लेवी 15:13 - नेवाः बाइबल

¹³ “‘धातुया ल्‍वय् दुम्‍ह मनुखं थःगु ल्‍वय् लाये धुंकाः न्‍हय्‌न्‍हु तक पीमाः। न्‍हय्‌न्‍हुया दुने वं थःगु वसः हीमाः, नीलखं म्‍वःल्‍हुइमाः। अले व शुद्ध जुइ।

लेवी 15:13 ပူးပေါင်းရင်းမြစ်များ

प्रस्‍थान 29:35

“न्‍हय्‌न्‍हु तक जिं छन्‍त बियागु फुक्‍कं आज्ञा कथं हारून व वया काय्‌पिन्‍त पलिस्‍था या।

प्रस्‍थान 29:37

न्‍हय्‌न्‍हु तक छं वेदीया निंतिं प्रायश्‍चित यानाः उकिं व शुद्ध जुइ। अले वेदी तच्‍वकं पवित्र जुइ। व उकियात थ्‍यूगु न्‍ह्यागु नं पवित्र जुइ।

यर्मिया 33:8

जिं इमित इमिसं जिगु विरोधय् याःगु फुक्‍क अधर्म व पापपाखें शुद्ध याये। जिगु विरोधय् विद्रोही जुयाः याःगु इमिगु फुक्‍क पाप जिं क्षमा यानाबी।

लेवी 14:10

“च्‍यान्‍हु दुखुन्‍हु वं खू मदुपिं दच्‍छि दुपिं निम्‍ह चिधिकःपिं भ्‍याःचात व छम्‍ह मिसाम्‍ह चिधिकःम्‍ह फैचा, अन्‍नबलिया निंतिं जैतूनया चिकनय् बुलातःगु भिंगु छुचुं छगू एपाया झिब्‍वय् स्‍वब्‍व व छगू लिटरया स्‍वब्‍वय् छब्‍व चिकं हयेमाः।

लेवी 14:8

“ल्‍वगिं थःगु वसः हियाः म्‍हय् च्‍वंगु फुक्‍क सँ खानाः म्‍वःल्‍हुइमाः। अले तिनि व धात्‍थें शुद्ध जुइ, अले छाउनीइ दुहां वने खनी। अय्‌जूसां न्‍हय्‌न्‍हु तक धाःसा व थःगु पालं पिने हे च्‍वनेमाः।

लेवी 15:28

“‘हि खनेमदये धुंकाः न्‍हय्‌न्‍हु तक व मिसां पीमाः। अनंलि तिनि व शुद्ध जुइ।

लेवी 15:5

सुनां वयागु लासा थी, वं थःगु वसः हीमाः, अले थःम्‍हं नं म्‍वःल्‍हुइमाः। सन्‍ध्‍याकाः ईतक व मनू अशुद्ध जुइ।

लेवी 8:33

छिमिगु अभिषेकया विधि पूमवंतले न्‍हय्‌न्‍हु तक छिपिं नापलायेगु पालया ध्‍वाखां पिने वने मते, छाय्‌धाःसा छिमिगु अभिषेक न्‍हय्‌न्‍हु तक दयाच्‍वनी।

लेवी 9:1

अभिषेकया कन्‍हय् खुन्‍हु मोशां हारून, वया काय्‌पिं व इस्राएलया थकालिपिन्‍त सःतल।

गन्‍ती 12:14

परमप्रभुं मोशायात लिसः बियादिल, “वया बौनं वयागु ख्‍वालय् थुकलं ब्‍यूगु जूसा छु व न्‍हय्‌न्‍हु तक मछाला मच्‍वनी ला? वयात न्‍हय्‌न्‍हु तक छाउनीं पिने कुना ति! अनं लिपा लित हःसां ज्‍यू।”

२ कोरिन्‍थी 7:1

यःपिं दाजुकिजापिं, झीत थ्‍व बचं बियादीगुलिं म्‍ह व आत्‍मायात अशुद्ध याइगु फुक्‍क खँपाखें झीसं थःत पवित्र याये नु। अले परमेश्‍वरया भय कयाः झीसं पवित्र जुयाच्‍वनेगु कुतः याये नु।

याकूब 4:8

परमेश्‍वरया लिक्‍क वा, अले वय्‌कः नं छिमि लिक्‍क झायादी। हे पापीत, छिमिसं थःगु ल्‍हाः सिलाछ्व। हे दोमन यानाजुइपिं, छिमिसं थःगु नुगःयात शुद्ध या।

प्रकाश 1:5

अथे हे तुं साक्षी बियादीगु विश्‍वास याये बहःम्‍ह, सिनाः दकलय् न्‍हापां म्‍वानावःम्‍ह, अले संसारय् च्‍वंपिं जुजुतय् जुजु येशू ख्रीष्‍टपाखें नं छिमित दया माया व शान्‍ति दयेमा। झीत माया यानादीम्‍ह नं वय्‌कः हे जूगुलिं थःगु हिं झीत झीगु पापं छुतय् यानादीम्‍ह नं वय्‌कः हे खः।