लेवी 16:20 - नेवाः बाइबल

²⁰ “हारूनं महा-पवित्र थाय्, पवित्र पाल व वेदीया निंतिं प्रायश्‍चित याये धुंकाः ल्‍यंम्‍ह दुगुचा हयेमाः।

लेवी 16:20 ပူးပေါင်းရင်းမြစ်များ

इजकिएल 45:20

सुनानं बिचाः मयासें अथवा मसीकं मचायेकं पाप याःगु दुसा, लाया न्‍हय्‌न्‍हु दुखुन्‍हु छिमिसं अथे हे यायेगु या। थुकथं देगःया निंतिं छिमिसं प्रायश्‍चित यायेगु या।

लेवी 16:16

थुकथं वं इस्राएलीतय्‌गु पाप व अशुद्ध ज्‍याखँपाखें तच्‍वकं महा-पवित्रगु थाय्‌यात शुद्ध यायेत प्रायश्‍चित यायेमाः। अथे हे वं पवित्र पालया निंतिं नं अथे हे यायेमाः, छाय्‌धाःसा थ्‍व छाउनी इमिगु अशुद्धताया दथुइ दु।

लेवी 16:19

छुं भचा हि वं थःगु पतिंचां न्‍हय्‌कः तक उकी च्‍वय् हाः यानाः इस्राएलीतय्‌गु अशुद्ध ज्‍याखँपाखें वेदीयात शुद्ध व पवित्र यायेमाः।

लेवी 16:21

अले हारूनं थःगु निपा ल्‍हाः दुगुचिया छेनय् तयाः इस्राएलीतय्‌गु फुक्‍क मभिंगु ज्‍या, पाप व अपराधयात नालाः व फुक्‍क दुगुचिया छेनय् चीकेमाः। अनंलि व दुगुचित मरुभूमिइ यंकीम्‍ह मनूयात बियाछ्वयेमाः।

लेवी 6:30

पाप प्रायश्‍चित यायेत पवित्रगु थासय् पापबलिया पशुया हि छाये हःसा उम्‍ह पशुया ला नये मज्‍यू। व फुक्‍कं मिइ च्‍याका छ्वयेमाः।

लेवी 8:15

अले मोशां द्वहंयात स्‍यात। वं हि भतिचा कयाः थःगु पतिंचां वेदीया प्‍यंगू नेकुलिइ तिकाः वेदीयात शुद्ध यानाबिल। ल्‍यं दुगु हि धाःसा वं वेदीया तःलय् प्‍वंकल। थथे यानाः वं वयागु लागिं प्रायश्‍चित यायेत वेदी शुद्ध यानाबिल।

रोमी 4:25

झीत पापं छुतय् यायेत येशूयात स्‍याकेत लःल्‍हानादिल, अले झीत धर्मी ठहरय् यायेत हानं म्‍वाकादिल।

रोमी 8:34

सुनां इमित दोषी याइ? दोषी यानादीम्‍ह ला सिनाः म्‍वानादी धुंकूम्‍ह ख्रीष्‍ट येशू हे खः। थ्‍व हे येशू परमेश्‍वरया जव ल्‍हाःपाखे दी। अले वय्‌कलं झीगु निंतिं परमेश्‍वरयात बिन्‍ति यानादी।

२ कोरिन्‍थी 5:19

ख्रीष्‍टपाखें फुक्‍क मनूतय्‌त परमेश्‍वरं थःनाप मिलय् यानाच्‍वंगु दु धकाः जिमिसं न्‍यंकाच्‍वनागु दु। मनूतय्‌सं याःगु पापया ल्‍याः तयामदिसे वय्‌कलं सकसितं थःलिसे मिलय् यानादीगु खँ मेमेपिन्‍त नं न्‍यंकेत जिमित धयादीगु दु।

कलस्‍सी 1:20

परमेश्‍वरं सृष्‍टि यानातःगु स्‍वर्ग व पृथ्‍वीइ च्‍वंगु फुक्‍कं वय्‌कःया काय्‌नं क्रूसय् हाय्‌कूगु हिं थःलिसे मिलय् यानादिल।

हिब्रू 7:25

अय्‌जूगुलिं हे नं वय्‌कःयात विश्‍वास यानाः परमेश्‍वरया न्‍ह्यःने वइपिन्‍त वय्‌कलं आः हे सदांया निंतिं बचय् यानादी फु, छाय्‌धाःसा इमिगु निंतिं वय्‌कलं परमेश्‍वरयात न्‍ह्याबलें बिन्‍ति यानाच्‍वनादीगु दु।

प्रकाश 1:18

जि म्‍वाःम्‍ह खः। जि सी धुनाम्‍ह जूसां आः जि न्‍ह्याबलें म्‍वाना च्‍वनीम्‍ह खः। मृत्‍यु व नरकया ताःचा जिके दु।