लेवी 17:5 - नेवाः बाइबल

⁵ इस्राएलीतय्‌सं खुल्‍लागु थासय् बियावयाच्‍वंगु बलि आवंलि नापलायेगु पालया ध्‍वाखाय् पुजाहारीतय्‌थाय् परमप्रभुया लागि हयाः वय्‌कःया लागि मेलबलिकथं छायेमाः धकाः थ्‍व आज्ञा ब्‍यूगु खः।

लेवी 17:5 ပူးပေါင်းရင်းမြစ်များ

उत्‍पत्ति 21:33

अब्राहामं बेर्शेबाय् तितिसिमा छमा पित। अले परमप्रभु सदां दयाच्‍वनीम्‍ह परमेश्‍वरया नां कयाच्‍वन।

उत्‍पत्ति 22:13

अब्राहामं उखेंथुखें स्‍वल। वं झालय् न्‍यकू तक्‍यनाच्‍वंम्‍ह भ्‍याःचा छम्‍ह खन। वं वयात ज्‍वनाहयाः थः काय्‌या पलेसा होमबलि बिल।

उत्‍पत्ति 22:2

परमेश्‍वरं धयादिल, “छिमि काय्, छं तसकं माया यानातःम्‍ह याकः काय् इसहाकयात ज्‍वनाः मोरीयाहया देशय् हुँ। जिं अन छगू पहाड क्‍यने, अन हे छं जिगु लागिं छिमि काय्‌यात होमबलि ब्‍यु।”

उत्‍पत्ति 31:54

याकूबं अन गुँच्‍वकाय् हे बलि बियाः थः थःथितिपिन्‍त भ्‍वय् नकल। नयेत्‍वने यानाः इपिं अन हे द्यन।

१ राजा 14:23

इमिसं थःगु निंतिं पुजा याइगु थाय्, च्‍वखगु ल्‍वहंया थां व अशेरा द्यःमय्‌जुया थांत फुक्‍क गुँच्‍वकाय् च्‍वकाय् व फुक्‍क वाउँगु सिमाया क्‍वय् थापं यात।

१ राजा 3:2

उबलय्‌ तक परमप्रभुया नांया इज्‍जतया निंतिं देगः मदय्‌कूगु जुयाः मनूतय्‌सं थथःगु लागायागु आराधना याइगु थासय् बलि बियाच्‍वंगु जुल।

१ राजा 3:3

सोलोमनं व हे लागायागु आराधना याइगु थासय् बलि बीगु अले धुपाँय् च्‍याकेगु बाहेक थः अबु दाऊदं दय्‌कूगु नियम पालन यानाः परमप्रभुयात थःगु माया क्‍यन।

२ राजा 16:4

वं पुजा याइगु थासय्, डाँडा डाँडाय् व फुक्‍क वाउँगु सिमाया क्‍वय् बलि बिल अले धुपाँय् च्‍याकल।

२ राजा 17:10

डाँडा डाँडाया च्‍वकाय् व फुक्‍क वाउँगु सिमाया क्‍वय् इमिसं च्‍वखगु ल्‍वहंया थां व अशेरा द्यःमय्‌जुया थां तल।

२ इतिहास 28:4

पुजा यायेगुथाय्, डाँडा डाँडाय् व फुक्‍क वाउँगु सिमा क्‍वय् बलि बिल, अले धुपाँय् च्‍याकल।

प्रस्‍थान 24:5

अले वं इस्राएली ल्‍याय्‌म्‍हतय्‌त छ्वल, इमिसं परमप्रभुया निंतिं होमबलि व द्वहंयागु मेलबलि छाल।

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

इजकिएल 22:9

हि बाः वय्‌केत मखुगु खँ ल्‍हानाजुइपिं मनूत छंके तयार जुयाः च्‍वनाच्‍वंगु दु। अले डाँडाया पुजा याइगु थासय् प्रसाद नइपिं व मभिंगु ज्‍या याइपिं मनूत नं छंके दु।

इजकिएल 43:27

न्‍हय्‌न्‍हु फुइ धुंकाः च्‍यान्‍हु दुखुन्‍हुंनिसें पुजाहारीतय्‌सं वेदीइ छिमिगु होमबलि व मेलबलि छायेगु यायेमाः। अले जिं छिमित स्‍वीकार याये, परमप्रभु परमेश्‍वरं धयादी।”

इजकिएल 44:15

“‘तर सादोकया परिवारयापिं लेवीतय् सन्‍तान पुजाहारीतय्‌सं धाःसा इस्राएलीत जिपाखें फस्‍वया वंसां तबि जिगु पवित्र थासय् यायेमाःगु ज्‍या इमान्‍दार जुयाः याना हे च्‍वन। थुपिं धाःसा जिगु सेवा यायेत जिगु न्‍ह्यःने वयेगु यायेमा, अले जिगु न्‍ह्यःने दाः व हि छायेत वयेगु यायेमा, परमप्रभु परमेश्‍वरं धयादी।

लेवी 17:6

पुजाहारीं व हि नापलायेगु पालया ध्‍वाखाय् परमप्रभुया वेदीइ छ्वाकेमाः, दाः धाःसा परमप्रभुया निंतिं नस्‍वाः यायेत छ्वय्‌केमाः।

व्‍यवस्‍था 12:2

छिमिसं व देश त्‍याकाकाइबलय् अनयापिं मनूतय्‌सं तःजाःगु डाँडाय्‌, ततःमागु सिमा क्‍वय् व पर्वत पर्वतय् थः द्यःतय्‌त पुजा याइगु थाय् छिमिसं भज्‍यंक स्‍यंकाब्‍यु।