां यायेत जिं इमित उपिं हे बलिदानतपाखें अपवित्र याकेबिया, गुगु बलिदानय् इमिसं थः फुक्‍कं न्‍हापा बूपिन्‍त मिइ बलि छाल। इमिसं जि परमप्रभु इमि परमेश्‍वर खः धयागु सीमा धकाः थथे याना।’

इजकिएल 20:31

छिमिसं थः मस्‍तय्‌त कोसेलिकथं मिइ बलि छायाः थौं तक हे थःगु मूर्तितपाखें थःत अशुद्ध यानाच्‍वंगु दु। अय् इस्राएलया घराना, छु! जिं छिमित जिके सल्‍लाह काय्‌के बीगु ला? गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छिमिसं जिके न्‍यनेकने यायेदइ मखु।

इजकिएल 23:37

छाय्‌धाःसा इमिसं व्‍यभिचार याःगु दु, इमिगु ल्‍हातय् हि दु। इमिसं थःगु मूर्तितनापं व्‍यभिचार यात, जिगु लागि बुइकूपिं इमि काय् म्‍ह्याय्‌पिन्‍त इमिसं उपिं मूर्तितय्‌गु न्‍ह्यःने मिइ बलि छाल।

लेवी 19:12

“‘जिगु नां कयाः मखुगु पाफयाः थः परमेश्‍वरया नां क्‍वह्यंके मते। जि परमप्रभु छिमि परमेश्‍वर खः।

लेवी 21:6

थः परमेश्‍वरया निंतिं इपिं पवित्र जुइमाः, अले थः परमेश्‍वरया नां अशुद्ध मयायेमाः। छाय्‌धाःसा इमिसं विशेष देछा, परमेश्‍वरया नसा होमबलि छाइगु खः। उकिं इपिं पवित्र जुइमाः।

लेवी 22:2

“हारून व वया काय्‌पिन्‍त धा, इस्राएलीतय्‌सं जितः छायेहःगु पवित्र वस्‍तुया बारे होसियार जु, अले जिगु नांयात क्‍वह्यंकेगु याये मते। जि परमप्रभु खः।

लेवी 22:32

छिमिसं जिगु पवित्र नांयात क्‍वह्यंकेगु याये मते। इस्राएलीतय्‌सं जि पवित्र खः धकाः नाला कायेमाः। छिमित पवित्र याइम्‍ह परमप्रभु जि हे खः।

लेवी 24:15

छं इस्राएलीतय्‌त थथे धा, ‘सुनानं थः परमेश्‍वरयात सराः बी, थुकिया निंतिं वं सजाँय फयेमाः।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

आमोस 5:26

मखु, छिमिसं ला थःगु हे निंतिं दय्‌कातःगु छिमिगु मूर्तित, छिमि राज द्यः सिक्‍कूत व नगु-द्यः कीयूनयात क्‍वबिया जुल।

मीका 6:7

द्वलंद्वः भ्‍याःचा, अले जैतूनया चिकंयागु झिद्वः खुसिलिसें वय्‌कः लय्‌तायादी ला? जिं यानागु पाप व अपराधयागु लागि जिं जिम्‍ह तःधिकःम्‍ह काय्‌यात बीहये ला?

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

प्रेरित 7:43

मखु, छिमिसं मोलोख द्यःयागु खः व रेफन द्यः धाःम्‍ह नगुयागु मूर्ति क्‍वबिया जुल। थ्‍व मूर्तित छिमिसं हे पुजा यायेत दय्‌कूगु खः। अथे जूगुलिं जिं छिमित सजाँय बीत बेबिलोनं नं उखे छ्वये।’”

रोमी 1:23

अले इमिसं सदां म्‍वाना च्‍वनीम्‍ह परमेश्‍वरयात मानय् याये मालं झन नाश जुयावनीपिं मनू, झंगः, पशुत व घिसय्‌ जुया जुइपिं जन्‍तुतय्‌गु मूर्तियात पुजा यात।

रोमी 2:24

धर्मशास्‍त्रय् नं थ्‍व खँ थथे च्‍वयातःगु दु – “छिपिं थें ज्‍याःपिं मनूतय्‌सं यानाः हे खः, यहूदीमखुपिन्‍सं परमेश्‍वरयागु नां बांमलाकूगु।”

व्‍यवस्‍था 12:31

छिमिसं परमप्रभु थः परमेश्‍वरया आराधना इमिसं इमि द्यःयात आराधना याःथें याये मते, छाय्‌धाःसा इमि द्यःतय्‌त पुजा याइबलय् इमिसं परमप्रभुयात मयःगु फुक्‍क कथंयागु घच्‍चाइपुसे च्‍वंगु ज्‍या याइ। इमिसं थःकाय् म्‍ह्याय्‌पिन्‍त तक नं थः द्यःतय् लागिं मिइ तयेगु याः।

व्‍यवस्‍था 18:10

थःकाय् वा म्‍ह्याय्‌यात मिइ बलि छाइम्‍ह, साइत स्‍वइम्‍ह, जादु क्‍यनीम्‍ह, छुक विछुक धाइम्‍ह, बोक्‍सी ज्‍या याइम्‍ह,