लेवी 16:22 - नेवाः बाइबल

²² थुकथं व दुगुचां इमिगु फुक्‍क पाप क्‍वबियायंकी। व मनुखं वयात मरुभूमिइ त्‍वःताबीमाः।

लेवी 16:22 ပူးပေါင်းရင်းမြစ်များ

भजनसंग्रहया सफू 103:10

वय्‌कलं झीत झीगु फुक्‍क पापया सजाँय बियादी मखु। वय्‌कलं झीगु अर्धमकथं सजाँय बियादी मखु।

भजनसंग्रहया सफू 103:12

पच्‍छिमं पुर्ब गुलि तापाः उलि हे तापाक वय्‌कलं झीगु पाप झीपाखें चीकाछ्वयादी।

इजकिएल 18:22

वं याःगु छुं नं अपराध वयागु विरोधय् लुमंकीगु जुइ मखु। वं धर्म याःगुलिं व म्‍वाइ।

इजकिएल 4:4

“अनं लिपा छ खव स्‍वयाः ग्‍वतु, अले इस्राएलया घरानाया पाप थःके का! ग्‍वन्‍हु तक छ थुकथं ग्‍वारातुलाच्‍वनी खुन्‍हु तक छं इमिगु पाप भोगे याइ।

लेवी 14:7

वं न्‍हय्‌कः तक ल्‍वगिम्‍ह मनूयात उकिं हाः हाः यानाः शुद्ध थहरय् यायेमाः अले ल्‍यंम्‍ह झंगःयात चकंगु ख्‍यलय् त्‍वःताबीमाः।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 16:23

“अनंलि हारूनं पवित्र पाल दुने वनाः महा-पवित्र थासय् वने न्‍ह्यः पुंगु तुयुगु विशेष कापःया वसः त्‍वयाः अन हे त्‍वःताथकेमाः।

मीका 7:19

छिं जिमित हानं दयामाया यानादी, छिं जिमिगु पापयात तुतिं न्‍हुयादी, अले जिमिगु अधर्म तज्‍जाःगु समुद्रय् वान्‍छ्वयादी।

यूहन्‍ना 1:29

कन्‍हय् खुन्‍हु यूहन्‍नां थःथाय् येशू झायाच्‍वंगु खनाः धाल – “संसारयागु पाप क्षमा यानादीम्‍ह परमेश्‍वरया चीधिकःम्‍ह भ्‍याःचा वय्‌कः हे खः।

गलाती 3:13

येशू ख्रीष्‍टं व्‍यवस्‍थाया सरापं झीत मू पुलाः त्‍वःतकादिल। वय्‌कलं क्रूसय् यग्‍गानाः झीगु सराः थःम्‍हं फयादीगु दु। व्‍यवस्‍थाय् धयातःगु दु “सिँयागु थामय् यख्‍खाइम्‍हय्‌सित सराः लाइ।”

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।