लेवी 16:26 - नेवाः बाइबल

²⁶ “मरुभूमिइ दुगुचा त्‍वःतःवंम्‍ह मनुखं थःगु वसः हियाः म्‍वःल्‍हुइमाः। अले व छाउनीइ लिहां वये फइ।

लेवी 16:26 ပူးပေါင်းရင်းမြစ်များ

लेवी 11:24

“‘थुमिगुपाखें छिपिं अशुद्ध जुइ। सुनां थुमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:25

सुनां थुमिगु सीम्‍ह क्‍वबिइ वं थःगु वसः हीमाः, अले सन्‍ध्‍याः ईतक व अशुद्ध जुइ।

लेवी 11:27

प्‍यपां चुयाः जुइपिं मध्‍ये पन्‍जांया बलं जुइपिं फुक्‍क पशु छिमिगु निंतिं अशुद्ध खः। सुनांनं इमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:28

इमिगु सीम्‍ह क्‍वबीपिन्‍सं थःगु वसः हीमाः, अले सन्‍ध्‍याः ईतक अशुद्ध जुइ। इपिं फुक्‍क छिमिगु निंतिं अशुद्ध खः।

लेवी 11:31

बँय् घिसय् जुया जुइपिं मध्‍ये थुपिं फुक्‍कं छिमिगु निंतिं अशुद्ध खः। सुनां थुमित व थुमिगु सीम्‍ह थी, व सन्‍ध्‍या ईतक अशुद्ध जुइ।

लेवी 11:32

उपिं मध्‍ये सुं सीबलय् थुमिगु सीम्‍ह छुं चीजया लात धाःसा व अशुद्ध जुइ। सिँ, कापः, छेंगू, भांग्रा वा न्‍ह्यागुयागु दय्‌कातःगु जूसां सन्‍ध्‍या ईतक व अशुद्ध जुइ। उकियात लखय् थुना तयेमाः अले तिनि व शुद्ध जुइ।

लेवी 11:39

“‘छिमिसं ला नये ज्‍यूम्‍ह पशु सित धाःसा, वयागु सीम्‍ह सुनां थी व सन्‍ध्‍या ईतक अशुद्ध जुइ।

लेवी 11:40

सीम्‍ह पशुया ला नइम्‍ह व सीम्‍ह क्‍वब्यूम्‍हं थःगु वसः हीमाः, अले व सन्‍ध्‍या ईतक अशुद्ध जुइ।

लेवी 14:8

“ल्‍वगिं थःगु वसः हियाः म्‍हय् च्‍वंगु फुक्‍क सँ खानाः म्‍वःल्‍हुइमाः। अले तिनि व धात्‍थें शुद्ध जुइ, अले छाउनीइ दुहां वने खनी। अय्‌जूसां न्‍हय्‌न्‍हु तक धाःसा व थःगु पालं पिने हे च्‍वनेमाः।

लेवी 15:27

सुनां थुपिं वस्‍तुयात थी व अशुद्ध जुइ। वं थःगु वसः हीमाः, अले थःम्‍हं नं म्‍वःल्‍हुइमाः। सन्‍ध्‍याकाः ईतक व अशुद्ध जुइ।

लेवी 16:10

त्‍वःताछ्वयेगुलिइ लाःम्‍ह दुगुचायात म्‍वाःम्‍वाकं परमप्रभुया न्‍ह्यःने हयेमाः। अले मनूतय्‌गु पापया प्रायश्‍चितया निंतिं वयात मरुभूमिइ त्‍वःतेमाः।

लेवी 16:25

वं पापबलिया दाः नं वेदीइ छ्वय्‌केमाः।

लेवी 16:28

छ्वयेकूम्‍ह मनुखं थःगु वसः हियाः म्‍वःल्‍हुइमाः, अले व छाउनीइ लिहां वने फइ।

लेवी 16:8

अनं लिपा वं निम्‍ह दुगुचाय् गुम्‍ह परमप्रभुया निंतिं बलि बीगु अले गुम्‍ह त्‍वःताछ्वयेगु धकाः चिट्ठा तयेमाः।

गन्‍ती 19:21

इमिगु निंतिं थ्‍व लिपा थ्‍यंकया नियम जुइमाः। “शुद्ध यायेगु लः छ्वाकूम्‍हय्‌सिनं नं थःगु वसः हीमाः। शुद्ध यायेगु लः थ्‍यूम्‍ह मनू नं सन्‍ध्‍याकाः इलय् तक अशुद्ध जुइ।

हिब्रू 7:19

छाय्‌धाःसा व्‍यवस्‍थां झीत छुं हे याये मफुत। आः धाःसा झीत वया सिबय् भिंगु आशा बियादीगु दु। गुकिं झीत परमेश्‍वरया न्‍ह्यःने थ्‍यंकी।