लेवी 16:21 - नेवाः बाइबल

²¹ अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 16:21 ပူးပေါင်းရင်းမြစ်များ

एज्रा 10:1

एज्रा परमेश्‍वरया देगःया न्‍ह्यःने बँय् भ्‍वसुलाः ख्‍वख्‍वं पाप मानय् यानाः प्रार्थना यानाच्‍वंबलय् हे ग्‍वाः ग्‍वाः इस्राएली मिजं, मिसा व मस्‍त वयागु प्‍यखें मुन। इपिं नं ह्वाँय्‌ह्वाँय् ख्‍वल।

भजनसंग्रहया सफू 32:5

अले जिं छिगु न्‍ह्यःने जिगु पाप मानय् याना। जिं जिगु मभिंगु ज्‍याखँ छिगु न्‍ह्यःने मसुचुका। जिं थःम्‍हं थःत धया, “जिं परमप्रभुया न्‍ह्यःने थःगु पाप मानय् याये।” अले छिं जिगु फुक्‍क पापया दोष क्षमा बियादिल। सेला

भजनसंग्रहया सफू 51:3

जिं थःगु अपराध मानय् याये, अले जिगु पाप न्‍ह्याबलें जिगु हे न्‍ह्यःने दु।

प्रस्‍थान 29:10

“अनं लिपा व द्वहंचा नापलायेगु पालया ध्‍वाखाय् हजि, अले हारून व वया काय्‌पिन्‍सं द्वहंचाया छेनय् थथःगु ल्‍हाः तयेमाः।

हितोपदेश 28:13

थःगु पापया पश्‍चाताप मयात कि छ गुबलें थाहां वये फइ मखु। छं थःगु पापया पश्‍चाताप यानाः त्‍वःतल धाःसा परमेश्‍वरयागु दया माया छन्‍त दइ।

यशैया 53:6

झीपिं फुक्‍कं फैत थें लँ तनाच्‍वंपिं खः। झीपिं फुक्‍क थःगु हे लँय् वनाच्‍वना, अले परमप्रभुं वयाके झीगु फुक्‍क अधर्म तयादीगु दु।

लेवी 1:4

अले वं थःगु ल्‍हाः होमबलि पशुया छेनय् तयेमाः। अले वयागु प्रायश्‍चितया लागिं ग्रहण याइगु जुइ।

लेवी 16:20

“हारूनं महा-पवित्र थाय्, पवित्र पाल व वेदीया निंतिं प्रायश्‍चित याये धुंकाः ल्‍यंम्‍ह दुगुचा हयेमाः।

लेवी 16:22

थुकथं व दुगुचां इमिगु फुक्‍क पाप क्‍वबियायंकी। व मनुखं वयात मरुभूमिइ त्‍वःताबीमाः।

लेवी 26:40

“‘थःम्‍हं व थः पुर्खातय्‌सं याःगु पाप व जिगु विरोधय् याःगु विश्‍वासघात व जि प्रति क्‍यंगु दुश्‍मनी मानय् यात धाःसा,

लेवी 5:5

“‘सुं मनू थथे दोषी थहरय् जुल धाःसा वं थःगु पाप स्‍वीकार यायेमाः।

रोमी 10:10

मनूतय्‌सं नुगलंनिसें विश्‍वास याःसा धर्मी जुइ, अले म्‍हुतुं स्‍वीकार याःसा उद्धार जुइ।

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।