लेवी 15:24 - नेवाः बाइबल

²⁴ “‘सुं नं मिजं व नापं द्यन धाःसा न्‍हय्‌न्‍हु तक व मिजं अशुद्ध जुइ। अले व द्यंगु लासा नं अशुद्ध जुइ।

लेवी 15:24 ပူးပေါင်းရင်းမြစ်များ

इजकिएल 18:6

वं डाँडाय् दुगु पुजा याइगु थासय् नःगु मदु, अथवा इस्राएलया घरानाया मूर्तितपाखे स्‍वःगु मदु। वं थः जःलाखःलाया कलाःयात स्‍यंकूगु मदु व थीमज्‍यू जुयाच्‍वंम्‍ह मिसानापं द्यंगु मदु।

इजकिएल 22:10

छंके थः बौया कलाःपिंनापं द्यनाः थः बौयात अपमान याइपिं दु, छंके थीमत्‍यः जूबलय् व विधिकथं अशुद्ध जुयाच्‍वंम्‍ह मिसालिसें लसपस याइपिं मनूत नं दु।

लेवी 15:23

सुनानं व द्यंगु लासा वा व च्‍वंगु वस्‍तु थिल धाःसा व सन्‍ध्‍याकाः ईतक अशुद्ध जुइ।

लेवी 15:33

अले थीमत्‍यः जुयाच्‍वंम्‍ह मिसा वा थीमत्‍यः जूगु बाहेक मेबलय् हिबा वयाच्‍वंम्‍ह मिसा, धातु ल्‍वय् दुम्‍ह मिजं, अले थीमत्‍यः जूम्‍ह मिसालिसे द्यनीम्‍ह मिजंलिसे गुकथं व्‍यवहार यायेमाः धयागु खँया विधि थ्‍व हे खः।

लेवी 18:19

“‘सुं मिसाया थीमत्‍यः जुयाः अशुद्ध जुइबलय् छं व नाप लसपस याये मते।

लेवी 20:18

“‘सुनानं थीमज्‍यू जुयाच्‍वंम्‍ह मिसानाप लसपस यात धाःसा वं हिबा वःगु मूलयात उलाक्‍यना ब्‍यूगु दु, अले व मिसां नं व उला ब्‍यूगु दु। इपिं निम्‍हय्‌सितं इमि थः मनूतपाखें पितिनाछ्वयेमाः।

१ थेसलोनिकी 5:22

फुक्‍क कथंयागु मभिंगु खँपाखें तापाक च्‍वँ।

हिब्रू 13:4

ब्‍याहायात सकसिनं तःधंकेमाः। निम्‍हतिपूया दथुइ थःथवय् विश्‍वास दयेमाः, छाय्‌धाःसा व्‍यभिचार याइपिन्‍त व ब्‍याहा याये धुंकाः नं मेपिं नाप जुयाः स्‍यनिपिन्‍त परमेश्‍वरं न्‍याय यानादी।

१ पत्रुस 2:11

यःपिं दाजुकिजापिं, थ्‍व संसारय् छिपिं कर्पिं व परदेशीत थें खः। अय्‌जूगुलिं आत्‍मानापं न्‍ह्याबलें ल्‍वाना च्‍वनीगु शरीरया इच्‍छापाखें तापाक च्‍वँ धकाः जिं छिमित बिन्‍ति यानाच्‍वनागु दु। झीत यःगु जक ज्‍याखँ यात धाःसा झीगु आत्‍मा पापय् लाइ।