लेवी 16:2 - नेवाः बाइबल

² परमप्रभुं मोशायात धयादिल, “छिमि दाजु हारूनयात बाचा चिनादीगु सनूया द्यःने च्‍वंगु प्रायश्‍चितया कृपा-आसनया न्‍ह्यःने पर्दा दुने च्‍वंगु महा-पवित्र थासय् मंदुबलय् वये मते धा। मखुसा व सी। छाय्‌धाःसा जि अन सनूया च्‍वय् सुपाँचय् खनेदय्‌कः वयेगु खः।

लेवी 16:2 ပူးပေါင်းရင်းမြစ်များ

१ राजा 6:16

देगः दुने ल्‍यूनेपाखे वं बंनिसें धलिं तक देवदारुया सिँपौत मिलय् यानाः ९ मिटर ताहाकःगु महा-पवित्रगु थाय् दय्‌कल।

१ राजा 8:6

अले पुजाहारीतय्‌सं परमप्रभुया बाचाया सनू देगःया महा-पवित्रगु थासय् हयाः करूबतय् पपूया क्‍वय् तयाबिल।

२ इतिहास 5:14

सुपाचं यानाः पुजाहारीत सेवा यायेत दनाच्‍वने मफुत। छाय्‌धाःसा परमेश्‍वरया देगः परमप्रभुया महिमां जाःगु दु।

प्रस्‍थान 30:10

हारूनं दँय् छक्‍वः वेदीया न्‍यकुली प्रायश्‍चित यायेमाः। छिमि पुस्‍ता पुस्‍ता तक दँय् छक्‍वः शुद्ध जुइगु बलिया हिं उकी प्रायश्‍चित यायेमाः। थ्‍व हे वेदी परमप्रभुयात तसकं पवित्र खः।”

लेवी 16:13

वं परमप्रभुया न्‍ह्यःने मिइ धुपाँय्‌चुं तयेमाः। थुकिया कुं साक्षीया सनूया च्‍वय्‌च्‍वंगु प्रायश्‍चितया कृपा-आसनयात त्‍वपुइमाः, मखुसा व सी।

लेवी 16:34

“छिमिसं आवंलि दँय् छकः न्‍ह्याबलें इस्राएलीतय्‌त इमिगु पापं शुद्ध यायेत थुकथं प्रायश्‍चित यायेगु थ्‍व छिमिगु लागिं न्‍ह्याबलेंया नियम खः।” अले परमप्रभुं मोशायात धयादी थें अथे हे यात।

लेवी 23:27

“न्‍हय्‌गूगु लाया झिन्‍हु खुन्‍हु प्रायश्‍चितया दिं जुइ। उखुन्‍हु छिमिसं छुं मनसें छगू पवित्र मुंज्‍या तयेमाः। अले परमप्रभुयात विशेष देछा छायेमाः।

लेवी 8:35

अथे जुयाः छिपिं नापलायेगु पालया चुकय् न्‍हय्‌न्‍हु तक चां न्‍हिं च्‍वनेमाः। छिपिं सिना मवनेमा धकाः परमप्रभुयागु उजंयात मानय् यायेमाः छाय्‌धाःसा जितः थज्‍याःगु हे उजं बियादीगु खः।”

गन्‍ती 17:10

परमप्रभुं मोशायात धयादिल, “विरोध याःपिनिगु निंतिं चिं थहरय् जुइत हारूनया कथियात बाचा चिनातःगु सनूया न्‍ह्यःने हानं यंका ति। अले जिगु विरोधय् याःगु इमिगु कचकचयात छं दिकाब्‍यु, मखुसा इपिं सिनावनी।”

गन्‍ती 18:7

अय्‌नं छ व छिमि काय्‌पिन्‍सं जक वेदी व पवित्र पालया दुने वनाः पुजाहारीया ज्‍या याये फइ। जिं छिमित पुजाहारीया ज्‍या कोसेलिकथं बियागु दु। मेपिं सुं मनू अन वल धाःसा वयात स्‍यानाछ्वयेमाः।”

गन्‍ती 4:19

इपिं तसकं पवित्रगु सामान दुथाय् वइबलय् मसीमा तर म्‍वानाच्‍वनेमा धकाः इमिगु लागि थथे या। हारून व वया काय्‌पिन्‍सं पवित्र थाय्‌या दुने वनाः इमिसं यायेमाःगु ज्‍या व क्‍वबी माःगु सामान क्‍यनाबीमाः।

गन्‍ती 4:5

छाउनी मेथाय् न्‍ह्याइबलय् हारून व वया काय्‌पिन्‍सं महा-पवित्रगु थासय् दुहां वनाः बाचा चिनातःगु सनूया न्‍ह्यःने पर्दा क्‍वकयाः उकिं सनूयात त्‍वपुयाबीमाः।

मत्ती 27:51

अबलय् हे देगलय् च्‍वंगु पर्दा च्‍वंनिसें क्‍वथ्‍यंक निकू दलाः गुना वन। अले हानं भ्‍वखाय् ब्‍वल। पहाड चिरि बायावन।

हिब्रू 6:19

थ्‍व हे आशाय् झीपिं म्‍वानाच्‍वनागु दु। थ्‍व धात्‍थें व पक्‍का खः। अले थ्‍व देगलय् च्‍वंगु पर्दाया दुने थ्‍यंकः थ्‍यं।

हिब्रू 9:25

दकलय् तःधंम्‍ह पुजाहारी दँय्‌दसं थःगु हि छायेत मखु, बलि बियाः हि छायेत परमेश्‍वरयागु न्‍ह्यःने वनी। ख्रीष्‍ट ला थःगु हि मखु तर मेपिनिगु हि छायेत महा-पवित्रगु थासय् झायादी।

हिब्रू 9:3

निगूगु धकिंया दुने च्‍वंगु थाय्‌यात महा-पवित्रगु थाय् धाइ।

हिब्रू 9:5

थ्‍व सनूया द्यःने परमेश्‍वर च्‍वनादीगु थाय्‌यात किकाः करूबतय्‌गु पपू चक्‍कंकाः तसकं बांलाक तयातःगु दु। थ्‍व फुक्‍क खँ छता छता दतले आः कना च्‍वनेत मलाः।

प्रकाश 15:8

परमेश्‍वरयागु महिमा, हनाबना व शक्तिं पिहां वयाच्‍वंगु कुं देगः छगलं जाल। न्‍हय्‌म्‍ह स्‍वर्गदूततय्‌सं छ्वयाहःगु न्‍हय्‌गू महामारी सिमधःतले अन सुं नं दुहां वनेमफु।