लेवी 17:10 - नेवाः बाइबल

¹⁰ “‘इस्राएलीत वा इपिं नापं च्‍वनाच्‍वंपिं परदेशीत मध्‍ये सुनानं हि नल धाःसा जिं व हि नइम्‍ह मनूयागु विरोध याये, अले वयात थः मनूतपाखें पितिनाछ्वये।

लेवी 17:10 ပူးပေါင်းရင်းမြစ်များ

उत्‍पत्ति 9:4

तर म्‍वाः हि दुगु ला छता नये मते। छाय्‌धाःसा हिइ हे जीवन दइ।

२ शमूएल 23:17

“हे परमप्रभु, जिं थ्‍व लः त्‍वने म्‍वालेमा। छु जिं थुपिं मनूतय्‌गु हि त्‍वनेगु ला? थुमिसं थ्‍व लः थःगु ज्‍यान पाना हःगु खः।” उकिं वं व लः त्‍वनेत म्‍हाः धाल। थुपिं स्‍वम्‍ह बहादुर सिपाइँतय्‌सं अज्‍याःगु तःधंगु ज्‍या याःगु खः।

भजनसंग्रहया सफू 34:16

मभिंगु ज्‍या याइपिनिपाखें धाःसा वय्‌कः फस्‍वयादी, अले इमिगु नां तक हे मल्‍यंक नाश यानादी।

प्रस्‍थान 30:33

सुं मनुखं थज्‍याःगु नस्‍वाःगु चिकं दय्‌कल धाःसा वा पुजाहारी मखुपिनिगु म्‍हय् तया ब्‍यूसां वयात थः मनूतय् दथुं पितिना छ्वयेमाः।’”

यर्मिया 21:10

जिं थ्‍व शहरयात स्‍यंकेगु क्‍वःछीधुन, भिं यायेगु मखु, जि, परमप्रभुं धाये। थ्‍व शहरयात बेबिलोनयाम्‍ह जुजुया ल्‍हातय् बीगु जुइ। अले वं थ्‍व शहरयात मिं भस्‍म याइ।’

यर्मिया 44:11

“उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – स्‍व, जि थः हे छिमिगु विरोधय् वनाः छिमित स्‍यंके, अले यहूदाय् मनूत छम्‍ह नं मदय्‌काबी।

इजकिएल 14:8

जिं व मनूपाखें थःगु ख्‍वाः फस्‍वय्‌के, अले जिं वयात छगू नमूना व न्‍हीकीगु खँ यानाबी। जिं वयात जिम्‍ह मनूतपाखें अलग तयाबी। अले छिमिसं जि हे परमप्रभु खः धकाः सी।

इजकिएल 15:7

अले जिं थःगु ख्‍वाः इमिगु विरोधय् तये, इपिं मिं पिहां वःसां इमित मिं हे भस्‍म यानाबी। जिं थःगु ख्‍वाः इमिगु विरोधय् स्‍वय्‌केबलय् छिमिसं जि हे परमप्रभु खः धकाः सी।

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

लेवी 17:11

छाय्‌धाःसा प्राणीतय्‌गु प्राण हिलय् दयाच्‍वनी अले जिं उकियात छिमित वेदीइ प्रायश्‍चित यायेत बियागु खः। छाय्‌धाःसा उकी प्राण दुगुलिं हिपाखें हे प्रायश्‍चित जुइ।

लेवी 19:26

“‘छिमिसं हि पिमकाःगु ला नये मते। “‘छिमिसं ज्‍वखना स्‍वयेगु व तन्‍त्रमन्‍त्र यायेगु ज्‍या याये मते।

लेवी 26:17

जिं थःगु ख्‍वाः फस्‍वय्‌के। गुकें यानाः छिपिं शत्रुतय्‌गु ल्‍हातिं बुइ। छिमित हेपय् याइपिन्‍सं छिमित शासन याइ, सुनानं लिनाच्‍वंगु मदुसां छिपिं बिस्‍युं वनाच्‍वनी।

लेवी 3:17

“‘छिमिसं दाः व हि गुबलें नये मते। थ्‍व छिमि पुस्‍तौं पुस्‍ताया लागिं न्‍ह्याबलेंया नियम खः।’”

आमोस 9:4

शत्रुतय्‌सं इमित ज्‍वनायंकूसां जिं इमित स्‍यायेत आज्ञा बी। “जिं इमिके विपत्ति हयेगु पक्‍का यानागु दु, इमित ग्‍वाहालि यायेगु निंतिं मखु।”

प्रेरित 15:20

अथे खःसां इमित मूर्ति पुजायागु प्रसाद नये मते, व्‍यभिचार याये मते, हि मम्‍हुकुसे स्‍याःगु ला नये मते, छुकियागुं हि त्‍वने मते धकाः च्‍वःसा बांलाइ।

प्रेरित 15:29

अय्‌नं छिकपिन्‍सं मूर्ति पुजायागु प्रसाद नये मते, छुकियागुं हि त्‍वने मते, हि मम्‍हुकुसे स्‍याःगु ला नये मते, अले व्‍यभिचार याये मते। थुलि जक छिकपिन्‍सं होश यानाः मयात धाःसा गाः। छिकपिनिगु भिं जुइमा।”

व्‍यवस्‍था 12:16

हि धाःसा छिमिसं नये मते। उकियात लः थें बँय् प्‍वंकाब्‍यु।

व्‍यवस्‍था 12:23

तर हि गुबलें नये मते छाय्‌धाःसा हि जीवन खः, अले छिमिसं ला नापं जीवन नये मते।

व्‍यवस्‍था 15:23

छिमिसं हि धाःसा नये मते। उकियात लः थें बँय् प्‍वंकाब्‍यु।

हिब्रू 10:29

परमेश्‍वरया काय्‌यात पालि तःले च्‍वंगु धू ताय्‌कीपिन्‍त, थःत पवित्र याःगु बाचायागु हियात अशुद्ध ताय्‌कीपिन्‍त व दया यानादीम्‍ह पवित्र आत्‍मायात हेस्‍याइपिन्‍त गुलि जक अप्‍वः सजाँय बी। छिमिसं हे बिचाः या।

१ शमूएल 14:32

इमिसं हथासं सामानत लुतय् यात अले फै, सा द्वहं कयाः ख्‍यलय् हे स्‍यानाः हि नापं नल।

१ शमूएल 14:33

“मनूतय्‌सं ला हिनापं नयाः परमप्रभुया विरोधय् पापयात” धकाः सुं वयाः शाऊलयात धाःवल। शाऊलं धाल, “छिपिं सकसिनं बाचा त्‍वाःथूगु दु।” “अथे जुयाः छग्‍वः तग्‍वःगु ल्‍वहं ग्‍वारातुइकाः थन जिथाय् हजि।”