लेवी 16:31 - नेवाः बाइबल

³¹ थ्‍व छिमिगु निंतिं झासु लनेगु विश्रामबार खः। थ्‍वखुन्‍हु छिमिसं छुं मनसें, छुं नं ज्‍या मयासें च्‍वनेमाः। थ्‍व छिमिगु निंतिं न्‍ह्याबलेंया नियम खः।

लेवी 16:31 ပူးပေါင်းရင်းမြစ်များ

एज्रा 8:21

जिपिं झी परमेश्‍वरया न्‍ह्यःने क्‍वमिलु जुइत व याउँक यात्राया निंतिं अले लँय् थः मस्‍त व थःगु सामानयागु रक्षाया निंतिं बिन्‍ति यायेत जिं अन अहावा खुसिया सिथय् अपसं च्‍वनेगु घोषणा याना।

प्रस्‍थान 31:15

खुन्‍हु तक ज्‍या यायेमाः, अय्‌नं न्‍हय्‌न्‍हु खुन्‍हु आराम कायेगु दिं खः। व परमप्रभुया निंतिं पवित्र खः। सुनानं विश्रामबार खुन्‍हु ज्‍या यात धाःसा वयात स्‍याना हे छ्वयेमाः।

प्रस्‍थान 35:2

खुन्‍हु तक ज्‍या यायेगु या, अले न्‍हय्‌न्‍हु खुन्‍हुया दिं धाःसा छिमिगु निंतिं पवित्र खः। थ्‍व दिं परमप्रभुया निंतिं विश्रामबार खः। व दिं सुनानं ज्‍या यात धाःसा वयात स्‍याना छ्वयेमाः।

यशैया 58:3

इमिसं धाइ, ‘जिपिं अपसं च्‍वनागु छाय् छिं मखंगु? जिपिं क्‍वमिलु जुयागु खँय् छिं छाय् वास्‍ता यानामदियागु?’ “छाय्‌धाःसा छिपिं अपसं च्‍वंगु दिंखुन्‍हु छिमिसं थःगु जक इच्‍छा पूवंकी, अले छिमि ज्‍याकःमि फुक्‍कसित क्‍वत्‍यलेगु याइ।

यशैया 58:5

छु जिं ल्‍ययागु अपसं थथे हे खः ला? मनूतय्‌सं छन्‍हु जक क्‍वमिलु जुयाच्‍वनेगु ला? छु थ्‍व तिंकथिमा थें थःगु छ्यं क्‍वछुकेगु व भांग्रा फीगु अले नउनं बुलिइगु दिं जक खः ला? छु छिमिसं थुकियात अपसं धायेगु ला? छु छिमिसं थुकियात परमप्रभुयात लय्‌ताय्‌केगु दिं धायेगु ला?

दानिएल 10:12

हानं वं जितः धाल, “हे दानिएल, ग्‍याये मते, छं दुग्‍यां कायेगु क्‍वछ्यूगु न्‍हापांगु दिंनिसें व छिमि परमेश्‍वरया न्‍ह्यःने थःत क्‍वमिलु याःबलय् निसें छंगु प्रार्थना न्‍यनादीगु दु। जि व हे लिसः बीत वयाम्‍ह खः।

लेवी 23:32

थ्‍व छिमिगु निंतिं फुक्‍कं झासु लनेगु विश्रामबारया दिं खः। गुन्‍हुया सन्‍ध्‍याकाः इलंनिसें कन्‍हय् खुन्‍हु सन्‍ध्‍याकाः ईतक छिमिसं छुं मनसें थ्‍व विश्रामबार हनेमाः।”

लेवी 25:4

न्‍हय्‌दँय् धाःसा परमप्रभुया नामय् बुँयात झासु लने ब्‍यु। न्‍हय्‌दँय् छिमिसं बुँइ छुं नं पी मज्‍यू, दाखमाया कचा न्‍हाये मते।