लेवी 15:15 - नेवाः बाइबल

¹⁵ पुजाहारीं छम्‍ह शुद्ध जुइगु बलि निंतिं व छम्‍ह होमबलिया निंतिं छायेमाः। थुकथं पुजाहारीं परमप्रभुया न्‍ह्यःने वयागु ल्‍वय्‌या निंतिं प्रायश्‍चित यायेमाः।

लेवी 15:15 ပူးပေါင်းရင်းမြစ်များ

लेवी 4:26

उकिया फुक्‍क दाः मेलबलिया दाः थें वेदीइ छ्वय्‌केमाः। थथे पुजाहारीं नायःया पापया लागिं प्रायश्‍चित याइ, अले वयात क्षमा दइ।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

एफिसी 1:6

वय्‌कलं झीत थथे तःधंगु दया माया यानादीगुलिं झीसं वय्‌कःयात तःधंकेमाः। वय्‌कलं थः यःम्‍ह काय्‌पाखें झीत दया माया यानादिल।

मत्ती 3:17

अले स्‍वर्गं थथे धयाहल – “थ्‍व जि यःम्‍ह काय् खः, थ्‍व खनाः जि तसकं लय्‌ताः।”

गन्‍ती 25:13

थ्‍व बाचाय् जिं वयात व वया सन्‍तानयात न्‍ह्याबलेंया लागिं पुजाहारी जुयाः ज्‍या यायेगु अधिकार बी। छाय्‌धाःसा परमेश्‍वरया लागिं वं नुगः मुइकल, अले इस्राएलीतय्‌गु निंतिं प्रायश्‍चित यात।”

गन्‍ती 15:25

अले पुजाहारीं इस्राएलया फुक्‍क खलःया लागिं प्रायश्‍चित यायेमाः, अले इमित क्षमा याइगु जुइ। छाय्‌धाःसा व मसीकं मचायेकं याःगु मभिंगु ज्‍या खः। इमिसं थःगु पापया निंतिं परमप्रभुया न्‍ह्यःने विशेष देछा व पापबलि हःगु दु।

लेवी 12:7

पुजाहारीं व फुक्‍क परमप्रभुया न्‍ह्यःने छानाः वयागु निंतिं प्रायश्‍चित याइ अले वयागु हिबा वःगुपाखें व शुद्ध जुइ। “‘मिसां काय् वा म्‍ह्याय् बुइके धुंकाः यायेमाःगु विधि थ्‍व हे खः।

लेवी 4:35

परमप्रभुयात छाःगु विशेष देछाया फुक्‍क दाः नापं मेलबलिया चिधिकःम्‍ह भ्‍याःचाया दाः थें पापबलिया फुक्‍क दाः वं लिकया उकियात पुजाहारीं वेदीइ छ्वय्‌केमाः। थथे वं याःगु पापया निंतिं पुजाहारीं वयागु लागिं प्रायश्‍चित याइ, अले वयात क्षमा दइ।

लेवी 4:31

उकिया फुक्‍क दाः मेलबलिया दाः थें लिकायेमाः। अले पुजाहारीं परमप्रभुया निंतिं नस्‍वाः वय्‌केत वेदीइ छ्वय्‌केमाः। थथे पुजाहारीं उकिया निंतिं प्रायश्‍चित याइ, अले वयात क्षमा दइ।

लेवी 4:20

पापबलिया द्वहंयात वं गथे याःगु खः थ्‍व द्वहंयात नं अथे हे यायेमाः। थुकथं पुजाहारीं इमिगु निंतिं प्रायश्‍चित यायेमाः, अले इमित क्षमा दइ।

लेवी 11:24

“‘थुमिगुपाखें छिपिं अशुद्ध जुइ। सुनां थुमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:25

सुनां थुमिगु सीम्‍ह क्‍वबिइ वं थःगु वसः हीमाः, अले सन्‍ध्‍याः ईतक व अशुद्ध जुइ।

लेवी 11:27

प्‍यपां चुयाः जुइपिं मध्‍ये पन्‍जांया बलं जुइपिं फुक्‍क पशु छिमिगु निंतिं अशुद्ध खः। सुनांनं इमिगु सीम्‍ह थी, व सन्‍ध्‍याः ईतक अशुद्ध जुइ।

लेवी 11:28

इमिगु सीम्‍ह क्‍वबीपिन्‍सं थःगु वसः हीमाः, अले सन्‍ध्‍याः ईतक अशुद्ध जुइ। इपिं फुक्‍क छिमिगु निंतिं अशुद्ध खः।

लेवी 11:31

बँय् घिसय् जुया जुइपिं मध्‍ये थुपिं फुक्‍कं छिमिगु निंतिं अशुद्ध खः। सुनां थुमित व थुमिगु सीम्‍ह थी, व सन्‍ध्‍या ईतक अशुद्ध जुइ।

लेवी 11:32

उपिं मध्‍ये सुं सीबलय् थुमिगु सीम्‍ह छुं चीजया लात धाःसा व अशुद्ध जुइ। सिँ, कापः, छेंगू, भांग्रा वा न्‍ह्यागुयागु दय्‌कातःगु जूसां सन्‍ध्‍या ईतक व अशुद्ध जुइ। उकियात लखय् थुना तयेमाः अले तिनि व शुद्ध जुइ।

लेवी 11:39

“‘छिमिसं ला नये ज्‍यूम्‍ह पशु सित धाःसा, वयागु सीम्‍ह सुनां थी व सन्‍ध्‍या ईतक अशुद्ध जुइ।

लेवी 11:40

सीम्‍ह पशुया ला नइम्‍ह व सीम्‍ह क्‍वब्यूम्‍हं थःगु वसः हीमाः, अले व सन्‍ध्‍या ईतक अशुद्ध जुइ।

लेवी 12:8

चिधिकःम्‍ह भ्‍याःचा हये मफुसा वं होमबलिया निंतिं छम्‍ह व पापबलिया निंतिं छम्‍ह यानाः सुकुभत्तु जूसां बखुं जूसां निम्‍ह हयेमाः। थुकथं पुजाहारीं वयागु निंतिं प्रायश्‍चित याइ। अले व शुद्ध जुइ।’”