लेवी 15:5 - नेवाः बाइबल

⁵ सुनां वयागु लासा थी, वं थःगु वसः हीमाः, अले थःम्‍हं नं म्‍वःल्‍हुइमाः। सन्‍ध्‍याकाः ईतक व मनू अशुद्ध जुइ।

लेवी 15:5 ပူးပေါင်းရင်းမြစ်များ

भजनसंग्रहया सफू 26:6

जिं थः दोष मदुम्‍ह धकाः क्‍यनेत ल्‍हाः सिले, हे परमप्रभु! छिगु वेदीइ वयाः चाःहुलाः

भजनसंग्रहया सफू 51:2

जिगु फुक्‍क अधर्मयात सिलादिसँ, अले जिगु पापं जितः शुद्ध यानादिसँ।

भजनसंग्रहया सफू 51:7

जि शुद्ध मजुतले जितः हिसप घाँय्‌नं सिलादिसँ, अले जि च्‍वापु स्‍वयाः तुयुसे च्‍वनी।

प्रस्‍थान 19:10

परमप्रभुं वयात धयादिल, “मनूतय्‌थाय् वनाः थौं व कन्‍हय् इमित पवित्र या। इमिसं वसः नं हीमाः।

यशैया 1:16

छिपिं थःम्‍हं थःत सिलाः शुद्ध या। जिं खनागु पाप ज्‍या छिमिसं यायेगु त्‍वःताछ्व। मभिंगु ज्‍याखँ त्‍वःति।

यशैया 22:14

दक्‍व शक्ति दुम्‍ह परमप्रभुं जिगु न्‍हाय्‌पं लिक्‍क थथे धयादिल, “छिपिं सीगु दिं तक नं थ्‍व पापया प्रायश्‍चित जुइ मखु,” प्रभु, दक्‍व शक्ति दुम्‍ह परमप्रभुं धयादी।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

इजकिएल 36:29

छिमित अशुद्ध याइगु फुक्‍क खँपाखें जिं छिमित बचय् याये। जिं आज्ञा बी, अले अन्‍न माक्‍व दइ, जिं छिमिथाय् हाकनं गुबलें अनिकाल छ्वयाहये मखु।

लेवी 11:24

“‘थुमिगुपाखें छिपिं अशुद्ध जुइ। सुनां थुमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:25

सुनां थुमिगु सीम्‍ह क्‍वबिइ वं थःगु वसः हीमाः, अले सन्‍ध्‍याः ईतक व अशुद्ध जुइ।

लेवी 11:28

इमिगु सीम्‍ह क्‍वबीपिन्‍सं थःगु वसः हीमाः, अले सन्‍ध्‍याः ईतक अशुद्ध जुइ। इपिं फुक्‍क छिमिगु निंतिं अशुद्ध खः।

लेवी 11:32

उपिं मध्‍ये सुं सीबलय् थुमिगु सीम्‍ह छुं चीजया लात धाःसा व अशुद्ध जुइ। सिँ, कापः, छेंगू, भांग्रा वा न्‍ह्यागुयागु दय्‌कातःगु जूसां सन्‍ध्‍या ईतक व अशुद्ध जुइ। उकियात लखय् थुना तयेमाः अले तिनि व शुद्ध जुइ।

लेवी 13:34

न्‍हय्‌न्‍हु दुखुन्‍हु पुजाहारीं हानं जाँचय् यायेमाः। व चासुइगु ल्‍वय् न्‍यनामवंसें छेंगू स्‍वयाः गाः वंगु खने मदुसा पुजाहारीं वयात शुद्ध थहरय् यायेमाः। अले वं थःगु वसः हियाः शुद्ध जुइ।

लेवी 13:6

न्‍हय्‌न्‍हु खुन्‍हु पुजाहारीं वयात हानं जाँचय् यानाः स्‍वइबलय् ल्‍वय् कम जुइ धुंकूगु दु अले छेंगुलिइ न्‍यनावंगु मदुसा, पुजाहारीं वयात शुद्ध थहरय् यायेमाः। व चातः जक खः। वं थःगु वसः ही, अले व शुद्ध जुइ।

लेवी 14:27

अले पुजाहारीं थःगु जव च्‍वलापतिं उकी थुनाः न्‍हय्‌कः तक परमप्रभुया न्‍ह्यःने हाः यायेमाः।

