लेवी 16:16 - नेवाः बाइबल

¹⁶ थुकथं वं इस्राएलीतय्‌गु पाप व अशुद्ध ज्‍याखँपाखें तच्‍वकं महा-पवित्रगु थाय्‌यात शुद्ध यायेत प्रायश्‍चित यायेमाः। अथे हे वं पवित्र पालया निंतिं नं अथे हे यायेमाः, छाय्‌धाःसा थ्‍व छाउनी इमिगु अशुद्धताया दथुइ दु।

लेवी 16:16 ပူးပေါင်းရင်းမြစ်များ

प्रस्‍थान 30:10

हारूनं दँय् छक्‍वः वेदीया न्‍यकुली प्रायश्‍चित यायेमाः। छिमि पुस्‍ता पुस्‍ता तक दँय् छक्‍वः शुद्ध जुइगु बलिया हिं उकी प्रायश्‍चित यायेमाः। थ्‍व हे वेदी परमप्रभुयात तसकं पवित्र खः।”

लेवी 16:17

हारून प्रायश्‍चित यायेत महा-पवित्र थासय् दुहां वनाः थःगु, थःगु छेँजःया निंतिं व फुक्‍क इस्राएलीतय्‌गु निंतिं प्रायश्‍चित यानाः पिहां मवतले पवित्र पालय् सुं नं च्‍वने दइ मखु।

लेवी 16:18

“अले वं पिहां वयाः परमप्रभुया न्‍ह्यःने च्‍वंगु वेदीया लागिं प्रायश्‍चित यायेमाः। वं द्वहंया हि व दुगुचाया हि भतिभति कयाः वेदीया प्‍यखेरं च्‍वंगु नेकुलिइ तिकाबीमाः।

लेवी 23:27

“न्‍हय्‌गूगु लाया झिन्‍हु खुन्‍हु प्रायश्‍चितया दिं जुइ। उखुन्‍हु छिमिसं छुं मनसें छगू पवित्र मुंज्‍या तयेमाः। अले परमप्रभुयात विशेष देछा छायेमाः।

लेवी 8:15

अले मोशां द्वहंयात स्‍यात। वं हि भतिचा कयाः थःगु पतिंचां वेदीया प्‍यंगू नेकुलिइ तिकाः वेदीयात शुद्ध यानाबिल। ल्‍यं दुगु हि धाःसा वं वेदीया तःलय् प्‍वंकल। थथे यानाः वं वयागु लागिं प्रायश्‍चित यायेत वेदी शुद्ध यानाबिल।

गन्‍ती 17:11

परमप्रभुं उजं बियादीगु थें मोशां फुक्‍क यात।

गन्‍ती 28:15

होमबलि व त्‍वँसाबलि बाहेक शुद्ध जुइगु बलिया निंतिं दुगुचा छम्‍ह नं छायेमाः।

यूहन्‍ना 14:3

जि वनाः छिमित थाय् दय्‌के धुंकाः हानं वयाः छिमित जि च्‍वनेथाय् ब्‍वनायंके। अले छिपिं जिनापं च्‍वनी।

हिब्रू 2:17

दक्‍व खँय् वय्‌कः थः हे दाजुकिजा थें जुयादी माल। थुकथं परमेश्‍वर व झीगु दथुइ च्‍वनाः झीगु पापया प्रायश्‍चित यायेत दयादुम्‍ह व विश्‍वास याये बहःम्‍ह दकलय् तःधंम्‍ह पुजाहारी थें जुयादिल।