लेवी 15:18

सुं मिजं मिसालिसे द्यनीबलय् वीर्य लात धाःसा इपिं निम्‍हय्‌सिनं नं म्‍वःल्‍हुइमाः, अले इपिं सन्‍ध्‍याकाः ईतक अशुद्ध जुइ।

लेवी 15:4

“‘धातुया ल्‍वय् दुम्‍ह मनू द्यंगु लासा व च्‍वंगु थाय् अशुद्ध जुइ।

लेवी 15:6

धातुया ल्‍वय् जूम्‍ह मनू च्‍वंगु थासय् च्‍वंम्‍ह मनुखं थःगु वसः हीमाः, अले म्‍वःल्‍हुइमाः। सन्‍ध्‍याकाः ईतक व अशुद्ध जुइ।

लेवी 16:26

“मरुभूमिइ दुगुचा त्‍वःतःवंम्‍ह मनुखं थःगु वसः हियाः म्‍वःल्‍हुइमाः। अले व छाउनीइ लिहां वये फइ।

लेवी 16:28

छ्वयेकूम्‍ह मनुखं थःगु वसः हियाः म्‍वःल्‍हुइमाः, अले व छाउनीइ लिहां वने फइ।

लेवी 17:15

“‘सुं इस्राएली वा परदेशी मनुखं सुं थःगु कालं स्‍यूम्‍ह वा जंगली पशुं स्‍याःम्‍ह पशुया ला नल धाःसा वं थःगु वसः हीमाः, लखं म्‍ह छम्‍हं म्‍वःल्‍हुइमाः अले सन्‍ध्‍याकाः ईतक व अशुद्ध जुइ। अनं लिपा व शुद्ध जुइ।

गन्‍ती 19:10

साचाया नउ मुंम्‍हय्‌सिनं थःगु वसः हीमाः अले सन्‍ध्‍याकाः इलय् तक व नं अशुद्ध जुइ। इस्राएलीत व इपिं नापं च्‍वंपिं परदेशीतय्‌गु निंतिं थ्‍व सदांया विधि जुइ।

गन्‍ती 19:22

अशुद्धम्‍ह मनुखं न्‍ह्यागु हे थ्‍यूसां व अशुद्ध जुइ। अले व थ्‍यूगु खँ मेम्‍हय्‌सिनं थिल धाःसा व नं सन्‍ध्‍याकाः इलय् तक अशुद्ध जुइ।”

हिब्रू 10:22

पवित्रगु लखं म्‍ह शुद्ध यानाः बांमलाःगु व मभिंगु खँ मतिइ मतसे, नुगः यचुकाः व विश्‍वासय् बल्‍लानाः झीपिं परमेश्‍वरया न्‍ह्यःने वनेनु।

हिब्रू 9:14

म्‍वाःम्‍ह परमेश्‍वरयागु सेवा यायेत ख्रीष्‍टयागु हिं झन गुलि जक झीगु नुगः यचुक हुया बीगु जुइ? ख्रीष्‍टं पवित्र आत्‍मां जायाः खू मदुम्‍ह बां जुयाः थःत हे परमेश्‍वरयात छायादिल।

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

याकूब 4:8

परमेश्‍वरया लिक्‍क वा, अले वय्‌कः नं छिमि लिक्‍क झायादी। हे पापीत, छिमिसं थःगु ल्‍हाः सिलाछ्व। हे दोमन यानाजुइपिं, छिमिसं थःगु नुगःयात शुद्ध या।

प्रकाश 7:14

“प्रभु, छिं जक स्‍यू” धकाः जिं वयात लिसः बिया। अले वय्‌कलं धयादिल – “तसकं तःधंगु दुःखकष्‍ट सहयाना वःपिं मनूत इपिं हे खः। इमिसं चीधिकःम्‍ह भ्‍याःचायागु हिं थथःगु वसः हियाः थथे तुयुसे च्‍वंका तःगु खः।

१ शमूएल 20:26

उखुन्‍हु शाऊलं छुं मधाः। वं “व विधिकथं अशुद्ध जुयाः व मवःगु जुइमा, धात्‍थें व अशुद्ध हे जुल जुइ” धकाः बिचाः यात।